الحرام المباح(الداريجة المغربية)

ep15

-زينب مع سمعات هديك درويشة بدات تضحك فخاطرها وتتخيل شكل درانيا فاش تشوفها هي عروسة خوها والصدمة ديالها وعدم قدرتها على انها تفرشها معاه ...جا طلبهم بداو ياكلو ويهضرو مع بعضهم فمخططاتهم بعد الزواج ويضحكو مرة مرة مع بعضهم-فالشارع العتيق ووسط دار كراميلا(سعيدة)كانو جوج شماكرية كيضربو فالباب بجهد باغين يدخلو وكون مكان الباب حديدي كون راه دخلو ولايني سعيدة عاملة حتياطاتها على جال بنتها وعملات باب حديدي عوض خشبي ...كانت مونيا وسط الدار كتسمع فالباب كيتزدح ويتضرب بجهد ويتفرع باغين يدخلو بزز فوسط عتمت الليل وخا طافية الضواو باش تبان الدار خاوية ولايني والو عايقين بلي راها فالدار...وشكون ميعرفهاش هي بنت كراميلا لي وارتة منها ومن باها المجهول الزين وبيوضية اللحم وحروفها لي مخليينهم دايخين رغم ان بشرتها ماشي كاملة فيها بعض من البقع الاسمرار دالشمس ولايني لي فيهم مامكفيينهم غا يمشيو يضربو القرعة ويشوفو كراميلا مشات يبغيو يدخلو لبنتها ...بقات جالسة وسط البيت فالضلام تاسمعات السرجم تهرس بالحجرة ولايني هي فالطبقة تالتة مغايقدروش يدخلولها...دخل البرد من السرجم والريح كتير شي لي خلاها تنوض وتمشي تجبد مانطا تزيدها على غطاها ...تمددات فالفراش والخوف كيلعب بيها وقلبها كيضرب فالمية وشي سيناريوهات كيطيحولها فبالها وتخيلات دأنهم يدخلو عليها ويآديوها ...عانقت مانطتها كتتسناهم يمشيو اما النعاس فمقدراتش عليه بهاد الصداع...كرهت راسها وكرهات هاد الدار وهاد عيشة الدل والخوف لي هي فيه وهاد الحي المشبوه لي عايشة فيه فكرات فهضرت زينب وعرضها ليها تمشي تعيش معاها بقات كتخمم فكلامها فالاخير وقفات بعد ما عم المكان السكات والشماكرية إما مشاو إما داهم النعاس حدا باب الدار ...مشات وحلات ماريوها وجبدات من فوقو واحد فاليزا بدات تجبد حوايجها وتخبيهم وسطها غاجمعاتهم شداتها ورجعات لفراشها وفاش شافت راسها مغايجيهاش النعاس فناضت تاني لبيت مها ختارت واحد شوميز فالاسود لبساتو وطلقات شعرها ماكات ومشات حلات الحاسوب ودخلات سيفطات لواحد السعودي ميساج جاوبها وبدات ليلتها معاه ...شعلات ضواو البيت وعملات سبنية دشطيح لواتها على نصها وبدات تتمايل قدام السعودي لي كيشوفها من مكالمة الفيديو ...كتشطح على الاغاني لي طالقهم هو وتتمايل وفنفس الوقت كتحيد عليها شوميز ومن بعد الشوميز تبعاتهم بدوبييس وهو عاجبو الحال يتفرج فيها ويضرب فالكيسان ويسكر تاشبع منها شوفات وفرغ كبتو فالتكفات عاد سالاو ...مشات دخلات دوشات وخرجت لبست عليها بيجامة صخونة تصخنها من البرد لي جاها بشوميز وردت شوميز لماريو دمها ...نشفات شعرها وصاوباتو عاد مشات تنعسيتبع...