الحرام المباح(الداريجة المغربية)

82

مدات يدها وشدات باب الطوموبيل بالخف قبل مايتسببو فشي حادث لشي حد وشافت فيه مغنزرةرانيا:عز حرك الطوموبيل راك واقف فوسط الطريق واش حمقتي ؟عز الدين:علاه تخليو لبنادم العقل؟رانيا: أنا أعز والله ماكنت عارفاها ديال عائلتك نتا فاش عاودتيلي مجبدتيليش حس السنسلة ولا شي عقد وهو فاش عاود ماقالش كان تم شي دري صغير واش لاعرفت مغانقولش ؟ عارفني أنا مكانسكتش على الظلم أعز زيد تحرك قبل مانعملو شي كسيدة تصدق مانتا هاضر معاه ولا فاهم والو-تنهد وتحرك من تم كيسوق وزايد فالسرعة أما رانيا فمدات يدها لحزام الأمان ديالو وركباتولو عاد ركبات ديالها وبقات متبعة الطريق بعينها-كان سي حمد جالس فمكتبو حتى دخلات عليه فرح حانية راسها للأرض بالحشمة ومشات جرات الكرسي وجلسات مقابلة معاهفرح:أبي نتا عارف بلا اليوم غانخرج مع ياسين وغاتخرج معانا حتى ختو ملاك باش منبقاوش بوحدنا كيف قال باه وقلت نجي نعلمك دبا جا الوقت وهوما برا كيتسناونيسي حمد :وقلتيلهم يدخلو نضايفوهم؟ عاد مشيو فين باغين تمشيوففرح:لا مبغاوش قالو مرة أخرى وصاف ومنها مانتعطلوشسي حمد:وصاف سيرو انا البارح أصلا عطيتك موافقتي-حركات ليه راسها بواخة ووقفات باست ليه يدو عاد خرجات نزلات مع الدروج ومشات نيشان لعندو فتحات باب اللور وركباتفرح:ياكما تعطلت عليكمملاك:الا قالاك متعطلتيش وزايدون هانتي تعطلي حنا نتسناوك العمر كلو ههه ياك أياسين-حمحم ياسين ونغز ختو تسكت عارفها معندهاش الفرانات عاد كسيرا بشوية عليه غاخرج من الفيلا وشد طريق لوطوروط وهو يصونيلو التيليفون ...مد يدو لجيبو جبدو وغا شاف الاسم وهو لونو يتخطف ...كانت هنية ،مابقا حاملها ولا حامل اسمها ولا حامل صوتها ولا يشوفها ...تنهد وجاوب بزز منو غاعلى ود ولدو لاتكون ناقصاه شي حاجةياسين:السلام عليكم ورحمة الله تعالى وبركاته نعام آش كاين واش سفيان بيخير؟هنية:وعليكم السلام هاي هاي على سي الفقيه كيسول غافولدو حنا مكاين علينا التسوال ماعلينا أصلا هذا ماشي موضوعنا(طرطقات المسكة لي ففمها حتى تسمع ليه الصوت)تا سمع سمع كيشتي جا كلشي مزروب وكنت عوالة عليها فراس العام ساعة جات دبا والليلة عندي ضريب الصداق وأنا مباغاش الولد يبقا عندي باغا نوجد على راحتي وعاد راجلي المستقبلي عندو بنت ونخاف عليها من داك الرعواني دولدك فاقلت نعيطلك تجي من وراه غانخليهلك واقف فالزنقة حيت مشغولة ومقادراش نبقا نتسنى فيك عندي شلا مطارق كيضربو فراسي هاد النهارياسين:الله يجعلهم يضربو فيك نيت واش حمقتي ولا؟ أنا راه بعيد غا فالخلا والقيفار كيفاش غانوصل شفتيني طيارة ولا ؟ خلي الولد عند شي جارة نجي تنزلولي متخليهش واقف فالباب لايسرقوههنية:هههه يسرقوه آش غايديرو بيه يسحابلك عندك هنا ملك جمال المغرب ولا ؟ماعلينا راه غانخليه عند حبيبة الجارة لي تحتي فاش تجي صوني عليها وراه تنازلتلك عليه فالمحكمة غاتوصلك فالعشية غاخودو وربح بيه من عندي

قطع عليها وزاد فالسرعة شوية باغي غير يوصل وفنفس الوقت كيخمم ففرح وزواجهم وكيفاش غايقنعها تخلي الولد معاهم وهو ماشي حتى ولدها ...مو ورماتو وتوحل فيه هي-خرجات سمية من المستشفى كان الوقت دالغدا بدات كتقلب عليه بعينها فالبلاصة حتى جا من وراها وخشا وجهو فعنقها وباسها وبالخلعة ردات يدها للقدام وعاودات رداتها للور على حر جهدها وعطاتو بيها ضربة لكرشو حتى حس مسارنو تهزو من بلاصتهم وعاودو تحطو ...حيد وجهو من عنقها وقوص ظهرو شوية وشد فكرشو مغمض عينو ومعصرهمرضى:أحح واش من نيتك دبا عاد فهمت خوك علاش قال كنتي كتسلخيه وخا كبر منك كان-دارت لعندو سمية متفاجئة وحطات يدها على كرشو كتماصيهاسمية:أويلي ونتا دير الحس واش متعلمتيش من داكشي لي وقعلنا البارحرضى:واكواك الحق وانا منين غانعرف خاطب جاكيشان ماشي بنتسمية:جاكيشان؟ تسكت ولا نزيدك التانية-"وقف وجرها لعندو معانقها كيضحك وتم قاصد طوموبيلتو ":-تعاوديها ناكلك ،فين باغانا نمشيو؟سمية:اجي شفتك عيطتيلي نتلقاو ياكما باغي تتهنى مني ويصفيوها ليا؟رضى:الا صاف تفكات القضية وداك مول شي تشد فالحبس شلا ضواصات عندو فرشهم باقي غا المحكمة لي كاينة فراس العامسمية:آهه يعني زال الخطر ونقدرو نتلقاو كيف بغينارضى:(طلق منها وفتحلها باب الطوموبيل)وباقي الخطر دخوك وذني البارح مقدرتش ننعس عليها ههه ماتعرفهم يدين ولا خباطات بجوجكم عندكم اليدين دالبناياسمية:(قلبات عليه وجهها وغلضات صوتها)أهياا تاتجمع وحتارمني راه كبر منك أنارضى:فاش غانتزوجو غانوريك الإحترام على أصولو-بدات كتضحك بعد مافهمات قصدو أما هو شد الباب عليها ودار ركب فبلاصتو وكسيرا كيسوق وكل مرة يشوف فيها ولا يهز يدها ويبوسو ...حسات معاه بالحنان لي طول عمرها فاقداه والحب لي متعطالهاش فصغرها عطاهلها هو بين ليلة وضحاها ...ضحكتو اهتمامو وكل حاجة كان كيعملها إلا وكتلمس فيها نوع من أنواع الحب والغرامعند عز-وصل لقدام الفيلا وغافتحلهم العساس دخل طوموبيلتو بالخف ونزل شاف جيهت الجليسة لي فالجردة ملقاهش تم وعرفو غايكون غير فمكتبو ودخل كيجري ...نزلات رانيا من الطوموبيل وطلعات عينها فالسرجم وشافتو واقف كيطل منو ومراقب الأجواء غا من الفوق ...دخلات حتى هي وطلعات من الدروج وكتحاول تخف وخا رجلها بدا تاني عاطيها الصداع والحريق وخا هكاك كافحات وطلعات فدوك الدروج ومشات نيشان لمكتبو لقات عز الدين شانق عليه وملصقو مع الحيط ...وسعات عينها من هول الصدمة دداك المشهد كان سي حمد تحول لون وجهو للون الوردي وفاتح فمو كيحاول ياخذ نفسو أما عز الدين فعينيه تعماو والشيطان عرف كيف يلعب بعقلو ويوسوسلو فدماغو ،دخلات بالخف وشدات فيد عز الدين كتحاول تبعدو وهو والو فحال شي حجرة لاصقة فالأرضعز الدين:(كيهضر وكشاكشو خارجين)انت لي قتلتيهم هاااه انت لي قتلتيهمرانيا:عز طلق منو راك خانقو كيفاش غايهضر متلا طلق