الحرام المباح(الداريجة المغربية)

47

تبعاتها حانية الراس بلا ماتقول حتى كلمة ،وفينما نزلات ليها الدمعة تمسحها بالخف ...خرجو ركبو معاه فالطوموبيل وكسيرى ...غادي ومكيشوفش بمرة جيهت رانيا...بقات تشوف فالطريق وفينما نزلات لها الدمعة تمسحها ...وقف قدام طبيب نسائي ...دارت لعندها سعادة وقالت:{نزل بالخف }...نزلات ومشاو بجوج دخلو ،بقات تتسنا مها تهضر مع البنت لي فالاستقبال عاد مشاو يتسناو نوبتهم حيت كانت وحدة لداخل ،غاخرجات دخلو بجوجهمسعادة:دكتورة جبت بنتي بغيت نعملها فحص على البكرة لاسمحتيالدكتورة:آه مرحبا (وقفات ووجهات كلامها لرانيا)حيد السروال وجلس فوق داك الكرسيحيدات السروال وحطاتو فوق واحد الكرسي ومشات لواحد الكرسي التاني عامل فحال الفراش تقريبا جلسات فيه وجات الدكتورة علات لها رجلها فوق واحد جوج حديدات خلاتهم مفتوحين مفرقين عملات كمامتها ولبسات نضاضرها عاد هزات واحد المصباح داليد صغير وبدات تقلبها ...غاكملات وقفات خلات رانيا واقفة كتلبس سروالها ،مشات الدكتورة جلسات فالكرسي حدا مكتبها وجبدات الورقة كتكتب داكشي لي شافت وفنفس الوقت كتهضرالدكتورة:راها باقا بنت وعمرها تقاصت بمرة (مدات لها الورقة لي فيها تقريرها)شداتها سعادة وشكراتها ،خرجات خلات رانيا خارجة وراها...بقلب مجروح من تصرف مها تاتيقة مبقاتش تيقها ...ركبات اللور وكسيرا محسن بعد محطاتلو الورقة تم وشافها ماوقف تالباب الدار ...نزلو وطلعات رانيا للدار هي وسعادة أما محسن فارجع عند باه ...طلعو بجوج فالدروج غا دخلات رانيا للدار جراتها لبيتها ودخلاتها دفعاتها فالأرضسعادة:(دارت كتحيد المفتاح من الباب )من اليوم مكاين خروج من الدار تا بيتك ممنوع تخرج منو غاتبقا هنا بجوع تانليل فاش نجيو من الخدمة ونعطيواك وياويلك نلقاك برارانيا:ههه علاش عاد دبا غاتخليني بجوع نهار كامل؟ علاش نسيتي فصغرنا فاش كنتي تخرج وتخلينا نهار كلو غا بيمووات علاش بيمو غايشبعنا ؟ ودبا ماجا تحاسبني (وقفات وقربات لعندها كتر)علاش شكون السباب من غيركم نقولو با خاصو يخدم ونتي علاش كتخدم وتسمح فينا مكتخاف علينا نحرقو الدار موالو ودبا عاد ماجا تقول نخليك بجوع زعمة عقوبة هادشي عشناه زمانسعادة:وعندك الفم تهضر حنا كنا نخرجو نخدمو باش لي حليتو عليها فمكم تلقاوهارانيا:(كتهضر والدموع كينزلو)حنا كنا محتاجيناك انتي كتر من ديك الفلوس ...الناس كانو ياخدو ولادهم للمدرسة وحنا كنمشيو بوحدنا الناس مشاو يدوزو الباك ناسهم بقاو برا يتسناوهم وأنا فاش خرجت ملقيت حد كنشوف غير الأمهات وآباء اخرين كيسولو فولادهم ويحضنوهم وجايبين لهم مياكلو باش تحيد منهم الخلعة ...علاش فين عمرك كنتي معانا ولا كتكون غافاش كيغلط الواحد-"قربات لعندها سعادة وصرفقاتها بجهد تادار لها الوجه ":فاش كتغلطو ؟واش الغلط (غوتات بجهد)هو تتعراي قدام سعودي هاااه فكرتيني جبد داك تيليفون دبا قال خوك محيدولكش جبدووو-جبدات رانيا تيليفونها مبين صدرها ورماتولها برا البيت فالأرض خرجات وشدات الباب بالمفتاح وراها...مشات تمدات فوق الفراش وخشات وجهها وسط المخدة تبكي

بقات شحال تبكي على مخدة فراشها تافزكاتها بالدموع،حسات بالسخفة شاداها وكرشها كتغوت بجوع وحلقها نشف وباغا تشرب...وقفات ومشات للباب وبدات تدقرانيا:ماما فتح بغيت نشرب وفيا جوع (بدات تضرب بجهد كتر )ماماسعادة:(جات وقفات حدا الباب ودوات )ياك قلتي تعودتي من صغرك هاه ودبا بقاي بجوع نشوفو هاد طولة اللسان لي عندكمشات وخلاتها ،تمشات رانيا ودخلات للحمام غسلات وجهها بالما وشربات من روبيني ديالو عاد خرجات حيدات عليها ديك كسوة دالخروج ولبسات كسوة ددار ... تمدات بلاصتها وغمضات عينها كتحاول تنعس وخا كرشها كاتحرقها بجوع ...سعادة كانت فالكوزينة كتطيب الغدا وحاسا براسها كيغلي بالأعصاب كل ماتفكرات وجه بنتها فتصاور ولباسها...نصبات الغدا يطيب ومشات شعلات دوزيم وبدات تتفرج فالمسلسل لي عاملين وخا ممتبعاهش ولايني تدوز بيه الوقتأما فالمشفى كانت جالسة سعيدة حدا مونيا وشادالها فيدها وكدوز يدها تانية على شعرها المطلوق فوق المخدةسعيدة:الله يابنتي الله فين باغا تمشي وتخليني واش انا هربت من دار العز وجيت غاباش منطيحكش انتي وحيدتي ابنتي وخا نضربك وخا نغوت عليك راه منفوتكش راك بنتي هي بنتي ومعششة فقلبي ونحارب عليك الدنيا علاش كتبغي تنتاحر علاش لمن باغا تخليني ها العار ابنتي لامادوي وريح قلبي راه مبقيتش نقدر ندخل تالتواليت بالخلعة لا منلقاكش حداياكانت كتسمع كل كلمة كتقول والدموع كينزلو من عينها نطقات بصوت باكي ومقهور :{ماما مبغيتش نرجع فحالك } ... هاد الهضرة كانت كافية تخلي لون سعيدة يتبدل وكانت كافية دخلها مع العضم وتجرحلها القلب ...كانت فاهمة مقصودها مزيان...مبغاتش تكون فحالها بنت الليل ...كانت غاتفلتلها الدمعة وتنزلها من العين مدات يدها مسحاتها بالخف ودوات بحنية كتحاول تلمس قلب بنتها بكلماتها وخا كلامها قصحهاسعيدة:ابنتي شكون قالك غاتولي فحالي هاه مدام مباغياش حد مغايخليك ترجعي تخرجي فليالي وحد مغايضربك على يدك باش تولي فحالي...الحلم لي باغاه اتوصلي ليه متخليش الحياة توقف عند هاد الحد راني مكنخرج نخدم غا على ودك وراني ماشي مكنقلبش قلبت وقلبت ووالو بعت بغرير قبل ماتتولدي ومقدوني فين داك الفلوس ماقدرت حتى نشري مانطة نفرشها فالأرض ننعس راه المصاريف كتار والأثمنة طالعين ابنتي...انا غانهزك ابنتي بكلشي ديالك انتي غاقراي ووصلي فين باغا وعمرني باقا نضحك عليك ولا نطلعها عليك راه كاع الهضرة لي كنقولك كنكون غاكنضحك بيها ومناوياهاش كاع وغاكنبغي نعرف اش فدماغكمونيا:انا عييت اماما عييت (بدات تبكي بالصوت عالي)عييت من داك الشارع يقولولي ق**" وبنت الق*** عييت من هادشي وعاد زاد كمل عليا داك الاغتصاب مبقيتش قادة نزيد اماماسعيدة:صاف ابنيتي نمشيو لبلاصة أخرى نسكنو صبر عليا غانضبر شي فلوس كاع لي عندي خصرتهم هنا فطبيب صبر عليا غا ربعة ليالي ونمشيو نكريو شي دار ونسمحو فهاديك غاكوني على خيرمونيا:ماما باقا باغا ضبرلي كونطرا للخريج ...ضبرهالي وشوفلي شي راجل باغي يتزوج نمشي فحالي من هنا ويطلعنيسعيدة:ابنتي انا راه كنت غاكنضحك معاك هو موجود ولكن كنت غاكنضحك راه اصلا هذاك غازواج عرفي لمدة عام وصاف كتطلقو وكيكون اتفاقي فاش كتفارقو كيخليلك حقك من الفلوسمونيا:بغيتو وإذا مهضرتيليش مع السيدة لي قالتهالك غاننتاحر ودبا ختار ...المهم نطلع من هنا انا كرهت هاد المغربسعيدة:صاف وخا ابنتي غاتهنا