الحرام المباح(الداريجة المغربية)

ep18

محسن(حك لحيتو ودوز على شعرو بيدو كيصاوبو ووقف):شفتي هذيك شي نهار مغانفطنش ونفوت فيها شي دقةسعادة:تانتا أولدي غاساعفها راك عارفها باقا صغيرة ومكتفهمش انت كبر منها كبر عقلك ومتدابزوش راكم خوت خاصكم تكونو حنان على بعضكممحسن:شفتي كون مكنت كنساعف كوراه قبيلة نضت ضربتها وراه كنغمض عيني على بزاف دالحاجات غافاش كنقلها نوض تصاوب شي حاجة مكتبغيش راه كنخليها على خاطرها...ماعلينا بغيتي نجيبلك شي حاجة فيدي؟سعادة:لا سير الله يرضي عليك دنيا وآخرة غاسير فين باغيمحسن:صاف (شاف فباه)الواليد بلا متجيب ديسير انا انجيبو فيدي-حرك ليه صابر راسو بآه ...مشا لبيتو هز جاكيطتو لبسها من الفوق عاد خرج...بقا كيتمشا بشوية عليه ولاشاف شي حد كيعرفو حدو يسلم عليه من بعد ويحرك راسو تاوصل لواحد القهوة بعيدة شوية على الدرب...جلس وشاف فالسرباي وقال:{افاين ابا عمر لباس ؟اريلنا واحد القهوة كحلة بلا سكر بالخف ...ويوسف باقي مجا؟}السرباي عمر:لاباقي مجا وكوجا كون شفتيه جالس فبلاصتو ...اشنو عامل معاه نعصرلكم جوج ؟محسن:الاغاوحدة هو كاتعجبو صخونة مكيحملهاش باردة(شافو من بعيد جاي )ولا عصر جوج راه شرفنا وجا-غا وصل يوسف ضربلو بشوية على كتفو كسلام وعمل إشارة لسرباي يجيب ليه قهوتو وجلس معبس عاقد الحداش فحجبانو ...جبد واحد الجارو شعلو بالبريكة وبدا يكميمحسن:امالك معبس ؟يوسف:(نفخ الدخان من فمو ورجع شاف فيه)شفتي وتقولي شي نهار غاتزوج غانحفر ليك القبر بيديمحسن:ههه صاف فهمت شواقعلكيوسف:(بدا يهضر ويشير فيدو)واصاحبي وحنا كنشوفو فالسيريات دميريكان الراجل فاش يكون خارج تجي مرتو تودعو وتبوسو وتقولو انا كنبغيك...وتا هذي لي عندي فالدار كنكون خارج كتقولي جيب البطاطا وتفاح والزمر ومتنساش منعرف آش وشي أسماء عمرني سمعتهم...الزواج دالزمر تافيناهي الحياة الزوجية كنعيشو غا حياة السرباية-جا السرباي عمر حط ليهم القهوة وشاف فيوسف وقال وهو كيضحك:أبردأبا يوسف نسيتي نهار كنتي غاتحماق باش تاخدهايوسف:(ضرب يدو مع الطابلة وكان نايض ليه كون ماشدو محسن ورجع جلسو)وتا دخول سوق ك... جالس تصنت علينا براح دالحومة واا كتخدم كتر من مقدم دالحومة كتجيب المعلومة قبل منهم ...واتبركيك العسة يخخ سير لانقلب عليك هاد طابلة الحياة دالخراالسرباي:(هضر وهو راجع للداخل)وتا سيرباغي غامعامنمحسن:(كيربت ليه على كتفو )وتا صاف تهدن اصاحبي شرب شرب قهوتك باين باقي ماقصيتي والويوسف:واكليت غامكميتش ...(بدا يشرب فالقهوى وينتر نترات من الجارو ورجع شاف فمحسن لي كان كيشرب من كاسو تاهوا وكيكمي وكيشوف فالطريق وعقلو غايب )افين كتخمم ؟محسن:ماشي قلتلك قلتلهم غانخطب هذيك زينب اوا دبا خليتهم غايوجدو الغدا وفالعشية غايخرجو يشريو داكشي دالخطبةيوسف:(حط الكاس من يدو وطفى كارو)واش انت حمق غاتزوج بوحدة مكتبغيهاش حنا لي بغاها قلبنا وكتمرضنا على الصباح وكنصبرو غا على ود العشرة ونت كيف غاديرلها مع وحدة مباغيهاش؟وجنات هي لي باغيها خاطرك وقلبكمحسن:أودي كون تلقيت بجنات قبل وشفتها قبل عمرني كنت نقرب لهديك زينبيوسف:وتادبا سير تفارق معاها عاملنا فيها شاروخان ولامحسن:لا صاف الخبز لي مكتبولنا ربي غناخدوه مبقاش وقت نشوفو فشي حاجة أخرى وحتى جنات أصلا معارفاش تابوجودييوسف:السيدة راه نقولهالك بنت الناس، مصاحبة مع مرتي غافاش كندخل لدار كتكون معاها حدها السلام العين مكطلعهاش فيا غاكندخل لطواليت كنخرج كلقاها طارت مشات ...وعرفتي تا اليد مكتسلمش بيه على الرجال باها ربا وعرف اش يربي وشعرها عمر شي مخلوق فالدرب شافومحسن:وعاد غاتقولهالي راه عارف ليكاين ...راه من نهار كنت غانضربها بطوموبيل مامشات من بالي سيدة قالتلي الله يسامح ماوقع باس العين مطلعاتها فيا وخا مسكينة تقصحات من رجلها عييت فيها غانوصلك لدار حرام واش بغات تطلع فلخر قالتلي راه الواليد مربينا منطلعوش فطوموبيلات وتا فاش بغيت نعاونها تنوض مبغاتش نقيصها وقالت حرام شي حد من غير محارمها يقيصها انا بعدة هذيك السيدة راها من داك النهار وهي فقلبييوسف:ونتا غادفن راسك مع داك زينب ياكما موكلاك تقاشر انا بغيت غانعرف لاش باقي لاصقها وكتبغي تبززها على قلبك وكتبغي تخلي راسك باغيها راه عمر الحب مكيجي هكا ...وعاد مكتبينلهاش كاعمحسن:والو بدل علينا الموضوع-كملو شريب القهوة والهضرة فمواضيع أخرى مرة يهضرو على الكورة وملاعبية مرة يهضرو على السياسة والحرب لي بين روسيا وأوكرانية ...أما رانيا فغاكملات غسيل مواعن مسحات يدها ومشات لبيتها بالخف مع دخلات وهي تلمح شي ميكات فوق فراشها ...مشات بالخف حلاتهم وعرفات محسن لي شراهملها غا من كريمات دالشمس ...وحدة كانت invisible مافيهاش كولوغ والتانية فيها فوندوطان عرفاتو معرفهاش شمن نوع كتستعمل ...ومعاهم شي كريمات من نفس الماركة شي ترطيب داليد والوجه والجسم ومقشر وخمسة دماسكات د Garnier وبلاستيك تاني فيه جوج كساوي على قدها مع صباط وسبرديلة وواحد 250 درهم مخليهالها تم عارفها غاتحتاجها توجد راسها فاش يمشيو يخطبو ...خبات كل حاجة بلاصتها وجربات الكساوي جاو قدها تقول عابرها عاد حيداتهم وحطاتهم فالفراش وخرجات لعند مها لي كانت فالكوزينة

انيا:فوقاش حطلي محسن داكشي فالبيتسعادة:اعطاني انا بارح وعاد ليوم فصباح نزلتهملك وحطلك معاهم فلوس لابغيتي شي حاجة من السوق حيت اتخرجي معايا ونتي طايحة فالصباح تعلي فصوتك عليهرانيا:(تمات راجعة لبيتها وكتهضر فنفس الوقت)مرة فالعام؟ومكان لاشيتبع