الحرام المباح(الداريجة المغربية)

ep16

صبح صباح جديد ...شي صبح فرحان شي صبح فالهم غرقان...كانت مونيا واقفة حدا مراية صغيرة مهرسة كتصاوب الكحل فعينها ..حدقاتها وحطات المراية وخرجات هزات مونطوها لبساتو فوق حوايجها وقلبات الفراش حيدات اللاجورة وهزات فلوس تحتها ...خباتهم فصدرها باش تالطيرولها الصاك ميمشيولهاش ... جرات فاليزتها خارجة ...خرجات من البيت وشافت فسرجم دالصالون مهرس تاهوا...هرسو سرجم بيتها وسرجم الصالون ...كان كيدخل فالريح ومها ماتسوقاتش ليه كاع فاش جات همها هم النعاس ...ماتسوقاتش كاع ليها واش تآذات ...شافت فحيطان الدار كان الطلا مكرط منو وممطليش مزيان ..علات راسها فسقف الدار كانو طبايع البرودة خارجة فيه لي فاش طيح شتا يبداو يقطرو بالما ....تاحاجة من هاد الدار مكتجذبها ليها ولا تخليها تبقا فيها ولا تتراجع على قرارها...تا مها لي مها متقدرش هاد الساعة توقفها من بعد هادشي كلو لي عاشتو معاها وهاد الرعب لي كتبات فيه ...خرجات جارا فاليزتها وشدات الباب وراها بشوية ونزلات مع الدروج ...تنفسات مزيان وهزات الفاليزة وبدات تجري وتقول ماجرات...تجري وقلبها يضرب فعشرة خايفة غالايسرقوها ولا يوقفها شي حد بشي جنوية ...كان الشارع خاوي كيصفر غا صوت الريح لي كيحرك فشعرها ومخلي نيفها حمر وجامد بالبرد ...غافاتت هداك الشارع بان لها واحد طاكسي دايز وقفاتو بالخف وركبات ...عطاتو لادغيس فين يوصلها عاد قدرات ترتاح وبدات تشوف فالطريق ومرة مرة تشوف فالعداد شحال وصلها دالفلوس عاد تفكرات فلوسها كلهم مخبياهم فصدرها ومعندها كيف دير تجبدهم ...بقات تدور فعينها مرة تشوف فمول تاكسي لي مرة يشوف حداه مرة يشوف فجناب طريق واش كاين شي حد باغي يركب ...بقات كتخمم كيف تعمل شوية هزات فاليزا فوق رجليها غطات بيها وجبدات واحد 200 درهم من صدرها من تحت ....صاوبت حوايجها وحطات فاليزة فالارض حدا رجلها...وقف الطاكسي وركبت وحدة حداها وكمل طريقو تاوقف قدام دار زينب...خلصاتو ورد عليها الصرف ونزلات جارا فاليزتها ...صونات فالباب وبقات كتتسنا زينب طل عيات تتسنا والو بقات تصوني وتعاود تاطلات عليها زينب غاشافت الفاليزة عرفاتها غاتبقا معاها...رجعات دخلات مشات هزات سوارت ورماتهملها من سرجم ...حلات الباب وطلعات لقاتها كتتسناها فالباب ....لابسة بينوار وسروال ديال بيجامة فالحمر وعينها باقين معمشين بالنعاسزينب:صاف جراو عليكمونيا:الا انا حد مكيجري عليا انا بغيت نخرج من الدار دابزت مع ماما وصاف راه مفراسهاش بلي خرجتزينب:ودبا دوزك فمختفون تشوهك اصكعة ههه دخل دخل نهضرو لداخل-دخلو بجوج وشدات زينب الفاليزا من عند مونيا ودخلاتها للبيت التاني لقات مونيا حيدات مونطوها وجلسات فوق الفوتوي ...مشات وجلسات حداها وحطات رجل على رجل وتكاتزينب:هضر هضر بالخف خليتي فيا الفضول يلاه باش تكملي ندخل نغسل وجهي ونلبسمونيا:أوالو مافيه مايتعاود راه غير دابزت مع ماما حيت واحد سيد جا يخطب وانا رفضت وجريت عليه من دار صاف دابزنا ولغدا خرجت فحالي غانسيفطلها ميساج دبا شوية ونقولها مغانبقاش نجي وانا عند صاحبتيزينب:وعلاش رفضتيه مالك كرهتي زواج ولا يسحابلك غايجيك الامير الغني لي كاع البنات مزعوطين فيه باش يخرجك من حياة الدل شفتي والله ومكنتي ديبة لا طيحتي تامول الحانوت لي حداك ...وزايدون ياك قلتي نتي لي كتصرفي على راسك كلشي حيت مكتبغيش مك تعطيك وباك ممسوقش اوا صاف كوتزوجتي راجل يهزك ولا تعودتي على الحياة وزهو وشطيح هههمونيا:(بدات تشوف فيها وتقول شمن أب وشكتخربق هدي تاتفكرات هي لي كذبات عليهم من لول فوضعها العائلي)ههه اه اه عندك الحق ياختي مالي نبقا نبكي ليه باش يعطيني فلوس الحمام وزايدون قلتي خاصك تكون ذيب باش طيح تا مول الحانوت هي غاتعطيني الوصفة دكيفاش طيحتي سي محسنزينب:(وقفات متوجهة للحمام وكتهضر فنفس الوقت)وهداك خاصو واحد براد دأتاي وكاس دالقهوة وانا باقي تا مفطرتمونيا:وتا انا باقي مفطرت سير لبس وغسل وجهك وانا نوجدلنا الفطور-(دخلات زينب للحمام ومونيا ناضت للكوزينة ومع متعودة تجي هي ورانيا لعندها عارفة كل حاجة وفين...صاوبت القهوة ليهم بجوج وحطات الفطور فوق الطابلة بكلشي ديالو ...خرجات الخبز من الفران بعد ماصخن وجلسات كتاكل وتشرب من قهوتها كان فيها جوع مقدراتش تتسناها ...تاجات زينب مبدلة لباس وجلسات تاهيا تشاركها الفطور )يتبع...