الحرام المباح(الداريجة المغربية)

Ep7

💎الحرام المباح💎
✒دعاء ابن الفقيه
Ep7:
تبسمات ليه وحركات راسها بواخة وهي كتطلب من الله يفكها غا هاد المرة ويلاه بغات تمشي معاه وهو يصونيلها تيلي كان خوها عملات ليه اشارة يسكت وردات
رانيا:الو شنو؟
محسن:الله ينعل ** شادة عليا الباب من برا وانا عندي اليوم حصة فنص صباح دبا رجع حلي والله وتتعطل تانعاود لجد بوك تربية طيري مهم تكوني عندي
رانيا:اءء واش نسيت المفتاح فالباب انا غا فسطاح طلعت المخدة تشمش تسنا هانا غانحلك (قطعات معاه ودارت شافت فمراد)ويلي خويا فاق خاصني نحلو وراك عارفو كيف عامل يقتلك ويتبعني بيك شوف نزل انت لول وانا من بعد فاش يمشي فحالو نشوف كيف نعمل نجي لعندك صافي احبيبة وعد من عندي
مراد:(غنزر فيها وشدها من مرفق يدها وزير عليها)برب وماتنزلي عندي لا عقلت عليك وراه مانخاف لامنك لا من خوك وهاوذني منك
-طلق منها ونزل اما هي فشدت فيدها كتمسح عليها قصحها وفنفس الوقت الخلعة بدات تطلع وتنزل فيها...نزلات بالخف حلات لمحسن الباب وقبل مايشدها نزلات فالدروج هاربة وخلات صوتو خارج من العمارة كيسب ويغوت ...لي سمعو يقول راه غا سكايري ماشي أستاذ ويكون فعوان تلاميذو ...مشات بالخف كتتمشا جوج خطوات وتجري فتانيين وخا عيات هكاك وبقات تجري ومرة مرة تتمشا باش تلتاقط انفاسها...خاصها غافوقاش توصل لديك لافاك تعاود للبنات تشوفهم يفكو معاها حريرتها وفنفس الوقت كتخافو لايوقف عليها بالطوموبيل ويطلعها بزز
لحسن حظها وصلات ومشات للكافي دلافاك لقاتهم جالسين بجوجهم كل وحدة تقلب عينها على تانية ...مونيا غايرة من زينب وزينب عايقة بيها ...مشات وجلسات فواحد الكرسي وهزات الكاس دالعصير لي حدا مونيا ونزلات عليه دقة وحدة شرباتو ...شافو البنات بجوج فبعضهم وعاودو شافو فرانيا)
زينب:اويلي مال هاد البنت ياكما حصل خوك عليك شي حاجة؟
-حركات راسها بلا وكتحاول تتنفس وتلتاقط انفاسها بعدما عيات بجري
مونيا:واش شي شفار كان تابعك؟
رانيا:الا الكوميسير عوال على خزيت البنات
مونيا:وها لي قلنا قلتلك بعد على السلعة دالمغاربة راه تهربي من سواعدة ومتهربيش من المغاربة وعادك كوميسير من الفوق
زينب:ياك قلتي عندك عليه شي تصاور راه تقدي تهدديه بيهم
مونيا:تانتي من نيتك ؟غاتهدد كوميسير غايحبسك بتهمة التهديد تانتي حمقة
رانيا:هفف معرفت مانعمل وتا مرتو لي نهددو بيها راها عند دارهم
مونيا:غا هربي ياختي شوفي تلفيه على ماترجع مرتو وبما ان الدار فاسم مرتو فسيفطي ليها تصاور فميساج من شي كارط جديدة وشي تيليفون جديد من بعد هرسيهم وندفنوه فشي قنت
رانيا:غانشوف نهرب ومندخل لدار تاليل عادك باش ميلقا كيف يشدني
زينب:صاف تا هذا حل ولا كاع اجي باتي معايا راك عارفة الدار دارك ونهار كاع تحصلو اجيو بقاو معايا ...المهم نوض ندخل لتواليت تانجي ونشوفو فين نمشيو وتانتي ارانيا خوي راسك من هادشي صاف معندو كيف يشدك...(ناضت لتواليت وغا شافتها مونيا غبرات وهي تقرب الكرسي لرانيا)
مونيا:انا بعدا مبقيتش كنرتاحلها رد بالك منها
رانيا:علاش مقالت تاعيب ؟
مونيا:معرفتش ولكن شي احساس كيقولي متيقش فيها عنداك تزيد تسيفط لها شي تصاور ديالك اصكعة
رانيا:راه كنسيفطهم غا فالكروب ،علاش هادشي كامل ؟
مونيا:حيت دبا هي لي كتمشي معاه وتقبها اسمو فحال اسم خوك داكشي وعاد كتنصحك تهددو وهي عارفة بلي هو كوميسير ويقدر يحبسك
رانيا:الا اصاحبتي راه وريتها تصويرتو وقالت ماشي هو وعاد تقدر تكون نسات غاخوي راسك من هادشي
-لمحات مونيا زينب جايا من بعيد طلعاتها بشوفاتها ونزلاتها ودفلت وسط فمها ...جات زينب لعندهم وقالت:اش كتسناو؟ نوضو نمشيو لشي بلاصة نزهاو اش بان لكم ننزلو للمول نشوفو الجديد ديالهم ومن بعد ندوزو نتغداو ونمشيو لداري نوجد الشيشة ونتشيشو على خاطرنا
مونيا :واشفتك صاوبتي بلان دنهار كلو
زينب:ونبقاو نضيعو فالوقت يلاه نوضو
-ناضو معاها بجوج وتمشاو ركبو فطوموبيلت زينب غادين ويضحكو ويهضرو كل وحدة كتهضر على شي حد كتعرفو وشنو كتعمل معاه فليل ولا فالنهار تاوصل لرانيا ميساج لقات الفلوس وصلوها فالبنك دصالح {2000 درهم} تبسمات ووراتهم باركولها عاد دازو للمول كل وحدة كتختار شنو تشري وشنو عجبها ...كملو شوبينغ ديالهم عاد دازو لواحد المطعم وسط المول تغداو عاد ركبو تاني وداتهم لدارها
-طلعو وهوما منوضين صداع وسط الدروج بالضحك ديالهم فتحات الباب بالمفتاح ودخلو ...مشاو جلسو وهي مشات للكوزينة كتصاوب شيشة فالماكينة ديالها عاد رجعات عندهم شعلاتها وهي لولة بدات تشيش وتنفخ دخانها ...مدتها لمونيا نفس شي وبقا هذا كيمدها لهذا وشعلو الاغاني يشيشو ويضحكو ومرة مرة ينوضو يشطحو ورانيا ومونيا عينهم معسلة بيها كتر من زينب لي متعودة عليها ...تاقرب ليل عاد طفاوها ومشاو يشربو فالقهوة ويغسلو سنانهم باش تزول الريحة وعطاتهم الباغفان رشوه وسيفطاتهم كل وحدة تمشي لدارها ...
-شدات رانيا تاكسي وحاسة براسها مرخية بشيشة وخا شربات القهوة باقا مرخية وحلقها شاحت ...غير وصلات مشات اول حاجة عند البقال شرات قرعة دالما نزلات عليها دقة وحدة غا كملاتها رمات القرعة وتمات طالعة فالدروج بشوية تاتحل الباب دمراد وجبدها بجهد لعندو تاطاحلها الصاك والحاجات لي شرات من يدها  وشد الباب ...دفعها مع الحيط وشدها من شعرها جارها منو
مراد:ياك قلتلك لابغيتي ضحكي عليا ابنت الق*** غانهجرولك هاه
يتبع...