الحرام المباح(الداريجة المغربية)

49

كانت ليالي سودة قلبا وقالبا،دخلات سعادة هزات ديك الصينية كيف ماهيا وخرجاتها باش تغسلها مع المواعن ماداتهاش فيها ومسولاتش تا علاش مكلاتش ... كانت ناعسة وجبهتها عرقانة ومن تعابير وجهها باينة كتحلم شي حاجة خايبة ... أما محسن فكان جالس فالبالكون كيكمي وكيخمم فالأخير طفا الكارو فطفاية ديالو وخرج مشا عند مو للكوزينةمحسن:الواليدة أنا كنبغي واحد البنت ونهار جمعة عوض نخطبو نمشيو نعملو تعارف العائلات غدا نديك لعندها تعلم مها فالدارسعادة:(غسلات يدها من الصابون ودارت لعندو)ضبصح اولدي صاف نمشيو منوقفوش حياتنا على غلطها صاف غادي نعلم باك ونقنعو يمشي غا كون هاني اولديمحسن:قول تالرانيا تمشيسعادة:الا رانيا لامشات انا مغانمشيش ديك البنت أنا غسلت يدي منهاكان فيه النعاس ومبغاش يزيد يتعاطا معاها مشا لبيتو وفطريقو شاف فبيت رانيا لي كان مشدود،تنهد وكمل طريقو لبيتو ...دازت ديك الليلة تقيلة على قلوب الكل ،أحداث هاد الأيام قلبات لهم حياتهم كلها...فعلا كانو كاينين مشاكيل قبل خفاف وكيدوزو فدقيقتهم مي هاد المشكل كان أكبر ... طلعات شمس نهار جديد كانت مونيا فالطبيب عاد بدات تفيق مع حلات عينها شافت الفرميرة واقفة كتبدل فالسيرو. ..شافت فيها هاذ الأخيرة وتبسمات لها وقالت: الدكتور خلات عندو صاحبتك رانيا على ما أظن اسمها ،طلباتو يعطيك هاد الورقةمونيا:(شداتها من عندها)علاه هي خرجات ؟الفرميرة:اه البارح خرجوها ناسهامونيا:وأنا فوقاش نقدر نخرج من هناالفرميرة:(قربات كتبدل لها الفاصمة لي فراسها وفنفس الوقت كتهضر)حاليا مغانسمحولكش تخرج تايكمل الأسبوع يعني نهار الاتنين لي ماجي باقيلو ربعيامبدلات لها الفاصمة بوحدة جديدة وخرجات ،شافت مها داخلة وكتفرنس وشادة فيدها واحد الصورة مداتهالا وهي تشوف تصويرت واحد السعودي ماكبير ماصغير ،محققاتش فالصورة ولا فالملامح عاودت عطاتهالاسعيدة:هذا هو لي غاتزوجيه راه هضرات معاه صاحبتي كريمة ووراتو واحد الصورة ديالك سيفتهالا اوا وعجبتيه ووافق ... وراك عارفة الزواج العرفي راه كيكون عقد مموثقش يعني لابغا ماتدي منو لا حق لاباطل على داكشي قلنا ليه يعطيك من لول فلوسك راه غايعطيك عشرة دالمنيول(مليون) ولا عجبتيه يزيد يتهلا فيك وعاد غايطلعك معاه لسعودية ...السيد خانز فلوس وغاكيشير فيهم المهم لاكنتي مطورة حاولي تهزي منو شي كرش باش يوثق زواجكم وتولي مراتو نيشان بالعقد والقانونمونيا:اش غانهز انا خاصني غانخرج من المغرب ونعمل شي مشروع تم برا وها أنا مهنية وغانبقا نسيفطلك تانتي الفلوس يدوز عام هاحنا مطلقين داك الساعة نكون بعدا ضامنة مستقبالي ويمشي يقو...دسعيدة:اوا داك الساعة طلعيني معاك نشوف خيرات ربي ههه عرفتي فرحت ليك يا سلكوطة انا فاش كنت قدك ماكنت نعرف تاحاجة فهاد شي مي معليش كيف طلعت انا كيف طلعتي نتي (شافت فالورقة لي فيد مونيا) تي اش ديك الورقة ياكما شي ميساج حب من عند شي ولد الق...مونيا:ناري زعمة متقدرش متسبش ضروري خاصك تسبي وتخصري فالهضرة وبلا منهضرو على زهوسعيدة:تي راه السبان من تقاليدنا العريقة والزهو فسبتو مشات سبتة ومليلية ولا معرفت اش سميتها بعدي مناي اختي انا اصلا معنديش مع التاريخمونيا :ههه خليك غا فشطيح ديالك (فتحات الورقة درانيا وبدات تقراها)فتحات الورقة وبدات تقرا :{مونيا عارفة بلي نتي عزيزة عليا وعارفة بلي مغانقدرش نبقا معاك ونوقف معاك حيت باينة غايحبسوني ولكن عمل فراسك بلي بالي غايبقا معاك ...مقدرتش نودعك قبل مانمشي مي قلبي معاك ها العار متعاودش تبغي تنتاحر خلي أملك قوي وإذا مشالك الأمل خلق أمل جديد وهدف آخر حنا لي كنخلقو أحلامنا ونحاربو على ودهم ماشي هوما لي كيجيو غا هكاك }

كان كلامها محفز نوعا ما ليها حسات بلي شي حد مهتم لأمرها وواقف جنبها ومساندها رغم البعد لي بعيدة عليها ،طوات ديك الورقة وحطاتها تحت المخدة محتافظة بيهافاقت رانيا فالصبح بكري مع سبعة ،الساعة فاش كتكون مها وباها فايقين باش يمشيو للخدمة كانت عطشانة وفيها جوع ،البارح ماكلات والو دخلات للحمام غسلات وجهها وشافت فالمراية بان لها لونو صفر وتحت عينها ولا زرق شعرها مخربق بالنعاس وكرشها كتحرقها بجوع ... خرجات لقات مها داخلة بالصينية فيها الخبز والبيض مقلي والكونفيتور وكاس دالحليبسعادة:(حطات الصينية فوق كوافوز دالماكياج )هاكي رهجي وخليه تاني فحال البارح حد مغايجيبها فصحتو من غيرك حنا كناكلو فحالي عمرك كنتيخرجات بعد مسمماتها بهضرتها ،جلسات رانيا وبدات تاكل وخا عاودت تشدات لها الشهية ...كملات ماكلتها وشربات داك كاس دالحليب ومشات كتطل من السرجم ...ندمات وندمات بجهد كون كانت معملاتش هادشي كون راها كتمشي تقرا دبا تا القراية جلسوها منها ... كون داتها فقرايتها ورضات بداكشي لي كانو يعطيوها كون راها دبا بيخير ...مشات باش ضيع الوقت تطوي حوايجها فتحات الوسطاني تعاود تعلق الحوايج وتعاوطهم وهي تشوف البوكي دالورد لي كان عطاها أنوار وخباتو تم (أول جزء). .. كان ذبلان وميت فحال روحها الذبلانة ،جبداتو هزاتو فيدها وطاحو شي ورقات فالارض صفرين فحال لون بشرتها ...ضحكات باستهزاء بعد ماتفكرات النهار لي عطاه ليها وقالها أنه معجب وكيف عادتو بدا يقول فشعر نزار قباني ... هزاتو ودخلات للحمام فتحات سطل دالزبل ورماتو فيه عاد خرجات كتجمع وراقيه الذبلانين من الأرض ،مشات رماتهم وخرجات كتطوي فالحوايج وتعاوطهم فالبلاكارات غاكملاتهم مشات تسيق الحمام باغا ضيع الوقت فأي حاجة ... غا كملات وقفات حدا المراية وقاصت الفاصمة وحيداتها بشوية من راسها عاد رماتها ،جمعات شعرها شافت الجرحة مخيطة وعرفات غاتخليلها ندبة جبدات كريم cicaplasts de LA roche-posay دهناتها فجيهت الجرحة وهي كتحمد ربها مشافهالاش خوها ومرماهالاش مع مكياجها تاني لي ملقاتوش...خرجات تمددات فبلاصتها...كان الوقت كيدوز بتقالة وتاني تفكرات هضرت باها وبدات تبكي(الحوار بالإنجليزية)فالمطار كانت زينب جالسة حداها باليزتها وجالس حداها نفس الإماراتيزينب:مكانش يسحابلي بلي دغيا غانقدر نسافر لدبي كون عملتها من لول اسي رياضرياض:كان عندك جواز السفر واجد فبقات تذكرة دطيارة وشي وراق أخرين وجدتهم بالمعارف،المغرب كلشي فيه ساهل لا عندك حبابكسمعو نداء بطيارة لي غايطلعولها ناضو كملو الإجراءات ونزلو طلعو فيها فجهة دالناس VIP كانت فرحانة بلي وأخيرا غاتمشي لتم وغاتصنع حياة جديدة خاصة بيها ...كانت تضحك وتوسع فضحكتها وتبدا تحرك فيدها ومرة مرة تحطها على رجل رياض لي كان جالس وكيبادلها فالضحكة وتتحلون عليه بهضرتها وتتعوج

داز داك النهار روتيني وممل بنسبة لمونيا لي غامتمددة فوق الفراش فطبيب ونهار حزين لرانيا لي بقات بلا غدا تاليل عاد دخلات لها سعادة العشاءحطات العشاء لصابر لي كان جالس كيقرا واحد الكتاب وحطاتولو فوق واحد الكرسي وجلسات حداه...شاف فيها وحيد نظاظر الشوف وحطهم فوق الفراشصابر:علاش جلستي؟واش غاتعشاي معايا؟سعادة:وضروري مالي نخليك تعشا وحدك سمي الله اسي صابر وقطع لينا الخبز انا نكب لينا الموناضاقطع الخبز وهي كبات ليهم جوج كيسان فانطا وبداو يغمسو وياكلو بجوجصابر:(هز الكاس شرب منو وحطو وبدا يغمس)غرفتي للدراري ياكلو؟سعادة:عطيتهم بجوج تاكل فيه جغديد(سم )صابر:متبقايش طلعي كراد لولدك تاهوا غالط كون مقاس ديك بنت الحرام مكانتش تقرب لبنتنا وبنتنا كون عملاتلنا إعتبار مكانتش تنفذ لها داكشي لي وراتها وحد مابزز عليها دير داكشيسعادة:ياودي راه هذاك راجل يدير لي دار مايتعاب الراجل الحاجة الوحيدة لي تعيبو هو جيبوصابر:(حط من يدو الخبز ومسح يديه)فاش تبقاي تحطيلي العشا متجلسيش معايا سيري جلسي حدا ولدك واش انا باغاهم يعرفو غلطهم ونتي سايرة طلعي فيه راه لامعاقبناهمش مغايعرفوش بغلطهم ومغايندموش ومرة جايا غايعاودوها ...وزايدون هاهوا راجل الراجل هو لي بكلمتو يبقا والراجل هو لي يدير بوجه واليديه ماشي يضحك على بنات الناسسعادة:راها اصلا ماشي بنت الناس سمعتيه قال كانت تنعس مع سواعدة راها بنت الحرام وكانت باغا طيح ولدي يعطيها موصيبةصابر:واعبرات عليه الزنى كاتبقا زنى وبلا متبقاي درقي الشمس بالغربال وسالينا الهضرة شدي عليا هاد سوجيسعادة:(غمسات وكلات واحد دغمة عاد هضرات)وا المهم شفتك وقفتي يدك ندخل فالموضوع ...ولدك بغانا نمشيو نتعارفو على عائلة واحد البنت ونشوفو لاتفاهمنا نخطبوهاصابر:مغانمشيش سيرو بوحدكم وزايدون مالقيتو غا هاد الوقت لي غارقين مشاكيلسعادة: وتا كتقول الولد غلط وباغي تغلط ياك خرج يزني وخلينا نزوجوه باش يدير كلشي فالحلال ومدام قاصد الناس من دارهم فمدار حتى عيب لواه ...وخاصك تمشي معانا راك باه والناس غراب وباقي ماعرفناهم ميعرفوش بمشاكلنا نمشيو أنا وياك ومحسن نهار جمعة ونشوفو البنت وناسهاصابر:غانمشي وندير راسي مكاين حتى مشكل ولكن غانخرجو مكانعرفو مكيعرفني يعطيني بالتيساع أنا ماعنديش مع هادشي لي دار الذنب يستاهل العقوبة وحتى رانيا تمشيسعادة:الا مغاتمشيش ديك المسخوطة تحشمنا مع الناسصابر :(وقف وتم خارج يمشي لطواليط)اوا صاف تا انا مغانمشيشسعادة:وصاف غاتمشي يخخ غاهنيناخرج خلاها تتعشا غاكملات طرفات البلاصة وجمعات المواعن وخرجات هازاهم فصينية لقات محسن جالس فالصالون كمل عشاه وجالس يتفرج فالأفلام ...مشات هزات الطبسيل والكاس وحطاتهم مع خوتهم فالكوزينة وشافت فيهم عكزات تغسلهم ...مشات فتحات الباب على رانيا وحطات يدها على خصرهاسعادة:وانوضي هزي طباسلك يسحاب ليك غانبقا نخدمك ولا، يلاه هزي وسيري غسليهم ويطيحلك طبسيل واحد مانعقلش عليكوقفات هزات طباسلها وبلا ماتقول كلمة مشات كتغسلهم فالكوزينة ومها واقفة حاضياها لاطيح شي كاس ومن سوء حظها زلق لها الطبسيل من يدها وطاح تهرسسعادة:(حطات يدها على راسها)هاويلي كتغسلهم مرة فالعام كتهرس مواعن العام كلو هاويليرانيا:(بدات تجمع الزاج)وراه غا طبسيل واحد ماشي كلشيسعادة:علاه باغياهم كلهم يتهرسو بعد بعد غسل يدك وسير لبيتك علامن أنا عوالة على الخلا داليام ،نهار جمعة وجد راسك ومتحشمناش مع الناس غانمشيو نتعارفو عليهم على ود خوك يلاهرانيا:(شافت فيها فرحانة وعانقتها من اللور)ضبصاح غاديوني معاكم شكرا تا أنا قنطتسعادة:(بعدات لها يدها)تي سيري راني مكنتش باغا نديك معانا كاع غاباك لي زيرني ومبغاش يمشي لامخداكش وخوك تاهوا ...تديري الذنب وزايداها بجبهة سير لبيتك ميشوفكش باك لاتمرضيه