الحرام المباح(الداريجة المغربية)

ep12

-دازت هاد الليلة كل واحد وكيف دازت عليه ...كاين لي فرجوعو للطريق غادي ...ولي فالحرام غادي...ولي فالتخطيطات غادي..كل واحد وكيف بغا يرسم حياتو وكل واحد واختياراتو حد مبزز عليه الحاجة...مكاينش شي حاجة اسمها ضحية ...كاين قرار لي من بعدو جزاء-طلعت شمس نهار جديدة كاين لي فالنعاس غارق ولي ناض للصلا قايم ومن بعدها للخدمة ...وكاين لي عاد دخل لدارو بعد ليلة حافلة فالكباري باش يحط راسو على المخدة وينعس بوصخو ولا على بالو-دازت ساعات كتيرة على شروق الشمس ومع التسعد صونات الساعة فبيت رانيا حطات يدها طفاتها وناضت كتحك فشعرها ...فصخاتو وعاودت جمعاتو ودخلات للحمام قضات روتينها الصباحي ...من تنظيف وجهها وكريمات خاصة بيه باش يبقا عاطي نضارة عاد خرجات لبسات عليها تريكو كمام طوال فالبيض مع سروال واسع من تحت قهوي مفتوح ...دهنات كريم دالشمس هزات مناضرها لبساتهم وخرجات دهنات الخبز وكلاتها بالخف...هزات دفترها وستيلو خشاتهم فالصاك ومشات للافاك عوالا تحضر للحصة ...-مع وصلات ودخلات بقات جالسة بوحدها كتشوف كل واحد جالس حداه صاحبو وكل بنت معاها صاحبتها يهضرو ويضحكو إلا هي وشي وحدين جالسين وحدهم كيتسناو الاستاذ يدخل...شوية جا واحد الشاب شعرو كحل حرش شوية واللحية قهوية مخلطة بالكحل...لابس تريكو صوفي فالاسود مع جينز فزرق ...جلس حداها وهي غا شافتو نفخات معصبةرانيا:واه تاني جيتي ...أنوار سير فحالك الله يرحم باك خليني نتبع جيت جيت نقرا حسنأنوار:ومالك مباغياش تعطيني تافرصةرانيا:اشمن فرصة اصاحبي انا معنديش مع داكشي ها الورد ها الاشعار واش غانتصاحب مع نزار قباني انا ولاأنوار:علاش معجبكش الورد أنا كنعرف البنات كيحماقو على الوردرانيا:وأنا مبغيتوش راه غاتنوضلي مشكل مع دارنا ...هداك المشموش دالورد خشيتو فالماريو الوسطاني تحت العلاقة غا باش ميشوفوهش ولدابا حاصلة معاه وزايدون مبيناتنا والو باش تبقا تجيبلي كل مرة مشموش دالوردأنوار:وصاف مغانبقاش نجيبو ولكن على الاقل عطيني فرصة نتعارفو أنا والله تاناوي معاك المعقول نتعارفو ونتفاهمو ويكون خير هانا كنجي ندخل معاك تالافاك وخا معندي بيها غرض انا راه خدامقاطعاتو رانيا بكلامها:دبا كتقولي خدام متلا باغي طمعني بالفلوس ولا؟ وسير سير راه دارنا خدامين وبفلوسنا غاسيرأنوار:ولا مفهمتيش غا باش ميسحبلكش انا باقي طالب هنا راه داك النهار باش شفتك هنا كنت جاي غا ناخد شهادتي ونحط بطاقة الطالب وزعمة قلت نقولك بلي سهل عليا الله وخدمة ومع اليوم السبت مكنخدموش هاد النهار فطلعت لعلا وعسى نلقاك ...غاندوز معاك الحصة ويلاه معايا لشي كافي نجلسو ونهضرو شبان لك منها نتعارفو داك الساعة لمبغيتيش تزيد تهضرني صاف منهضروشرانيا:اوكي داكوغ غاباش تهنيني عارفة راسك قاصح وغاتبقا تجي لهنا كل نهار(سكتو بعد ما دخل البروف وبدات رانيا كتحاول تفهم داكشي لي كيشرح ولايني والو مع قليل فاش كدخل ومكتهز تراجع فالدار والو ...مع ذلك سجلات شي ملاحظات تادازو تلات ساعات دالمحاضرة وعيات بجلاس عاد تسالات الحصة ...خرجات رانيا وأنوار كيتمشاو وختارو يمشيو لشي كافي اخر من غير قهوة دلافاك ...مشاو لواحد القهوة قريبة جلسو فيها طلب لراسو قهوة اما هي فطلبات غا هوتشوكليت وبدا أنوار الحديث على مايحطولهم طلبهم )أنوار:مهم أنا أنوار 25 سنة متخرج من نفس لفاك فين كتقراي وخا تعطلت ماتخرجت ولكن فاش كنت كنقرا تم دوزت بزاف دسطاجات ومع اخر سطاج فواحد كابيني كونطابل خلاوني معاهم وبديت الخدمة وخا صالير قليل مي قلت نبدا معاهم وفنفس الوقت نزيد نقلب على شي خدمة بصالير كتر ...مهم مع كنت مشيت نجبد شهادة ديالي شفتك كنتي دايزة ..وصراحة عجبتيني وقررت نهضر معاك ونتعارفو ومع كل رفض كنتي ترفضيه زدت تعلقت بيك خصوصا كنشوفك فشكل على البنات لي كيقراو هنارانيا:امم ياكما بغيتي طيحني فيك بهاد جوج كلمات جيتيني فشكل امم تبارك الله هي كتقيل تجرب فشخصيات البنات دلافاك ياك ...(قربات عندو شوية وهضرات بشوية)بيني وبينك اشمن رقم انايتبع