الحرام المباح(الداريجة المغربية)

77

هنية:تي معارفش وراه نهار نتزوج غانسمح ليه فالولد ونتنازل على الحضانة يمشي ياكلو كاع ماعندي ماندير بيه ، البنت عند هاد السيد مهدنة ومرزنة ماشي فحالو قليل الترابي يلاه نخليك دبا-قطعات خلات فرح غا كتشوف مفاهمة حتى لعبة كيفاش هو قليل الترابي غير حيت كينوض ينقز ويلعب؟شنو مثلا غايخرج يخدم ولا يغسل المواعن ولا يجلس فالقنت وميتحركش، ياك هو باقي صغير وباقي خصو يلعب ؟ ... خلاتها غاواقفة وكتبغي غاتلقالها شي عذر لتصرفاتها لكن مكتلقاش ، مكتعرف منين تشدها باش تطلقها ، مكتبغيش تجبد حس داكشي لي كتقولها هنية حيت مباغاش ياسين ينوض شي صداع ويمشي لهنية ومع هاد الأخيرة راسها قاصح فعمرو يحلم بالولد وحتى الحضانة تقدر تخرجو منها غنان فياسين... تنهدات فوسط تفكيرها وسيفطات لياسين يجي ياخد الولد ويخليه معاه عاد مشات لمكتبها تراجع الوراق دالأعوام لي كانت غايبة وتشوف كرا الما والضو والمصاريف لي دخلو وخرجو حيت كانت مكلفة غا وحدة من الأستاذات بكلشي-داز داك الوقت دالصباح وحتى وذن الظهر عاد خرجات من السوق ، مور ماشرات كاع لي خاصها وناقصها من مكياج وحوايج وخدات حتى لليلى لي خاصها تبدا تمشي لمدرستها وتواجه واقعها ، ركبات فطوموبيلتها وكسيرات ماوقفات حتى وصلات لدارها وطلعات خلات ليلى فرحانة بالحوايج لي شرات لها أما هي فجربات داكشي لي قالتلها ليلى وعجبها وجاها مواتي ،طلبات شي حاجة لغداهم حيت عكزات تطيب وجلسات كتخطط وتفصل شنو غاتديرلهم-داز الوقت بالخف ووصلات العشية، كانت جالسة حدا ليلى كيتفرجو بجوجهم فالفيلم دهاري بوتر حتى سمعات تيليفونها كيصوني ... هزاتو وشافت الرقم لقاتو درضى عرفاتو جا من موراها قطعات عليه ومشات شافت وجهها فالمرايا وشافت مكياجها لقاتو مقاد زادت غا فالعكار فشفايفها وجوج رشات من عطرها المعتاد على عنقها وهزات ليكادو بجوج مغلفين وملصقين فيهم بطاقات مباركة ونزلات بالخف كطقطق بطالونها ... ركبات معاه فالقدام عملات الصمطة وديمارا غادي كيسوق وفنفس الوقت كيطلعها ويهبطها ومرة مرة يشوف فالطريقرضى:الناس كيلبسو القفاطن ونتي حاسبة راسك حضارة عند الأمير هاريرانيا:بغيتي القفطان لبسو نتا ،اصلا شفهمك فالرقي والكلاصرضى:اسبحان الله اشريفة انا ديما كنلبسو ، المهم ماعلينا غانمشيو غانبينو راسنا صحاب راه عاودتلم عليك وقلت كنا كنقراو بجوج وكانت كتعاوني فشحال من مشكل ،وهي محامية واعرة وعندها سمعة زوينة فالوسط ,عنداك تجبد ليهم خسارتي قدامك ولا موضوع القضيةرانيا:وغاكون هاني الاتفاق راه اتفاق وأنا عند كلمتيرضى:فخبارك لقاو المدعي العام لي كان فديك القضية دليلى سي تيسير مضروب ومربوط فالفراش ،شي حد دك ليه يبرة وهو ناعس وسلخو بالدق ،مشاو البوليس يقبضو عليه حيت شي حد بلغ بيه وسيفطلهم الدليل بهوية مخفية اوا صدقو معارفين يهزوه لسبيطار ولا للبنيدقة ، هاد القضية فكرتني فالقضية دطنجة حتى واحد من الفاسدين شدو شي حد وسلخو وحط الدليل عند البوليس وبجوجهم غفلوهم وهوما ناعسين ودكو لهم إبرة مهدئةرانيا:الصراحة عبرو عليهم ، حتى أنا مكانش عندي شي دليل قوي باش ندينورضى:الخروج على القانون حاجة كتجيبلي التشويق الصراحة ههه