الحرام المباح(الداريجة المغربية)

57

رانيا:وصاف غانشد الكونط غاتهنازكرياء:وحتى الفيس لكان فيه أي حاجة فيها تصاورك مسحهارانيا:صاف وخا غا تهدنقطع عليها بلا مايرد ...هزات التلفون ومسحات كونط الانسطا اما فيس فدخلات واحد تطبيق مسحلها كاع تصاور لي فيه ...خشا تيليفونو فجيبو دخل لطواليت لي فمكتبو غسل وجهو وجبد كنينيكس مسحو عاد خرج ومشا يشوف المرضىحسات رانيا بالملل مشات لبيتها غسلات وجهها من الماسك مسحاتو وعملات كريم الترطيب عاد كريم الشمس لي جاوها فالدفوع...لبسات كيطما فالبيج من الفوق وسروالها فالكحل ...وعملات طربوش فالأخضر لبسات مناضر الشمس ...عملات أحمر شفاهها وهزات الفلوس لي كانت مخبياهم للإحتياط تحت الفراش عاد خرجات كتسلت ...مشات حطات وذنها على بيت محسن سمعاتو كيهضر فتلفون عاد خرجات من الدار لبسات سبردينتها ونزلات بالخف مع الدروج غا خرجات شدات تاكسي كان عامر وخلاتو يوصلها فين باغا السيدة تمشي المهم تبعد على الدار-في مكان آخر-كان لابس قاميجة فالأبيض مدورة بالأزرق مع سروال واسع فنفس اللون وفوقها كوستيم فالغرونة ...لبس نضاضر الشمس فالكحل وسبردينتو فالكحل ووقف قدام المراية كيمشط فشعرو ... مشا قلب الكادر دواحد الصورة كبيرة وبان حيط عادي ولكن هو كان غا لصاقة على شكل جدار. ...فتح اللصاقة وبانت خزنة كبيرة فالأسود عمل الكود وبانت الخزنة ...فيها الفلوس ...عطور مختلفة من ماركات رخاص وملابس كل وحدة فشكل ومكانتش من ستايلو وشي نضاضر محطوطين ...هز واحد من العطور رشها فحوايجو ورجعها للخزانة وشدها...كان ضروري أنه يرش عطر غير عطره ورخيص باش متعرفش هويتو وحتى اللباس يلبس لباس مختلف ...هز مونطو طويل لبسو غطا حوايجو لي لابس وخرج من الشقة ...نزل فالأسنسور وركب فطوموبيلتو ونقز لجهة دلور...لبس كمامة وكاسكيط وليجات فالكحل عاد خرج من الباب التانية كأنه شي حد كان راكب معاه...تمشا وشد تاكسي عطاه واحد العنوان دواحد الحي وبقا مراقب الطريق بعينيه حتى وصل ونزل كمل الطريق على رجلو ...كان الشارع خاوي بقا تاوصل لواحد الزقاق عاملين فيه أشرطة دالبوليس ...كيوحيو أن شي جريمة وقعات تم ...نقز عليهم بالخف ودخل وفنفس الوقت مراقب جنابو ...دخل لواحد الدار وطلع فدروجها... وكل ماتمشى كاتجي واحد الريحة خانزة فحال دجيفة...غادخل لقا البلاصة كلها دم...كانت شي بنت الليل تقتلات تم ...دخل وبدا يقلب فالمكان على شي دليل قبل مايتمحا ليه الأثر ...خصوصا الجاني والمشكوك فأمرو من عائلة غنية ...وصلات رانيا ونزلات مع ديك السيدة لي لابسة النقاب...خلصات التاكسي ومشات كتجري ودور فالمكان جاها غريب وقديم وبغات تخرج منو بالخف تاشافت فنفس الزقاق أشرطة الشرطة...وقفات والفضول غزا تفكيرها...وبدون تردد قفزات دخلات وتمشات فداك الشارع لي كان خاوي وكيبان فحالي مهجورمهجور وموسخ تاشافت فواحد الباب نفس الأشرطة ...خلفات عليهم وطلعات فالدروج تشوف أش واقع تم...وفنفس الوقت شدات نيفها بيدها من الريحة الخانزة ...غاوصلات لقات الدم فكل بلاصة شداتها الترويعة...وخا هكاك دخلات وكتشوف فتم تاشافت شي حاجة كتبرق تحت واحد السداري كلو متقوب...مشات بالخف وحيدات الطربوش من راسها وخشات يدها ملوي فالطربوش وجبداتو...كانت قلادة دواحد الكلب ...شافت مكتوب فيه واحد الكنية <<الغفوري>> مع دارت وهي تخلع فاش شافتو وراها وقبل ماتهضر جبدها بالخف ودخلها لواحد البيت ...يلاه اتغوت وهو يشد لها فمها بيدو ونيش لها جيهت التقبة فالباب...طلات وهي تشوف نفس السيدة لي كانت راكبة معاها...حيدات النقاب وبان راجل ...زيرات على القلادة فاش شافت داك الراجل كيقلب فكل بلاصة شافتو جاي قاصد الباب ...حيدها وطل لقاه جاي وعلاين يوصل جرها بالخف ومشاو للماريو (بلاكار دالحوايج)وتخبعو تم ...كان عامر عناكب من الداخل وخانز تابان لها واحد سراق الزيت نازل وغايطلع فيها ...شافها فين كتشوف وشافو وضربو بشوية بكم الكوستيم خلاها باغيا ترد عليه ...كانو مقربين بزاف من بعضهم لدرجة كان قادر يسمع ضربات قلبها أما هي فكانت كتشوف غافبرودو والخوف لي مخايفشي
بقاو كيتسناو شحال شي نص ساعة تقريبا تاحس بيه مبقاش تم ،بعد شوية عليها فتح الباب وخرجو بجوجهم ...شاف فيها وقال:شنو هزيتي من الأرض؟رانيا:(مداتها ليه شدها )هذي بانتلي كتبرق فاش هزيتها لقيت مكتوب فيها {الغفوري} راه هزيتها بطربوش مافيهاش بصماتي ... (ركزات الشوفة فيه بعد مشافتو حيد نظاضر الشمس وكيقرا لي مكتوب فالقلادة) أجي ياك انت هو نيتو لي كان عتقني من الشفار وهربني منو...آه هو انت ولكن فلول معقلتش عليك حيت عامل الكمامةشاف فيها ورد الكمامة بالخف وقال:حتى أنا معقلتش عليك ...ودبا جا الوقت باش ترد المعروف لي عملتو فيك وغاتنسى أنك شفتيني هنا وحتى أنا هاننسى أنك كنتي فمحل الجريمة...حيت أصلا ممنوع تدخلي هنا ونقدر نحاكمك كمشاركة فالجريمةرانيا:هاء وحتى انت راك دخلتي لبلاصة الجريمةقاطع كلامها وقال:أنا محامي عادي ندخل نشوف المكان ونعرف واش المتهم بريء ولا جاني عاد ندافع عليه ...يعني اشنو كنتي كتديري هنا ؟رانيا:(بدات كتدوز يدها على شعرها مور ماتفكرات الغبرة لي كانت فالماريو)أاا راه غاجاني الفضول وصاف ومكنتش عارفة هادشي كيتحاكمو عليه صاف غانمشي دباخرج وخلاها وراه تابعاه ...بقا حاضي لايكون شي حد باقي تم وفنفس الوقت كيشوف فيها بنص عين وحاضي لاشيحد يقربلها ولا يآذيها تاخرجو من داك الشارع ووصل لبلاصة التاكسيات ...وقف ووقفات حداه وتاكسي لي شد حتى هي ركبات فيه ... عطاتو عنوان دارها وهو قرر ينزل معاها فنفس البلاصة ...غاوصلهم نزلو بجوج وبقا واقف حاضيها تادخلات لدار عاد مشا فحال سبيله بعد مالقا تاكسي ركب فيه..طلعات فالدروج كتتسلت تاوقفات حدا باب الدار فتحاتها بشوية ودخلات ويلاه غاتمشي لبيتها وهي تسمع محسن عيطلها باسمها ...دارت لعندو مغنزرةمحسن:فين كنتي ؟(تم قاصدها)ماشي قلنالك ممنوع الخروج هااه ؟رانيا:فين كنت ؟ خرجت نشري شي حاجة دالبنات فلخر ملقيتهاشمحسن:(وصل تالعندها وخرج فيها عينو وهضر بجهد)يااك كنقولك أي حاجة بغيتي قوليهالي أنا ولا مك هاهرانيا:واا حتاجتها دبا وا العمالة واش غانقولك جيبلي أولويز وجاتني على غفلة؟مع هاد الهضرة محسن نزل راسو وخرج محشم وشد الباب وراه ...دخلات لبيتها كتضحك كتتفكر محسن وتحشيمة لي حشم عاد مشات تغسل شعرها وكل ماتفكرات المحامي ضرب سراق زيت بيدو كتبغي ترد ...عافت المنظر ونسات بلي ضربو على ودها حيت خافت منو...لي بان لها غا أنه معفون فقط ...كانت نظرتها سطحية للحاجة وكان عقلها باقي فمرحلة صغيرة ...غاكملات خرجات كتنشف شعرها وهي تتفكر بلي مسولاتوش على سميتو...كانت على الأقل غاتقلب عليه وتشوفو واش معروف ولالا ..غاوصل لدارو مشا للباركي ركب من لور ونقز للقدام عاود لبس المونطو الكحل الطويل وحيد الكمامة وليجات والكاسكيط ...كسيرا ومشا للمحكمة صور الدليل عاد قدمو ليهم...رجع لدارو وهو كيخمم فالقضية وفحلها ...كان هو محامي الجاني خاصو يخرجو من القضية سالم بريء ...لكن هو العكس خصو يبين أنه هو الجاني حيت فعلا هو لي قتلهافالسعودية ...كانت مونيا ناعسة تابدات تفيق كتفوه كان عندهم الليل عكس المغرب...نعسات بزاف ومحساتش بالوقت ناضت صاوبات الفراش ومشات غسلات وجهها دهنات ليه كريم مرطب عاد خرجات ومشات للكوزينة ...لقاتو مخلي ليها كراطن دالبيتزا تتغدى بيهم هزاتهم سخناتهم وتعشات بيهم ...ومشات جبدات تلفونها لقاتو بدل لها الكارط سيم...ابتاسمات لاهتمامو بيها وفعلو للحاجة حتى بلا متطلب منو وتاصلات بمها ...عيات تصوني مكانتش كتجاوبها ...حطات التلفون وقالت فبالها غاتكون غاناعسة

كمل داك النهار عادي ...محسن جاب داكشي لي قالت رانيا وحطولا قدام الباب...رانيا كملات نهارها غابين النعاس واللعب فتلفون والماسكات حتى جات سعادة وصابر...مشات رانيا حداها كتتعلم الطياب ومها كتوريها كلشي بليديطاي حتى كملو وطاب العشاء وتعشاو مجموعين...لا محسن ولا صابر قالو لرانيا على أنواركان الصبح طلع فالسعودية عاد دخل سليمان للدار لقا مونيا ناعسة...دخل دوش ومشا فيقها...غاناضت دخلات غسلات وجهها ورشات الباغفان وعملات شوية دالميكاب خفيف...طلقات شعرها وخرجات عندو بنفس شوميز دونوي لقاتو جالس شاد شي وراق فيدومونيا:(جلسات حداه وحطات يدها على رجلو )سليمان شفتك بليل ماجيت وانتظرت قدومكسليمان:(شاف فيها وابتسم لها وقرب طبع بوسة خفيفة على شفايفها)باعتذر حبيبتي بس والله كنت مشغول بتعرفي البارحة وصلنا من السفر بدري بس انا كنت تعبان وماقدرت اروح...فمشيت فوقت متأخر وكان عندي شغل كثير بس خليت السكرتيرة تشفلك محلات وخليتها تطبعلك صورهم وختاري المحل لي بدك ياه اعملك مشروع أحلامكمونيا:(ابتاسمت ليه تابانولها السنان)صدق حبيبي؟يعني مانسيت موضوعنا صح وماشغلك عني ولا شيسليمان:(حط يدو على يدها)ولو أنا عطيتك وعد ولو صار الي صار مارح ارجع فيهمدلها الصور كتشوف المحلات ختارت جوج وعطاتهم ليه ...جبد تيليفونو صورهم وسيفطهم لسكرتيرة تتفاهم مع صحابهم وتشريهم ...ناضت مونيا جلسات ليه فوق حجرو وحتى هو شدها من خصرها لاتطيحمونيا:فطرت حبيبي ولا أسويلك فطور؟سليمان:(مد يدو التانية كيلوي خصلات من شعرها ويعاود يطلقهم وكيلعبلها فيهم)لا مافطرت بس خلي الفطور بعد شوي أنا مالي نفس فيهفهماتو مونيا ووقفات مشات جبدات فولار طويل لواتو على خصرها وشدات تيليفونها طلقات الأغاني وبدات تلوز ليه وهو كيشوفها ويضحك وكيعاود ورا الأغنية وخا مكيفهمهاش تاناض حداها وشاركها نشاطها وشطيحها فالأخير هزها وحطها فوق الفراش وبداو ممارسة طقوس زواجهم على الفراش ...كانت علاقتهم غريبة نوعا ما فقط مبنية على الاحترام وعقد غير معروف ....كان ممكن يكون الشخص لي معاه مباغيش يكون معاها فقط يضحك عليها ويمشي ...او ممكن يكون مزوج مع الف وحدة بزواج عرفي لكن هي طاحت فواحد لاعطا كلمتو كيوفي بيهاوبضبط فالمغرب جا نهار جديد هو نهار الثلاثاء ...كان النهار لي متافقين فيه مع أهل جنات باش يتلقاو ...غارجع محسن من خدمتو الصباحية عاود دوش بالخف ورش ريحتو...حسن شوية من لحيتو وطراساها ولبس عليه طريكو صوفي فالزرق مع سروال فالكحل ...هز مونطوه وخرج لقا رانيا باقا مخرجات وباقا كتلبس ...جلس على أحر من الجمر كيتسناها تسالي ...أما رانيا فكانت فالبيت كتتميساجا مع زكرياء كتسولو على حالو وحتى هو نفس شيء عاد ناضت كتختار حوايجها بتقالة ...كانت قاصداها وعارفة محسن خاصو غايمشي عند جنات ...بقات كتجرب فالحوايج تالبسات واحد طريكو فالموف وسروال فالكحل...عاودت كتطوي الحوايج لي جبدات بالمهل عاد مشات عملات كريم الشمس والماكياج...رشات ريحتها وبقات كتلعب شوية بتيليفون تادازت عشرين دقيقة غافلعبها اما الحوايج ولباس فكانو شي اربعين دقيقة...تصورات وسيفطات تصويرتها لزكرياء عاد خرجات ...مع شافها محسن وقف بالخف ومشا فتح باب الدار ...تبعاتو رانيا لبسو صبابطهم ونزلو ركبو فطوموبيل وكسيرا ماوقف حتال باب جنات...صونا على ياسين وعلمهم بمجيتهم...متعطلوش ونزلو ألقاو السلام فاش جلسو ...زاد محسن لواحد القهوة موديغن معروفة فالمدينة دخلو جلسو طلب كل واحد داكشي لي خاصو عاد بداو كيهضرو بيناتهمبدا محسن كيهضر مع جنات على أمور من بعد زواجهم..على الدار لي غايشري وشحال من بيت فيها وكلشي كيوصفولها وكيشوف الألوان لي باغاهم فالصباغة وكيستاشر معاها فكلشي ...أما ياسين فبدا كيهضر مع رانيا على المؤسسة لي كيقري فيها وحتى هي مشاركاه الحديث
من بعد ماكمل ميساجاتو مع رانيا حيد الطابيلة وخرج وهو عيان كان تم من ستة تال جوج دالنهار...عيا بكترة الخدمة وخرج ركب فطوموبيلتو وكسيرا تاوقف حدا واحد الكافي بعد محس بالعطشدخل وهو فيه العطش للكافي باغي ياخد شي عصير ليه يشربو...كان نهارو حافل بالعمليات لي دار للمرضى شي لي خلاه يعيا...دخل مع الباب ومشا جلس وجا السرباي طلب كاس دالعصير دالليمون وكاب كيك...مع رفع راسه شافها جالسة هي ومحسن ومعاهم جنات وياسين...ماعرفش هدوك جوج ولايني شافها كتهضر مع ياسين حس بالسهطة طالعة معاه...كيفاش مكتخرجشي معاه وكتخرج مع غيرو...وخا خوها كان معاها ولايني كيبانو فحال كل واحد مع الكوبل ديالو التاني ...جنات مع محسن وياسين مع رانيا ...شافو كيف كيضحك معاها والطريقة لي كيشوف فيها بيها ...عرف دوك الشوفات غا ديال الإعجاب محس براسو تاوقف وفتح صدايف القاميجة لي خنقوه من جيهت عنقو ...توجه لعندهم ووقف عليهم وغطا نار الغيرة والعصب بابتسامة صفرة ...رانيا لي غير شافتو تبسمات ليه ومحسن وقف كيسلم عليه وبدا يعرفو عليهممحسن:المهم(أشار ناحيت جنات)هذي خطيبتي جنات مكتسلمشي (أشار لجيهت ياسين)وهذا خوها ياسين وهو راه زكرياء خطيب رانيامد يدو وسلم على ياسين وزير ليه عليها ...استغل فرصة أنه كيسولو على حالو وعاد مازاد عصرهالو بين يديه وياسين حشم يهضر...طلق من يدو ودار شاف فرانيا كيضحك وشاف فمحسنزكرياء:بغيت نهضر مع رانيا غا أنا وياها تقدر تجلس معايا فالطابلة فين أنا ؟محسن:واجلس معانا متحشمش عاديزكرياء:تا أنا محشمتش ولكن بغيت نهضر معاها فأمور زواجنامحسن:(شاف فياسين محرمها عليه ومقادرش يهضر مع جنات ومبغاش يحرمها على زكرياء)اوا صاف تمشي معاك ولكن فاش نكونو غانمشيو تمشي معانازكرياء :صاف اخويا كون هانيمد يدو وشد فيد رانيا خلا ياسين غاكيشوف حيت ماشي من عوايدهم يشدو فيد البنت إلا إذا كانو ضاربين الكاغيط...تمشاو بجوج تاجلسو وهي تقول رانيا:اشنو كتعمل هنا ؟زكرياء:(مد يدو وشدلها يدها وزير عليه وتكلم بصرامة كيضغط على الحروف...مغنزر فيها ومن وجهو باينة العافية شاعلة فيه)تعاود تضحك ولا تهضر مع شي راجل من غيري انا ولا باك ولا خوك بربي تانوض ندفنو كتسماااع؟رانيا:(بدات كتبغي تجر يدها من يدو)أويلي من نيتك طلق ضريتيني فيديزكرياء:هاد اليد نهار شديتها المرة اللولة حلفت لاطلقتها انتي ديالي وغاتبقا ديالي وعينك متجيش فعينين وحدين أخرين من غيري...تااحد مايشوف فيك ولا تشوفيه ...الضحك ضحك معايا البكي بكي على كتفي والشكوة شكي عليا ولا ضراتك شي حاجة قولهالي تاااحد ماتهضرو من غيري أنا ..تحنا وجرلها يدها كتر باسولها بجهد وخلاها تشد يدها عندها كتحركها حيت حرقها ...هز الكرسي ديالو وحطو حداها وجلسزكرياء:(ابتسم لها كأنه موقع والو)شنو بغيتي تشربي؟رانيا:واش من نيتك مقصحني من يدي وباغيني نجلس معاك انا راجعة لعندهم وماشي أي واحد ضحكت معاه كيعني بلي أنا معاه وابزاف خاصك تيق فيا تانيزكرياء:(شافها غاتوقف وهو يجبدها تاجلست بلاصتها وبقا مانعها تنوض)وانا خاصك تعملي اعتبار ماشي تخرج ضحك مع الرجال وأنا فاش نبغي نخرج معاك تحرمها عليا على داكشي بغيت نضرب الصداق ...انا نهار لول شفتك قصدت باب داركم وباغيك تبقا ديالي وحد مايقربلك ولا يجرب متعة الهضرة معاك ويسمع كلامك...راه تا الصوت فتنة! ونزيدك نهار نتزوجو من شروطي متهضريش مع الرجال راه أنا كنغير مبغيتيش تفهمها؟رانيا:(حاولات تتجنب الصداع)صاف شد علينا الموضوع ...طلبلي هوتشوكليت وصافيعيط زكرياء للسيرفور طلبلها لي بغات ...شوية جابولهم طلباتهم ...وبداو يشربو فهدوء كان الجو مكهرب بعد الحادثة لي وقعات لا رانيا باغا تهضر لاهو جبد شي موضوع حدو كيشوف فيها ومبغاش ينزل العين