الحرام المباح(الداريجة المغربية)

ep14

-غير كملو التصاور بداو ياكلو... شوية وهوما يسمعو شي صوت دشي بنت فشكل ...ناضو بتلاتة ومشاو ناحيت الصوت وهوما يشوفو بنت مع ولد في وضعية غير لائقة ...رجعو لبلاصتهم وجلسو وهوما كيضحكورانيا:ايه ياليام عاقلين فالابتدائي فاش كانو يقريونا ويقولولنا مذا يفعل عمر مع كوتر في الغابةمونيا:كنا أبرياء كتلقانا كلنا معليين يدنا باغين نقولو يلعبون ولا يقطفون الازهار ههههزينب:وراه فعلا كيلعبو مشفتوش البنت كتلعب بكراة التنين هههههرانيا:وابزاف ههه يلاه نكملو ماكلتنا ونوضو فحالنا لا يكمل منها ويجي ليلنا ههه ولا تجي شي سطافيك تهزنا كلنامونيا:ياختي على فال عندك فال البوم سكتي يا الموصيبة تخوفيني غايمشيلي بريستينغ ديالي مع الكوميسارياتزينب:تانتوماك راه جربنا كلشي الا الركبة مع البوليس والحبس هههرانيا:(بلعات واحد البيسكوي كان ففمها وشافت فزينب)لالا يختي انا نهار تحصلني عائلتي منعرف اش يعملولي لا خصوصا داك البغل دمحسنمونيا:على ذكر محسن ورينا ازينب تصويرتورانيا:(قربت لعندها كتر)اه اه متشوقة نشوفوزينب بدات تصفار بحدها شافتهم كيتسناو منها جواب وهي تقول:لالا مكنوريه لحد خليو حبي مستور-صبعات لها رانية ورجعات جلسات بلاصتها اما مونيا عرفات الموضوع فيه إن مي مبغاتش تزيد تحكر عليها ...غاكملو ماكلتهم جمعو داكشي لي بقا خشاوه فطوموبيل وركبو كان ليل علاين يطيح...طلقو الاغاني وزادت زينب بالطوموبيل كتسوق وتغني هي والبنات مع الاغنية لي طالقة ومرة مرة يسجلو فيديو ليهم وينشروه فسطوري انسطا فيس تاوصلات لدارها تم فين كانو كيتفرقو ...لامونيا كتبغي تخليها توصلها باش متخليهاش تعرف بقصة مها ...لا رانيا تخليها توصلها خوفا من خوها لايشوفها...توادعو البنات ومشات كل وحدة فحال سبيلها ...مونيا لدارها لي توصفها غا بالخربة ورانيا لدارها هي الاخرى ...-غا وصلات رانيا لدارها دخلات مباشرة لبيتها بدلات عليها حوايجها وجلسات كتحفظ فداكشي لي فهمها أنوار تا عيات وهزات تيلي لقاتو مسيفطلها فالواتس ميساج ..أنوار:-سلام أنا انوار لي تلاقينا فالكافي-صفا عليك ؟-غا سمحلي ليوم ماجلسناش بزاف مع بعضنا راك عارفة العائلة+(قرات التلات ميساجات لي سيفط طلعات فوق فراشها وتمددات وجاوباتو)رانيا:-لباس وانت لباس لالا عادي ماشي مشكل راه العائلة هي لولة وغا سمحلي تعطلت مجاوبتك كنت مع صحاباتيأنوار:اه معليش ماشي مشكل شبانلك غدا نعاودو نتلقاو ؟رانيا:معرفتش مكنضنش غانقدر حيت الاحد وبا وماما هاد النهار لي كيجلسو فيه من الخدمة هوما تانهار السبت عندهم عامر خدمة بزاف هاد ليام وخويا راه وخا يخرج مي كيبقا غا فالحومة فهمتينيأنوار:اه ماشي مشكل ،نشوفو نهار الاتنين انا كنخرج من الخدمة ف 6 شبانلك؟رانيا:امم وخا ماشي مشكلانوار:بانلي بجوجنا كنقولو ماشي مشكل بزاف وقيلة هذي من القواسم المشتركة بيناتنا هههرانيا:ههه يقدر علاش لا-بقاو يهضرو مع بعضهم فجميع المواضيع رتاحو لبعضهم ولقاو راحتهم مع بعضهم ...هو طايح فيها وهي باغا فاش تتلاها من بعد محيدات من هديك الطريق ومنها تعطي فرصة لراسها تاهيا وتعطيه تاهوا ...بقات تهضر معاه لساعات محساتش كاع بالوقت تادقات عليها مها وهي تخرج من تطبيق الواتس وخبات تيلي تحت المخدة ...دخلات مها خبراتها العشا وجد خرجات تعشات معاهم ورجعات تاني لبيتها تهضر مع أنوار تالوحدة دليل عاد ودعاتو ومشات تنعس ...-فمكان اخر وبضبط حدا رومبوان شافت طوموبيلتو دارت عليه ووقفات فجنب الطريق بعيد عليه ..تمشات لعندو بملابسها لي كانو على غير عادتها ...تريكو فالغوز البارد فوقو عباية فالغوز الغامق مفتوحة ولابسة فولار معاه فالكحل... ركبات حداه وعملات الصمطة ودارت شافت فيهمحسن:الله زعمة كتسمع للكلامزينب:وراه انت هو مول الكلام الكبير زعمة راك راجليمحسن:ومزيان مزيان هكا نبغيك ...كسيرا وزاد فطريق وهي شعلات الاغاني وبدات تغني معاهم وتشوف فيه وتغمز فيه مرة مرة وتاهوا يهزلها يدها مرة مرة ويبوسها .... تاوصلو لواحد المطعم دخلو وجلسو ختارو ما ياكلو غا مشا سرباي وهو يشوف فيهامحسن:المهم لي نقولوه نقولوه دبا انا مرتي مبغيتهاش تخدم بغيتها تبقا فالدار تقابلها وتقابلني وتقابل الولاد لي غا يكونو عندنا لا كتاب ...مبغيتش مرتي تضحك مع الغادي وجاي وبغيتك تحيدي تصاورك من فيس انسطا وماجاوره معليش تبقاي مرة مرة تكونيكطاي وتشوفي كروبات بنات وكدا عادي ولكن دراري لا اوهو ممنوع الهضرة معاهم وتانتي لاعندك شي شرط قوليه دبازينب:صاف هدو هوما شروطك اوا صاف انت غا آمر وانا نفذلك يا سيد الرجال انا ماعندي مانطلب اصلا انت كاع لي بغيت فيك ولايني واحد الحاجة صراحة مكرهتش نسكنو غا انا وياك بوحدنا مابغيتش نبرزط عائلتك وعاد بغيت نلبسلك ونجلسو بجوج فهمتي نرتاح فداري وفلبسيمحسن:عادي عرفتك غاتقولها اصلا تا انا باغي تيقاري غانشوف دار لي تحتنا كتخوى غانشدها نشوف مولاتها واش غاتبيعها جامع شي فلوس...غانبقاو فنفس الشقة غا ديور مبدلين ...انا والدية حدوديين ومي الله يعمرها دار داكشي دالعكايز مافيهاش وختي راه اصلا متقربلكش غا دريويشةيتبع