الحرام المباح(الداريجة المغربية)

36

وخا نعياو نقولو راه تقدمنا ولكن أفكارنا ومعتقداتنا عمرهم كيتبدلو،وخا تسمع شي ناس يقولو الشرف ماشي بديك الجلدة ولايني راهم لاماشافوش الدم ليلة الدخلة راه ينوضو الحرب...هاد الأفكار من زمان وهوما كاينين وتواجدو لدرجة البنت كتبقا عايشة حياتها كلها فخوف لا تمشيلها وتتشوه وخا تكون ماعاملة والو وعمر ولد المرة قاسها ،أما لاتعرضات للاغتصاب خلاص داك الساعة أول حاجة كتجي فبالهم هي الانت'حار فحالي غايديهم للجنة وغاينقذهم من جهنم ددنيا ولكن نساو أنهم هربو من جحيم الناس وهضرتهم والمواس لي كيترماو من فامهم ومشاو للعافية عند ربهم لي الروح عندو عزيزة وحرم قت'ل النفس ولكن فاش كيغرقو فالهموم كينساو كلشي وكيشوفو الانتحار فحال شي باب وسط الظلام غايخلصهم من العذاب
كانت غارقة وسط دمها الغادي والجاي يشوف فيها وبدات الهضرة دور وبلي هي ليترمات على الطوموبيل والاسعاف تعطل ماجا بنادم يموت وهوما باقين عاد يركبو فطوموبيلت الاسعاف ...بقاو يتسناو شحال ويصونيو عليهم ويعاودو عاد جاو وهزوها خداوها للطبيب ...
فالجهة التانية كان سايق محسن وكيشوف فالخريطة من تيليفونو ماوقف تاوصل لدارها،نزل وهو شاعل باغي غافوقاش يوصلها ومشا كيصوني فالباب ددارها بقا تاكي على الصوني عيات تطل تشوف شكون مبانلهاش ويسحابلها مونيا لي جات تاني ...نزلات مع الدروج وعوالة تجفف بيها الارض ومع حلات الباب وهي تشوفو واقف ومن وجهو باين عرف كلشيزينب:محسن منين عرفتي دا ...
مجات فين تكمل هضرتها تاكان قاطعها بيدو لي شنق عليها بيه...دفعها مع الباب ودخلها للداخل وشد الباب برجلو وضربها مع الحيط مزيرلها على عنقها وهي حلات فمها كتحاول تهضر ولا غا تطلع النفس وتهبطها والو ماقدراتش كان مزيرلها على عنقها...كتشوف فيه بعينيها وسط عينو كتحاول تلتامس وتستعطفو بعينيها باش يطلقها كتلقا عينو السود طالقين غا الشرار دالاعصاب ...بدات تخنق ولون وجهها كيتبدل وكيشحب مقادراش تتنفس...حطات يدها على يدو كتحاول تبعدو و تغوت باش يفكوها الجيران منو ساعة والو مقدراتش ،طلق التسجيل دصوتها وهي كتعاود قصتها وفعايلها غاسمعاتو عرفات مونيا طلعات ماساهلاش وسجلاتها وعاد عرفات علاش كانت كل مرة تسولها على محسن خصوصا من لول شاكة فيها ...كان يسحابلها راسها قافزة صدقات مونيا كتر منها فالطيران ...بدات كتحاول تخرج الحروف وخرجولها مقطعين ..."ب..ع..د...ان..مو.ت"محسن:(غوتلها وسط وجهها)موتي لابغيتي تموتي المسوووسخة الشياطة دسواعدة ....الديفو مني انا لي غانكبر بيك وندخلك لداري ونخطبك ساعة لي مدلول كيبقا حيات أصل مو طول عمرو مدلول ...(ضرب يدو التانية مع الحيط حدا وجهها)انتي خاص الق... دمك تبقاي طول حياتك مدلولة وتبقاي طول حياتك يبولو عليك سواعدة الشياطة هانا غانتزوج بلالاتك وندخلها لداري ونتي بقاي هنا تهزيه وتركبي عليه الق...الله ينعل ز/.... بوكدفعها مع الأرض دفل عليها وركلها لرجلها وقال:مغانق'تلكش ونوسخ يدي فيك حيت أصلا عمر قلبي بغاك