الحرام المباح(الداريجة المغربية)

56

صابر:اشنو ؟ومنين كتعرف بنتي ؟أنوار:شفتها فلافاك فاش كانت كتقرى ..أنا باغيها كيف مكانت وكتعجبني فاش مبقيتش كنتلقاها حسيت بفراغ فحياتي صونيتلها لقيتها طافيا تيليفونها وقلت نسول البنات لي معاها ووالو مكيعرفوهاش فلخر وبالمعارف جبدت عنوانها من لفاكصابر:بنتي تخطبات وقريب غاتزوج غاسير الله يسهل عليك فبلاصة أخرى-جا يدخل وهو يشدلو أنوار فيدو وقال:كيفاش تخطبات تاني واش من نيتك باغي تزوجها بزز سول رانيا راها باغانيصابر:(نتر يدو منو)رانيا باغا واحد آخر سير فحالك وبعد من بنتي لانديكلاري بيك وآخر مرة نلقاك هنا(دخل خلا وراه أنوار واقف ...جلس فوق الدرجة وشاف الفوق فسرجم )أنوار:هههه تا الق... رجعو عندهم الشان وكيتخطبو-تمشى وهو كيضحك على صابر لي تاق فيه بلي باغي يخطبها ...وهو كان ناوي فيها حاجة أخرى-وصل زكرياء للدار ونزل وصونا فالباب وبدا يشوف جيهت السرجم وهو يشوف سعادة طلات ...عملات ليه بيدها يتسنا ودخلات شافت فصابر وقالت:غاجارتي ميمونة هذي ...نزلات وخلات صابر داخل لبيتو يصلي ...فتحات الباب وجبداتو بالخف للداخلسعادة:أولدي كيف انت لباس بيخيرزكرياء:الحممدلله أخالتي ونتي لباس عليك؟سعادة:الحمدلله أولدي ...عاودتلي رانيا لي وقع وقالتلي بلي غاتجي البنت راها كتوجد للخطبة وميمكنش نخليك تشوفها تاتجيوزكرياء:ولكن راها كانت كتبكي علاش؟سعادة:غير على تيليفون قالت بغات يكون عندها وصاف وأنا مبغيتش قلتلها لا خليك من بعد تاتزوجي ونشريهلك كادو حسن وصاف راه حشمات تقولهالكزكرياء:تقدري تتسنايني دقيقة هانا دبا جايسعادة:هاء علاش دقيقة ..-خرج زكرياء ومشا عند مول تيليفونات لي كان مع دورة على رجلو...غاوصل مشا وخدالها تيليفون جديد وكارط سيم جديدة ...خلصو ورجع خرج وتوجه لدار رانيا...غاوصل شاف سعادة كطل من الباب وكتتسناه فتحات ليه الباب ودخل ومدولها فالكارطونةزكرياء:هاتليفونها عطيه ليها وعطيها رقمي قولها تصوني عليا باش يبقا رقمها عندي وأي حاجة بغاتها تقولهالي أنا غانشريهالهاسعادة:الله علاش كتكلف على راسك راه كنا غانشريواهلازكرياء:لا أي حاجة بغاتها خاص تكون عندها المهم أنا غانمشي تالعشية ونتلقاو-سلم عليها ومشا خلا سعادة غاكتشوف...طلعات لقاتها كتتسنا فالباب وكطل وراها على زكرياء ...شافتها سعادة وفهماتها على من كطلسعادة:واماطالعش صدرتو تالعشية ويجي ويتصدم فيك ماشي من دبا يشوفك وقلت ليه راك كتبكي على تيليفون باغاه ومشا السيد من نيتو شراهلك وقالك صوني عليه يبقا رقمك عندو-مداتلها التلفون الجديد وتيليفونها باش تهز رقم زكرياء...دخلات للبيت وجبداتو من كارطونة لصقات جاجتو وعملات ليه كارط سيم عاد شعلاتو وخدمات الويفي فيه وبدات تصاوب فإعداداتو ودخلات الواتساب ودخلات عليه بنمرتها الجديدة وسيفطات أوديورانيا:زكرياء كنت كنتسناك تطلع ساعة ماما مخلاتكش غاسمحلنا وصاف راك عارف فالعشية الخطوبة أما نكبرو بيك ونطلعوك تالدار ...المهم شكرا بزاف على التلفون-طلعلها قرا الميساج ومجاوبهاش ...بقات تخرج وتعاود تدخل تشوف واش جاوبها ساعة والو ...طفات تيليفون وشعلاتو حيت شكات واش تيليفون حمق وخا عاد تشرى ساعة والو هو قراه ومجاوبش ...مسحات الميساج من عندهم بجوج وبدات تدور فالبيت تمشي وتجي معصبة حيت مجاوبهاش تاسمعات صوت الميساج جاها...مشات بالخف هزات تيلي لقاتو كاتب لها :{راه قريتو}قرات ميساجو وحسات بالصهطة طالعة معاها...مارضاتش وندمات كاع علاش مسحات الميساج ...يلاه اتحط تيليفون وهو يجيها ميساج دأورونج ...دخلات لقات وصلها تعبئة 200 درهم وصونالها تيليفون برقم زكرياء...جاوبات باش تبين راسها ممقلقاش وهي تسمع صوتو ونسات كلشيزكرياء:رانيا غاسمحلي مجاوبتكش كنت كنسوق سمعت الأوديو ديالك شوف راه مابيناتناش حنا انتزوجو أي حاجة خصاتك أجي طلبها مني راك وليتي محسوبة عليارانيا:ههه صراحة معرفت باش نجاوب ممتعوداش على هاد الهضرة على داكشي كنقول شكرازكرياء:المهم بغيت نهضر معاك فموضوع ...أنا هضرت مع الواليد وخدا غدا موعد نطلعو للعدول نضربو الكاغيط وقلت عوض نتسناو تالصيف العرس ....حنا أصلا مزوجين مزوجين نعيشو مع بعضنا والعرس راه فالصيف معروف فحال كلشي شبانلك؟أنا الصراحة بغيت غا إيمتا نتجمعو بجوجنا رانيا أنا كنبغيك وبجهد كاع وطحت فيك من المرة لولة كان إعجاب ولكن دبا راه بزاف رجعت كنحس بشي حاجة كتر من الإعجاب وباغيك تكون حلالي وتكملي معايا حياتك وراه غانعيشك أميرة لي بغيتيها تجيكرانيا:صراحة تاأنا عجبتيني وباغاك وكنبغيك ...إذا علاش غانتسناو حتال صيف صاف قولهم هادشي وأنا موافقةزكرياء:صاف يخليك ليلي ارانيا تانتلقاو فالعشية-قطعات الإتصال والبسمة مبغاتش تختفي من فمها...دخلات لبلايسطور انسطالات شي ألعاب وانسطا ...غادخلات للأنسطا وهوما يطلعولها بزاف دالميساجات دخلات لقات من عند مونيا ومن عند أنوار...دخلات لميساجات مونيا لقات كونطها مبلوكي ومبقاوش طالعين الميساجات...جاها الفضول وتشغل بالها بيها معرفاتها واش هانيا ولالا ...دخلات لميساجات أنوار لقاتو باغي يرجع معاها والأشعار دالحب والفراق ...حسات بتقزز منو مسحات ميساجاتو وبلوكاتو...رجع كيبانلها هو فحال القملة قدام زكرياء...عاد خرجات تتغدى بعد ماعيطاتلها مها ...خرجات وجلسات معاهم فالطبلة وهو يحمحم صابر وشاف فمحسن ورانياصابر:يلاه لابغيتوني نسمحلكم دبا غاتصالحو بجوج يلاه نوضو سلمو على بعضكم وتسامحو-ناضت رانيا بلا هواها وبزز منها وسلمات على محسن وطلبات السماحة وتاهوا نفس شي عاد جلسو يتغداو ...لاهوا قادر يرد تقتو فيها لاهيا قادرة ترجع تبغيه كيف كانت ... علاقتهم كانت تدمرات تماما وخاصها يمكن بزاف دالوقت باش تقدر ترجع كيف كانت ولا تقدر كاع مترجعش وهادشي كانو ملاحظينه صابر وسعادة وشافو ولادهم بجوج تفرقو ومبقاوش كيف كانو...هوما لي كانو وخا يتقاتلو بيناتهم كيبقاو عزاز على بعضهم لاهوا يفوتها لا هيا تفوتو ولكن دبا بانلهم كلشي مشا-كانت مونيا وسط الطيارة جالسة وحداها سليمان كتشوف جهت السرجم كتبين السما وغيومها وكتحس بشعور غريب...أول مرة تسافر وتبعد على بلادها وأول مرة تطلع فالطيارة...كان متملكها الخوف وكاع الأفلام لي تفرجاتهم دطيارة كطيح ولا زومبي كيخرج ...والوثائقي دناسيونال جرافيك كلشي جالها فبالها ...حسات بيد سليمان تشبك على يدها دارت وهو يقول :ماتخافي ...مارح يصير شي بعدين بتتعودي-حركات ليه راسها مونيا بآه ورجعات حطات راسها على كتفو وغمضات عينها...حنا راسو باسها من راسها ودار كيشوف جيهت السرجمجات العشية وسعادة كانت لابسة قفطانها وصابر لابس قندورة ومحسن لابس حوايج دالزنقة جداد ...أما رانيا فكانت فبيتها لابسة قفطانها فالأزرق الملكي ...طالقة شعرها مموج وعاملا مكياجها بيدها صغرها على سنها وبينها مسرارة... سمعات الصوني فالباب وعرفاتهم جاو ومشات حطات وذنها على الباب كتتصنت-طلعو بالصلاة والسلام وزكرياء كيضحك وفنفس الوقت كيقلب عليها بعينو ...كان لابس كومبلي كلو فالأسوط ومطلع شعرو بتشويكا وريحت عطرو غاكتقرب ليه كتجيك تقول ماشي طبيب...رحبات سعادة وصابر ومحسن بيهم ودخلوهم للصالون وحطو الدفوع فالأرض وجلسو ...جميلة وسعادة كيصليو على النبي ويزغرتو وجليلة كتشوف فجميلة باش تسكت وهي ممسوقالهاش كاتزغرت وطالقة حلوقها وزكرياء كيتسنى غا إيمتا تطل رانيا...أما جمال فكان كيسمع مرتو وكيضحك مع صابر ويهضر وفدماغو خدام الديسك دحجيب وكيدندن داخليا معاه ...ماشي فرحان لخطوبة خوه ولايني هو عزيز عليه النشاط ولكن مكيبينش وحالتو كتبان فاش كيسكر ...أما سمية فكانت جالسة شادة تيليفونها فيدها وكتسجل فيديوس غاصوت وتبين الدفوع وتنشر فسطوري الواتساب ولمياء جالسة كتضحك وباغيا تشاركهم ولايني مقادراش خايفة من مها لاتنوض تقرصها..دخلات رانيا لي غاشافتها جليلة ضحكاتلها ضحكة صفرة ومدات يدها...شداتو رانيا باستولها وباست يد السي محمد ودازت لزكرياء لي كان كيتسناها تجي ...مد يدو ويلاه مدات يدها تسلم باليد وهو يجبدها بالخف وسلم عليها بالوجه ... خلاهم كل واحد فين كيشوف شي فصقف شي فالأرض شي كيهضر وعمل راسو مشافش ...بعدات بالخف والحشمة غرقات فيها ودازت سلمات باليد على جمال وحنات سلمات بالوجه على جميلة لي حضناتها وباركتلها من قلبها وتسناتها غا ضايفاتهم وجلساتها حداها يتعارفو بجوج ...بدات تضحك جليلة ومدات يدها ورا سي محمد تاوصلاتها لزكرياء وقرصاتو لجنبو وجبداتها ليه وكانت القرصة قريبة لجيهة ضربة دالموس تايبس بلاصتو وتكوانسا...حس بالدم بدا يدوز ليه وتحلات الجرحة مرة أخرى ...وحيت مكيهداش فكانت كل مرة كتحل كيعاود يعقمها تامبغاتش تبرا ولكن هاد المرة ملقا كيف يشدها...حس بالدم دايز ليه ومعرف كيف يعمل وحيت عاد جاو مقادرش ينوض للطواليت ...شاف فرانيا لقاها كتشوف فيه وكتهضر فنفس الوقت مع جميلة ...تبسم لها باش ميبينش ودار كيهضر مع صابر وباه ومصبر راسو على الحريق لي بدا يتجهد لو. ...ومع مو ماشي غا قرصاتو قرصة عادية هي قرصات ولواتها حتى هجراتولودارت جليلة وشافت فسمية لي حداها وشادا تيليفونها وقربات لوذنها وهضرت بشويةجليلة:المشكل دداك البرهوش تفك هاد المرة دوزتها ليك المرة جايا رد البال وكيف دار خوك راه لي بغاك غايجي نيشان قاصد داركم-دارت كتضحك مع سعادة وشافت فجميلة كتهضر مع رانيا وخافتها تعمرها عليهم ووقفات ومشات جلسات بيناتهم فارقاهم ..دارت غنزرات فجميلة هاد الأخيرة لي جاتها الضحكة بهاد المنظر لي عملات...ودارت شاف فرانيا وخشات يدها فجيبها وجبدات واحد البراسلي حطاتو على يدها وشداتوجليلة:هذا كادو من عندي ابنتي تشهيتوليك ومن اليوم حسبيني كيف مك (شافت فجميلة لي بدات تفيفري بالضحك وجمال لي غطا وجهو عامل راسو كيتفوه وهو كيضحك من هضرتها...دورات يدها ورا جميلة وقرصاتو تاتزعزع من بلاصتو وسكت وردات يدها عندها بلامتقيص جميلة....من عوايدها مكتقيصهاش من غير بالفم ) المهم ابنتي أنا كيف مك أي مشكل بغيتي نحلوليك نحلو وفاش ماحتجتيني أنا موجودة صافي ابنتيسعادة:(سمعات جليلة وبدات تفرنس عجبها الحال)والله يكبر بيك الالة جليلة هذا هو لي حنا باغينجليلة:راه حنا عائلة من دبا الفوق لي تقالت عليها خفافت عليناسي محمد:إوا أسيادنا ندويو فموضوعنا لي جينا عليه حنا كيف عارفين تعارفنا سيمانة لي فاتت رتحنا ليكم ولهلا يحشمنا معاكم ...جينا طالبين راغبين فيد بنتكم رانيا لولدي زكرياء على سنة الله ورسولهصابر:الله ياودي أنا من عندي موافق ولكن الكلمة كلمت البنت (شاف فرانيا وقبل كاع مايسولها لقاها كتحرك راسها بآه ...ضحك وشاف فسي محمد)إوا بما أنه ولادنا بجوج قابلين فالله يجعل كلشي مبارك مسعود-وقفو كلهم وطلقو الأغاني وسمية بدات تصور ولمياء هزات الصينية دالخواتم وقرباتها لصابر لي شد كل خاتم ولبسهم لزكرياء لي كان واقف بصعوبة وكيحس بالدم نازل...وكون مكان لباسو كحل كون تفرش معاهم وتحشم ...لبس لزكرياء وعاد داز لبس الخاتم لرانيا...باسو ليه يديه ودازو كيسلمو على الباقي وكيباركو لهم فالأخير جلسو مع بعضهم كياكلو ويضحكو تاهضر زكرياء وقال:المهم أنا ورانيا هضرنا وقررنا ضربو الصداق غداوحلات لسعادة... وصابر بالصدمة والغفلة بقا غاكيفرنس أما جليلة فبعدات جمال وجميلة وجلسات حدا زكرياء ومدات يدها ورا ضهرو وشداتو من خصرو وزيرات...هنا غمض عينو بالحريق وزير على يدو ...جابتهالو نيشان فالجرحة مع ردات يدها عندها وهي تشوفها كلها دمحس بالدوخة شداتو كان كينزف بزاف كانت القرصة مباشرة على الجرح لي باقي طري ولي تفتحلو كتر ...شد فراسو ومردش البال لمو لي يدها كلها دم...شافت سعادة وصابر يدها وعرفوه مجروح أما سي محمد فمردش البالصابر:زكرياء واش مجروح؟-زكرياءرفع فيه راسو وشاف فمو لي حطات يدها على جيهت الجرح كتتأكد واش منو الدم وعرف راسو تفرش ...شاف فيهم ورأية بدات كتتضبب ليه وقال:واحد بغا يضرب واحد المريضة كان باها باغي يقتلها وفاش بعدتها الموس جا فيا-وقفات جليلة وسي محمد وجمال ...نزل سي محمد بالخف يخدم طوموبيلتو وعاون جمال زكرياء ينوض لي كان مقادرش يمشي ...كيتحرك بصعوبة ...تبعاتهم جليلة وخلاو جميلة وسمية ولمياء غاكيشوفو ...نزلو وركبو مع سي محمد لي مشا مباشرة للمشفى أما زكرياء فالسخفة شداتو...بقا ضاغط على الجرح باش ميزيدش الدم يخرج ليه تاوصلو للمستشفى ودخلو للداخل يعاودو ليه خياطة الجرح-كانت رانيا مخلوعة عليه ...كتشوف فتيليفونها وكتسيفط ليه فالميساجات تشوفو واش فاتح وكتصوني عليه ساعة حد مكيجاوبها ...أما سعادة فجلسات حدا لمياء لي كانت مخلوعة وكتحاول تهدنها ...وسمية كانت كتشوف فسطوريات وشحال جمعولها من مشاهدات وممسوقاش ...بقات كتصوني رانيا وتعاود تارد لها البال محسن لتلفون لي فيدها ...عارفها معندهاش غنزر فيها وقال:منين جاك هذا؟رانيا:(شافت فيه مغنزرة ومعصبة)شراهلي زكرياء-مع هاد الكلمة شافت فيها سمية ولمياء مصدومين...وعاودو حناو عينهم دغيا باش ميبينوش-وقفات جميلة بعد مارد عليها جمال ومشات بالخف جلسات حدا رانياجميلة:الو جمال زكريا بيخير؟شنو وقعلو وشنو قالولكم؟جمال:الجرح تفتح ليه حيت لالة ماما قرصاتو ليه ...كتعرف غاتقرص من بعد تبدا دور فسبيطارات معندهاش حرية الرأي فقاموسهاجميلة:ودبا شنو؟جمال:ومال عقلك فيه العجين ولا كتفكري فيه ههههجميلة:(بعدات شوية من رانيا لي شافتها سمعاتو وحشمات )جمال ماشي وقت الضحك هذا راه تا رانيا كتسمع شنو قالولو ؟جمال:والو غاخيطوه ليه وصافي ههه كتسمع دبا تاهيا تتزوج غاهو مع زكرياء موحالاش تكون فحالنا ههه الله يحفظ مع الله يسترجميلة:وسكت سكت لاتسمعك مك وتسيفطلك للمستعجلاتجمال:تخليلي غا هذاك نقضي بيه الغراض ههه راه هو لي نتكى عليه خلاها حجيب المهم راه دبا ناعس عملو ليه المخدر باش خيطولو انا دبا غانجي موراكمجميلة:صاف وخا (قطعات تيليفون وشافت فرانيا لي كانت كتنتاظر جوابها )المهم راه بيخير خيطوليه الجرح ودبا ناعس ماشي شي حاجة لي خطيرة ...جمال غايجي مورانا دبا شويةسعادة:آه صاف الله يشافيه ياربي مامشا معاه باس-بقاو جالسين فجو متوتر ...رانيا لي وخا سمعات جوابها كانت باقا خايفة عليه وسعادة لي حاسة ببنتها وصابر لي كيفكر فهضرت زكرياء وكيدورها فدماغو...تاجا جمال مور شي عشرين دقيقة سلمو عليهم ونزلومشاو ...ناضت رانيا لبيتها حيدات تكشيطة ولبسات بيجامتها ومشات تخشات بلاصتها...دخلات للأنسطا كتقلب على كونطو تالقاتو...مكانش كينشر بزاف دالتصاور عندو غا تلاتة دصور ومعندوش بزاف دليفولو والأهم ممتبع حد فالأنسطا ...عملات ليه متابعة ودخلات تصاورو ...شدات الويفي وبدات تزومي وتشوف فيهم تاغلبها النعاس طفات تيلي ونعسات بلاصتها ...جلس صابر بعد مبدل حوايجو هو وسعادة فوق الفراش ...كان كيفكر وسعادة كتتسناه آش غايقول تاهضر وقطع داك السكات لي كان كيدورصابر:لاحظتي بلي كيزرب على بزاف دالحاجات ...الخطبة ودبا العقدسعادة:وادري راه تاتليفون شراهلها باش يهضر معاها حنا مكنخليوهمش يخرجو بجوج وهو باغي يهضر معاها ...راه زماننا غير على زمانهم وهو مدام قاصد باب الدار إلا وباغي المعقول تلقاه قال العقد باش نرتاحو عليها فاش تخرج معاهصابر:أودي معرفتش ...وزايدون منخليهاش تخرج معاه هي غانية يصدق ضاحك عليها وعاد بدا خاطري كيهرب منوسعادة:(وقفات ومشات لبلاصتها وتغطات )أطفي داك الضو وسير تنعس بانلي بدا الشيطان يوسوس ليك فداك الدماغ-طفا الضو وتخشا بلاصتو ونعس ...أما فالبيت فكان محسن شاد تلفونو وكيقلب فالأنترنيت على زكرياء ...مالقا تاحاجة كتعيبو حتى فالأنسطا ممتابع حتى وحدة ...خرج وحط تيليفونو ومشا تاهوا ينعس-فمطار السعودية نزلات مونيا مع سليمان ...كان الوقت مختلف على المغرب وكان الصباح علاين يطلع...تمشاو وكملو إجراءاتهم فالمطار عاد وقفو كينتاظرو باليزاتهم تاشافوهم دايزين وشدوهم ومشاو شدو التاكسي لي كان واقف حدا الباب بحكم أنهم جاو بالخف ومعلمش الشركة تسيفطلو طوموبيلتو ...عطا لتاكسي عنوان دارو ...بقات مونيا كتشوف جيهت الطريق وسليمان تلها مع تيليفونو كيجري مكالماتو وكيعلم أخرين بأنه جا لسعودية...وقف التاكسي قدام واحد العمارة...خلصو سليمان ونزلو بجوج وطلعو بالأسنسور لطبقة الرابعة غانزلو تمشى وبقات مونيا تابعاه وكتدور عينها على المكان تاوقف حدا واحد الباب فالرمادي...فتحو ودخل ...بلعات ريقها ومدات رجلها اليمنية عاد دخلات وشد الباب كان معلق فالباب واحد القطعة خشبية على شكل قط وفيها العلاقات دالمفاتح ...دخلات وكتشوف فالتريات الصغار فالسقف عاد دورات وجهها للصالون ...كان الأثاث كلو أبيض من غير شي قطع لي فلون الرمادي ...خداها لبيتها لي كان الفراش بيض والحيط مطلي بالبيض ...فحال شي مصحة فيها كلشي بيض شافت فيه وقالت:علاش كلشي بيض؟سليمان:(مشا فتح الخزانة كيجبد حوايج الدار)حيت عزيز عليا النقاوة وأحسن لون كيبين الوسخ من نقي هو البيض-قربات مونيا كتحيد الغشا دالفراش ...خلات سليمان تمد ينعس وهي هزات فاليزتها جبدات منها صاك صغير د skin care وفرشاة دسنان دخلاتهم للحمام وحطات كل حاجة فبلاصتها عاد مسحات وجهها بديماكيو وغسلاتو بالغسول ...خرجات وتمدات بلاصتها وغمضات عينها وهي تحسو قرب لعندها وخشاها فيه وحضنها ...كان الجو دالسعودية مباردش بزاف وصخون شوية وخا الشتوة ...حسات بالحرارة والصهد ومقدراتش تبعدو ...أما هو كان متعود على جو السعودية والعكس فالمغرب كيمرض بجوه البارد فشتوى...بقات على ديك الحال تاغفات ونعسات بالعيا دالسفر-جا نهار جديد...فتح عينو زكرياء وسط الغرفة فالمستشفى بشوية...حط يدو على الجرح لقاهم خيطوه ...ناض بالخف فاش تفكر رانيا ودخل للحمام جبد حوايجو دالبارح لقاهم غسلوهم..لبسهم بالخف وخرج خلص بالكارط كيشي باش ميقطعوهاش ليه من خلصتو عاد وقف شد تاكسي ...عطاه عنوان دار رانيا وبقا كيتسنى أحر من الجمر باش يوصل ...غاوصل خلصو ونزل بالخف وقف حدا الباب ويلاه غايصوني وهو يوقف عليه أنوارزكرياء:(شاف فيه وجمع يدو لي كان مدها باش يصوني )واش بغيتي تصوني على شي حد ولا جاي تسول على شي طريق؟أنوار:(ضرب يدو فالباب بجهد)جيت ليك انت يا تفارق مع رانيا يا راسك غانقصمولكزكرياء:هههه شنو؟علاش غانبعد على رانيا بالسلامة ؟أنوار:حيت هي كتبغيني وأنا كنبغيهازكرياء:(بدا يضحك وزاد قرب لعندو )امم كتبغيك وانت كتبغيها...كون كانت كتبغيك كاعما تصونيلي ألف مرة غاحيت كنت مريض هذي واحد ...جوج وخا تكون كتبغيك أنا باغيها وأي حاجة بغيت كتكون ديالي تالتاأنوار:(قاطع كلامه)تالتا آش ؟باغي تفرقنا ولازكرياء:ننن ماشي غانفرقكم حيت أصلا هي كاعما عارفاك واش انت فالحياة ولكن غانفرق ليك راسك على جوج (رجع راسو للور وعطاه لنيفو تاجابو مرمي فالأرض والدم بدا ينزل ليه منو ...كان محسن عاد وصل مع شاف داك المنظر وشاف أنوار غاينزل يكمل عليه وهو يطير من بلاصتو ومشا بالخف كيبعدو )محسن:زكريا بعد واش من نيتك(شاف فأنوار وعقلو هو نيتو لي كان مع رانيا فالكافي ...غاتفكرو طلق من زكريا وترما تاهوا عليه كيضرب ويعاود وأنوار كيطاكي بيدو وكيبغي يضرب مكيجي يعلي يدو تاكيكون محسن نزل عليه...بقا أنوار واقف كيتفرج...هناه منو...وحتى جرحو دبا مغايتحلش فسبابو...بقا محسن كيضرب فيه ويهضر )واش مغاتبعدش من ختي واش غاتبقا لاصقها ولا هاهأنوار:وبعااد والله تانديكلاري بيك-بدا يضحك زكرياء وجبد تلفونو من جيب السروال وصورو بلا مينتابه أنوار وسيفطها لشي رقم وكتب ليه ميساج {شوف ليه شي نويطة غرقو بيها وحسابك عندي أسي الغالي} ...قرب وجبد محسن حيدو منو هاد الأخير لي فتح الباب ودخل وتبعو زكرياء وخلا أنوار مرمي فالأرض كيكحب الدمقوة النفوذ والمعارف كانت حاكمة المغرب كما المعروف...بغيتي خدمة ولا سطاج ،بغيتي تخرج راسك من شي بلان، بغيتي تربح شي قضية، بغيتي تغطي على شي مصيبة بلاميرد لك البال حد ...خاص يكون عندك المعارف فكل بلاصة ومن هذا لهذا حتى كيتحلو لك كلشي ...-كان باقي أنوار كيكحب الدم ويلاه وقف كيتحلف فمحسن وزكريا وناوي على الشر فرانيا...مباغيش يفلت شمتتها تشطح لسواعدة وتمثل عليه دور البريءة فلخر تمشي تتزوج وكأن شيء لم يكن...بغا ياخذ حقو منها ويقيصها ويلعب بيها كيف لعبات بيه ...تمشا وكيحلف فيها ويبلانيلها تاوصل للشارع وشد تاكسي وصلو لخدمتو-طلع محسن مع زكرياء كيرحب بيه تافتح الباب ومع كان كلشي فخدمتو فكانت غا رانيا فالدار ...دخلو بجوجهم ومشا زكرياء جلس فالصالون دضياف ...أما محسن فخلاه ومشا دق على رانيا الباب وفتحها لقاها كتلعب فتيليفونها وغا من صوت الموسيقى عرفها candy crash saga ...رانيا:(تكلمات بلا متشوف فيه ومركزة فنفس الوقت مع اللعبة)مالك شباغي تاني؟محسن:زكريا جا-قفزات رانيا من بلاصتها حطات تيليفون فوق الكوافوز وتخطاتو ومشات للصالون...لقاتو جالس كيشوف جيهت الباب وكيتسناها غاشافها ابتسم ليها ووقف ...قربات عندو بالخف وهو شاف خوها باقي ماتبعها وقرب باسها من حنكهازكرياء:توحشتكرانيا:تا انا وبقيت مشطونة عليك واش بيخير دبا؟(حطات يدها على كرشو معارفاش فين عندو الضربة ...شد يدها وطلعها لقلبو)زكرياء:هافين عندي الحريق (طلعات فيه عينها وقبل ماتهضر سبقها وكمل جملتو )كل مابقا بعيد عليك غايبقا ناقص فيه شي حاجة-حيدات رانيا يدها بشوية حشمانة وهو بدا كيضحك تاشاف محسن جاي وهو يجلس ومشات رانيا تطيب آتاي وتضايفو ...جلس محسن مع زكرياء وبدا يستجوبو على نوعية عملو والسبب علاش تضرب وشنو ناوي يعمل مور الزواج...وكانت كاع أجوبتو مافيها حتى عيب ...حتى حطات ليه براد دآتاي فالصينية وطبسيل دالمسمن مصخن والحلوة ...بداو ياكلو هو ومحسن ويكملو هضرتهم ورانيا مشات لبيتها تاصوناو على زكرياء من الخدمة ودعهم ومشا لخدمتو ...مع دخل داز شاف تقارير المرضى عاد داز لمكتبو لبس الطابلية وجبد تلفونو مع فتح الكونيكسيون وهو يطلع ليه إشعار من الأنستغرام ...دخل ولقا رانيا عملات ليه متابعة ...دخل لكونطها وبدا طالع نازل فتصاورها ...كيشوفها مرة مصورة بوحدها مرة مع مونيا مرة مع زينب وشي مرات بتلاتة وشي تصاور قدام ديالها وفبزاف دالبلايص ...جبد رقمها وصونالها وبقا كيتسناها تجاوب ...كانو ملامحو جامدين وباردين لدرجة متعرفو فاش كيفكر ومع جوبات مقال لا سلام لا كلام واختصر هضرتو وقال:مسح كاع تصاورك فالأنستارانيا:(كانت وسط الحمام عاملة ماسك تحت عينها على ود الهالات )كيفاش علاش؟زكرياء:يا مسح تصاورك من الأنسطا يا أنا غانجي نمسحهم بيدي ... انتي دبا مرات الراجل ومخاصش لي جايشوف فيكرانيا:ولكن هذوك قدام دبا اصلا مبقيتش كنخرج ولا كنتصور راك عارفزكرياء:(غوت بجهد تاصمك لها وذنها وخلاها مصدومة فيه ...كان كل جملة كينطقها كيكرز على آخر الحرف)قلت لييك مسحهم ...انتي دبا ديالي ومخاص حد يشوفك...رانيا متمرضنيش هضرة وحدة قلتهارانيا:(حيدات الماسك من تحت عينها وخرجات من طواليت)أويلي راه كاين كتر من ألف كيفاش غانعمل وخا نبقا من دبا لغدا مانقدرش نمسحهم كلهمزكرياء:(دوز يدو على شعرو بالعصب )واا المرض وبلوكي الخرا دالكونط أنا مالي المهم تصاورك يتسمحو دبارانيا:منقدرش نمسحو عندي المتابعين بزاف منين غانعاود نطلع أخرينزكرياء:والله ينعلم أصل مهم لي غايشركوني فيك واش نتي غاتزوجي بيا ولا بيهم مسح الخرا عندك نجيلك دبا ونمسحو ونقصم داك الخرا دتيليفون ونمسحك معاهم دبااا