الحرام المباح(الداريجة المغربية)

38

طبيب الدولة كان معروف انت وزهرك واش يعالجوك ...وإذا بغيتي يدخلوك ويعملولك الراديو ولا يآديو أي آلة خاصك ترشيهم عاد يقومو بواجبهم وخا كيقولو عليه فابور ولايني مفابور ماوالو وعاد كيزيدو الناس كيتزاحمو تم فمكيقدر حد يدوز إلا الأقلية ...كانت فوق الباياص والدم بدا يقطر فالأرض لي داز يشوف فيها ويقول "لا حول ولا قوة إلا بالله "وكاين لي مصورها وناشرها ويسب فالأطباء وهي غايبة عن الوعي ماحاسة بوالو ...الفرميرة:(سمعات صوت سعيدة وتجاهلات داكشي لي سمعات)واش نتي مامات مولات تيليفون؟سعيدة:أياه علاه شكون نتي ياكما شي صاحبتها تاني ؟الفرميرة:انا من طبيب دالمخزن لي جا ف*** بنتك ضرباتها طوموبيل وراها مرمية فالكولوار حد ماداها فيها وبقات فيا وقلت نعلم ناسها لاقدرتي غا أجي خوديها للطبيب دالفلوس أما هنا راه غاغاتكرفص ودغيا راه نبضها ضعيف وتقدر تموتسعيدة:هاويلي بنتي كيفاش ضرباتها شوف عاونها ونتهلا فيك ها العار لامدخلوهاالفرميرة:(شافت واحد الطبيب داخل وغادي للداخل بغات توقفو شاف فمونيا وزاد ومداهاش فيهم )والو تاحد مكيبغي فحال هاد الحالات هنا كيخافوسعيدة:وانا ماعندي حتى طوموبيل باش نديها واش معندكش رقم شي مستشفى خصوصي ينقلوها ليه وأنا غانتبعكم ها العار ابنتي لماكملي على خيرك وشوفلها شي حلالفرميرة:عندي اه ...انا نتاصل بيهم الطبيب د (***) سبقنا ليه، وعرفتي باش نسربيو ومنضيعوش الوقت غانديوها بالاسعاف ديالنا انا كنعرف لي كيسوقها انتي غاتبعيناسعيدة:سير الله يعطيك شي ولد الناس صاف وخاخلات الفرميرة مشات تهضر معاهم باش ينقلوها لطبيب آخر وسعيدة وقفات مشات تجبد فالفلوس لي عندها لقاتهم مغايكفاوهاش ...مشات بالخف لباليزت مونيا فتحاتها وبدات تقلب فيها لقاتها مخبية شي فلوس تم جبداتهم وخشاتهم فصدرها ...لبسات جلابتها وخرجات كتجري بالخف وتقول ماجرات ...بقات تجري وفنفس الوقت حاضية لايدوز شي تاكسي،لاداز شي واحد وموقفش تسبو وتزيد تجري حتى وقفات واحد وطلعات وعطاتو العنوان-عند محسن-كان محسن سايق وحاس بالشمتة لي تشمت من ناحية زينب تاوصل لدربو ونزل ،طلع للدار ودخل لقا رانيا دايزة بالعصير دليمون معصراه لبيتها...مشا بالخف لعندها وحيدولها من يدها تاقفزات بالخلعة وشرب منو النص ومدولهارانيا:ناري مسمعتكش فاش جيتي خلعتيني،غا كملو انا نعصر واحد آخر، مالك عرقان واش مريض وطالعالك السخانة؟(مدات يدها كتشوف جبهتو واش فيه السخانة لقاتها طبيعية وحيدات يدها)لا مافيكشمحسن:غامعصب وصاف غاشرب داكشي لي بقا انا كان فيا غا العطش وصاف ومبانلي غا داك الكاس فيدك راه خليتلك فيهمشا لبيتو خلاها كتشوف فيه ودخل حط تيليفونو بلا ميفتحو عاد مشا يدوش ...مشات رانيا لبيتها شدات عليها الباب دخلات جبدات كتوبتها كتراجع داكشي وفنفس الوقت كتشرب من العصير وحاضية لاتشرب من جيهة لي شرب هو منهاأما هو غاخرج من الدوش عقلو غايب بالتفكير فالهضرة لي قالت ليه زينب "بلي كتشد الباب وكتشطح لسواعدة "لبس عليه والشيطان كيوسوس ليه ،حس بالحرارة طلعات معاه كل ماتفكر شنو كانت كتخرج من فمها وغاكمل لبيتها بشوية بلا ميدير صداع برجليه وبلا ميدق حل الباب ودخل ومع شافها كتكتب تنادم معاه الحال حيت شك فيها ونعل الشيطان ...علات عينها فيه كتشوف مالو وقبل ماتسولو سبقها وقال:واش بغيتي سندويش بالدجاج ولا الكبدة ؟انا نازل نشري واحد ليا وقلت نجيبلك معايا وفانطا ولا كوكا ؟رانيا:آه كيعجبني ددجاج وجيب معاها فانطا أما كوكا معرفتش واش بدلولها المذاق ولا شنو مبقاتش كتعجبني تبدلها المذاقمحسن:صاف وخاخرج وخلاها كتراجع دروسها مشا للباب ددار فتحها وخرج شدها بالمفتاح لايدخل عليها شي حد ونزل مع الدروج مشا نيشان لعند مول السندويش شرا ليه ولرانيا ...بقا واقف كيتسناه يوجد وخشا يدو فجيب باش يجبد تيليفون يتلاها فيه ساعة لقا راسو نساه فالدار