الحرام المباح(الداريجة المغربية)

42

محسن:ها واللهيلة واعرة هذي كتجري عليا على ود الشايطة
جبد تيليفونو ودخل لديك الكونفيرساسيون ومدهالو...بدا يقرا هو وسعادة ودخلو للتصاور التانيين وهوما يشوفو رانيا بداك اللباس ،مشا صابر جلس فوق الفراش وشد فراسو لي بدا يحرقو ...بدا يتنفس بجهد بحكم كيتخنق اما سعادة بدات تولول وتضرب فرجلها وتغوتسعادة:ويلي ويلي على بنت الحرام ويلي كيف كتصورلهم بنت الحرام وتجي تهضر معانا فحالي معاملة والوصابر:(وقف ودار يغوت ويتنفس بالزربة وبجهد)انتي السباب معرفتيش تربي بنتك كون ربيتيها كون راها دبا مدارتش هاد الموصيبة ووسخت اسمي فالارضسعادة :(وقفات وبدات تشالي فيدها)مالها بنتي بوحدي راها بنتك تانتا مالي جبتها من الزنقة ولا؟ راها بنتك لي كنتي تفششها ياك كانعيا فيك زيرها وغوت عليها باش متعواجشصابر:وفين هاد التزيار لي زيرتيها(بدا يهضر بالغوات)ياك قلتلك تولدي جلسي فالدار متخدميشسعادة:الا غانخداام (زادت علات صوتها)نبقا نسعا عليك فلوس الحمام والسخرة ولا اناغانبرع راسي بفلوسي ونعيش كيف حلمت فيامي انا ماقريتش باش نجلس فالدارصابر:(بدا يكحب بالخنقة وفنفس الوقت يهضر ومحسن مشا يجيب ليه الرابوس من البيت التاني)علاه أنا كنحيد ليك شي حاجة هاه هانتي تخدمي وانا لي كنصرفسعادة:وابزز منك تصرف هذاك حقك فالصرف دبا نصرف عليكصابر:الالة غاجلس فالدار وقابلي بنتك هاهيا كح هاهيا
بدا يكحب ويحاول يتنفس ،شافت سعادة حالتو تزادت بدات تعيط لمحسن شداتو بغا تجلسو فوق الفراش ساعة طاح على ركابيه ،غمض عينو بشوية وطاح فالأرض...غوتات سعادة بجهد صوتها خلا محسن يقفز من بلاصتو وتا رابوس ملقاهش ،مشا بالخف يشوف شواقع تاكيلقاه مرمي فالارض ومكيتحركش ونفسو ضعيفةمحسن:الواليدة عاوني عاوني خصنا دبا نوصلوه للطبيب نفسو ضعيفسعادة:تسنا ليباري ديالو تسنا(ناضت بالخف مشات للتلاجة جبدات واحد اليبرة ومشات بالخف دكاتهالو فالعرق ...وعاد مشات هزات رابوس بدات تعملهم ليه ففمو وتتكي عليه ...هزو محسن ومع تقيل عاوناتو فيه سعادة نزلوه ودخلوه للطوموبيل ودراري الحومة كيتفرجو فيهم واحد مور التاني كيمشي للطبيب ،كسيرا وسعادة عطاتو لادريس دطبيب فين خداو رانيا...مشاو وغاوصلو دخل عيط لهم جابو البياص هزوه فيه ودخلوه تاهوا ...وقف برا الغرفة ديال باه وبدا يمشي ويجي وسعادة جلسات على الكرسي تبكي وضرب فرجلها وتلعن فرانيا لي وصلاتهم لهاد الحالة
فالجهة التانية كانت سعيدة واقفة كتشوف فبنتها والدمعة فطرف عينها باغا تبقا معاها ولايني قلة شي خلاتها تمشي،خاصها ضروري تخدم الليلة باش تكمل تكاليف المشفى ،خرجات ووقفات برا خشات يدها فجيب جلابة لقات عندها غا عشرة دراهم جيبها خوا...تمشات شدات تاكسي لي وصلها للدار خلصاتو ونزلات طلعات لدارها ...دوشات ولبسات عليها كسوة معرية كلها ولبسات فوقها عباية عاد خرجات ومشات لأقرب ملهى تضبر على راسها وخا ماعندها نفس ولا گانة