الحرام المباح(الداريجة المغربية)

61

كانت راكبة فطوموبيلتها حدا العمارة وكترد كونطها بريفي غارداتو خرجات وهي كتضحك وصلات لداكشي لي فدماغها ...وقالت فبالها خليه مبلوكي يبقا فيه الفضول ويبقا يفكر فيا...خرجات من الطوموبيل وطلعات لشقتها غادخلات بدلات حوايجها بحوايج الدار ومشات توجد فالعشاء لقاتو معمر الكوزينة بالخضرة وكاع داكشي لي تحتاج جاتها القضية ساهلة وبدات تطيب الطاجينخرج زكرياء ورانيا من آخر محل كانو فيه وهزو فيدهم البلاستيك خشاوه فالطوموبيل كانت عامرة بلاستيكات..دورها فهاد النهار كاع الأسواق ومخلا ماشرالها من مكياج حوايج ملابس داخلية صبابط كساوي كلشي عاد ركبوعملات رانيا حزام الأمان وهي كتضحك ماقاداها فرحة غاكتفرنس ،اما زكرياء فعلم باه بلي جايين لدار باش يستقبلوهم بالتمر والحليب ...يلاه حط تيليفونو وهي تغفلو رانيا وباستو من خدورانيا:شكرا على هاد النهار الغزالزكرياء:كون عرفت الشتا مغاطيحش كون خديتك لواحد البلاصة غاتعجبك زرفونا هاد النشرة الجوية وحتى الجو تقلب وطلعات الشمسرانيا:بالعكس عجبني الحال وبزاف ...ولكن اشمن بلاصة كنتي غتاخذني ؟زكرياء:(غمزها وهز يدها وباسها)غدا وتعرفي الحبكسيرا وتم غادي للفيلا طريق كلها شادلها فيدها...كان باين عليه كيبغيها وكيحماق عليها اما هي فكانت غارقة فحبو وحنانو لي عمرها جرباتهم الا معاهفالفيلا دسي محمد كان واقف فوق راس جليلة وكيغوت ويهللسي محمد:واش حمقتي مباغاش تستقبلي البنت فالباب بالحليب والتمر بالكركاع واش باغا طيحي باسمي للأرض ويقولو علينا قلالين الضيافةجليلة :(تقلبات لجيهة التانية)يا ماسوقيش مغانتلقاهاش واش هي ناسها ومدارولاش العز وخرجوها بلا عرس وتطبيل وتقولي انا نكبر بيها الا انا مريضة وعضامي كيحرقوني ووالله لاخرجت استقبلتها تمشي تموت من عندي كاعخرج سي محمد وهو كيسب حمقاتو براسها القاصح كون كان زمان كوضربها وجبدها من داك الشعر ولايني دبا كبرات ومايقدرش يمد يدو...مشا لبيت لمياء ودق الباب عاد دخل لقاها جالسة شادا فيدها الصوف وجوج عواد طوال دالحديد وكتصاوب التقاشر دصوف ...غادخل حطات داكشي من يدها ووقفات وقلبها بدا يضرب فالمية والخوف متملكها لايكون العساس قالو داكشي لي عملات ماهدات تاسمعاتو اش قالسي محمد:نزلي وجدي صينية دالحليب والتمر وديري الكركاع وسط التمر خوك زكرياء ومرتو غايجيو اليوملمياء :اه وخا دبا ننزل نصاوبهم واش ماما لي غاتلقا ليهم فالبابسي محمد:الا انتي هي مريضةلمياء:صاف وخا اباوقفات ومشات توجد داكشي لي قالها ...عمرات التمر بالكركاع وحطاتو فالطبسيل وكبات فالزلافة الحليب وغطاتهم بواحد المنديل لاطيح عليه شي حاجة ...فهاد الوقت زكرياء كان قرب يوصل للدار تاسمع هضرت رانياوشاف فيها مطلع حاجب ومنزل التانيرانيا:ماشي خاصني نكون لابسة ديك جلابة دالعرايس فالبيض والبلغة؟زكرياء:اياه تلبسيها وفينما خرجتي بنادم يشوف فيك ويعرفك عروسة جديدة وانتي تضحكي وتبقاي غادا وبنادم يشوف فيك فحال شي تعريجة بربي وتلبسيها حتى نضرب مك تاتدور لا هادشي لي بقالي غاتلبسي حوايجك العاديين حد مشافك حد ماعرفك التقاليد دالخرا
رانيا:(عبسات وجهها)اويلي شدخل مي تاتسبها وراه العرس ومعملتوش والحنة ومحنيتش حتى الفطور ومجابوهليش عائلتك فاللخر حتى الجلابة تحيدهاليزكرياء:(ضرب يدو مع الفولون )والزمر متزيدش تمرضني واش انا حيدتلك شي حاجة بغيتي جلابة لبسيها فالدار ماشي تلبس شي حاجة لي تخلي كلشي يشوف فيكرانيا:(بدات تهضر بصوت باكي)لا نتا خشيني فقرعة وخبيني حسن وعلاه الناس لاشافو فيا غياكلوني بعينيهمبقا زكرياء ساكت حتى دخل للفيلا بعد مافتح ليه العساس الباب...دخل وباركا الطوموبيل حيد الحزام وشاف فيها كانو عينها عامرين دموع وشادة البكية...تنفس بعمق وحنا هز قرعة دالماء شرب منها وحاول يهدن راسو عاد شدلها فيدها ودورلها وجهها بيدو التاني حتى شافت فيه ومسحلها دموعهازكرياء:رانيا شوف فيا ...انا راه والله ماكنحمل شي حد يشوف فيك انا راجل وعارف شوفات الرجال للبنات وداك جلابة راه نشريهالك ولبسها فالدار غاهو زنقة الا والحنة غدا نديك تحني والله ماعندي مشكل فهادي ولكن باش تخرج بجلابة لا وصاف سمع الهضرة راه ماشي بلعاني وجبدت ليك مك فيا قاعيدة(باس لها يدها وقرب لجبهتها باسها...مد يدو حيدلها الصمطة وحضنها)وصاف سمحلي هانا اعتاذرترانيا:(هضرات قالبة شفايفها)وصاف سمحتليكزكرياء:(ابتسم لها وباسها من فمها)وهذو مغايضحكوشضحكات ليه وخرجو من الطوموبيل شادين فيد بعضهم كيضحكو...صونا فالباب وبقاو يتسناو تافتح ليهم سي محمد كيرحب بيهم وحداه لمياء شادة فيدها الصينية دالحليب والتمر ...لمح زكرياء ماماه لي محاضراش وعاق سي محمد وقال:جليلة مريضة كانو ضلوعها كيحرقوها ومبغيتش نفيقها وخا عارفها غاتعصب غاسمحولي وصافزكرياء:(ضحك ليه ضحكة صفرة)تا انا طبيب وخا ماشي من ضومين ديالي نطلع نطل عليها من بعدشد تمارة وعطا لرانيا عضات منها وعطاتو حتا هو عاد شربها الحليب من الزلافة وشرباتو ...دخلوها ولمياء كتصلي على النبي وهي كضحك وخا فرحتها كانت ناقصة وحسات بشوية دالعصب فاش مشافتش جليلة استقبلاتها... وصا لمياء تدخل داكشي لي شراو وطلعو لبيتهم عاد طلعو مع الدروج غا دخلها للبيت رجع خرج ومشا لمو ...دخل بلا حتى مايدق لقاها فاتحة عينها غاشافتو غمضاتهمزكرياء:الا غمض غمض (دفع الفاز بيدو تاطاح وناضت تجلسات)اياه فقتي دبا اوا كيف بقاو ضلوعك هاه ...شهاد التبرهيش لي فيك واش كبرتي وباقي فيك هاد التبرهيش دالخرا يسحابلك غادوزها عليا ؟جليلة:(بدات تهضر بلغوات)اش كدير المصعور اش دخلك هي ناسها وماعملولهاش العز وسيفطوها نيشان يعلم الله اش دايرة حتى سيفطوها بالخفزكرياء:(مور آخر كلمة صعر وبدا يهضر بالغوات كتر منها)متهضرش على مراتي سمعتي مراتي متهضريش عليها هي بزااف عليك هي انقى من كلشي وانا لي بغيتها تجي والله وتقرب لها ولا تديرلها شي حاجة تانسا بلي راك مي داك الصعر لي فيك سير برديه فشي حد آخر وبعد من مراتي! كيعجبك بنادم درويش تحكري عليه(رفع صبعو السبابة كانذار)النهار توصلني الشكوى عليك اقسم بالله لاعقلت عليكم كلكم! الحياة دالخرى لي كنشاركها مع مراض فحالكمخرج وخلا جليلة كتقول:اياه من نهار لول خلاتك تعصا مك وتسبها تقول هي لي هزاتك تسع شهور يا المسخوط غابلاتي بجوجكم تاندمكممسمعهاش كاع اش قالت نزل ودخل للطواليت لي لتحت غسل وجهو ورجع خرج برا لطوموبيل مبغاهاش تشوفو كيشرب الدوى وخا عندو فالبيت بغا يشرب لي عندو فطوموبيل...هز حبة وشربها وهبطها بالماء وبقا جالس كيدخل النفس من نيفو ويخرجها من فمو وكيعمل شهيق زفير وكيحاول يتهدن
طلعات لمياء كاع بلاستيكات دقة وحدة شي منهم كانو تقال وشي منهم خفاف مبغاتش تبقا طالعة نازلة فطلعاتهم دقة وحدة...وقفات حدا باب زكرياء وحطاتهم فالأرض عاد دقات غاسمعاتها قالتلها دخل فتحات الباب وهزاتهم داخلة بيهم...وقفات رانيا عاوناتها فيهم وحطوهم مع الكوان فالأرضرانيا:ويلي كون سحبلي زكرياء مغايعاونكش كون نزلت نعاونك فيهم شفتو خرج يسحبلي نازل لعندكلمياء:(جلسات كتلهت وتبسمات لها)الا اويلي من نيتك راك باقا عروسة جديدة ممنوع عليك تديري شي حاجة تي غا آمري وانا ننفذ هههرانيا:(جلسات حداها)حاشا انا الصراحة مكانش عندي شي اخت بنت ومكرهتش نكونو فحال الخوت حسن من ديك علاقة البنت ولوستها لي كنقرا عليهم فالفيسلمياء:(ابتاسمات لها وحطات يدها على فخض رانيا)الله ياودي اصلا مكيعجبنيش نكون عداوة مع لي كنعرف ...كون هانية من اليوم انا هي ختك فهاد الدار ومرحبا بيك بيناتنارانيا:الله يكبر بيك اختيلمياء:المهم الماء كل نهار كنبدلوه غاشرب منو بلا متخاف ولا بغيتي شي حاجة نجيبهاليك (وقفات ويلاه غاتخرج وهي ترجع تدور وشافت فرانيا)اجي نطلع ليك تاكل شي حاجة على مايجي وقت العشاء؟رانيا:اه الصراحة مكرهتشي ...اجي ميكونش عمي سي محمد تقلق حيت زكرياء طلعني نيشان للبيت ومخلانيش نسلم عليهلمياء:الا راه كلشي عارف زكرياء وشخصيتو غاتهناخرجات خلات رانيا جالسة كتدور فالبيت ...فتحات البلاكار كان عندو مرتب وممرونش...قربات حوايجو وخلات بلاصة لحوايجها حطات تم داكشي لي شرات بعد مقطعات ليه تيكي وخبات كل حاجة بلاصتها عاد دخلات للدوش كتشوفو كيف داير ...رجعات خرجات وهي تشوف زكرياء دخل مهضرش معاها وفتح الماريو...شاف حوايجها وهز من حوايجو ودخل يبدل عليه...مشات جلسات بلاصتها وهي تسمع الدق عطات الاذن تدخل..دخلات لمياء وفيدها الصينية فيها جوج كيسان دالعصير وطبسيل فيه المسمن والكونفيتور معاها معلقة ...حطاتهالا وخرجات بالخف فاش شافت زكرياء خارج ...رانيا:(شافت فزكرياء)اجي تاكل يكون جاك الجوعزكرياء:(شاف فالطبسيل)مافياشرانيا:(لاحظاتو كيتجنب الهضرة معاها وعرفاتو معصب من شيحاجة... وقفات وهزات كاس دالعصير وتمشات لعندو ومداتولو)وهاك شرب غا هاد الكاس على وجهي شربو (تعلات وباستو بوسة خفيفة ففمو خلاتو غاكيشوف...عجبو الحال وشدو من عندها ومشاو بجوج جلسو...بقات كتاكل وتدوز بالعصير وهو كيشرب من كاسو وكيشوف فيها مرة مرة تاكملو وحطو ...كلات وشبعات وهزاتها تخرجها وهو يشدها من عندها)زكرياء:نحطوها حدا الباب ترجع تهزهارانيا:ولكن حشومة غانعملولها فحال الخدامة مجاتشزكرياء:(تم خارج )وصاف انا غانهبطها غاتهنىخرج ونزل مع الدروج حط الصينية فالكوزينة ورجع طلع للفوق ومع دخل سمع صوت طرين طرين دتيليفون درانيا...شاف فيها لقاها جالسة شاداه والاشعارات كيوصلوها على آخر بوسط حطات وكانت كتقرا التعاليق وعاجبها الحال وكتفرنس بوحدها...كاع التعاليق جاو فصفها وسبو البنات لي طاحو يضحكو عليها فالبوسط اللول ويفايلو عليها...شافها كضحك مع تيليفون وهو يزير على يدو شد الباب بشوية وقرب نترلها التلفون من يدها وبدا يقرا فالبوسط...وقفات بالخف كتبغي تحيدلو تيليفون وكل ما بغات تحيدولو كيبعدها بيدو تاكمل القرايا عاد تهدن وعرفها مكانت كتهضر مع حد من غيرو...
نزل يدو وحيداتلو رانيا تيليفون ووجهها رجع حمر بالحشمة اما هو فحس بتأنيب الضمير وعرفها غاتحشم منو ومغاترضاش تشوفو كيقرا فبوسطهارانيا:واش من نيتك راه هادشي خصوصي ...علاش قريتيه ونترتيلي تيليفون من يديزكرياء:(دوز يدو على شعرو وخلاه محطوط على عنقو )والو غير...غير بغيت نشوف اشنو شاغلك لهاد الدرجة وكتضحك بحدك ...وزايدون(قرصها من خدودها بشوية وحاول يبدل الموضوع شوية)راه متخافش من الملل ومتبقاش تفكر هكاك انا عارف باش نعمروغمزها ودور يدو لطرماحتها وصرفقالا بجهد وتحنى كيمصلها فشفايفها...نسات داكشي وبقات واقفة مستمتعة بالقبلة وباغا تتجاوب معاه وباش ميعيقش بيها كتعرف بقات غاكتحرك فمها فحالي كتبغي تقلدو وباغا تتعلم،تبسم وسط القبلة وهزها بالخف ...دورات رجلها على ضهرو وبدا كيمصلها فكل وحدة بوحدها عاد دخل لسانو وسط فمها كيعصرلها لسانها ...بقاو على ديك الحال حتى بعد وهو كيلهتزكرياء:عارفك باقا مقصحة ولكن غدا مغانفلتكش فليلحطها من يدو ومشا للحمام يغسل وجهو بالما البارد ويدوز على عنقو اما هي فمشات بالخف هزات تيليفون وخرجات من الفيس حطاتو ومشات بدلات حوايجها ببيجامة مستورة وعادية ددار باش تنزل تتعشا بيها معاهم ...خرج وجبد البارشي من تيليفون وبداو بجوجهم يلعبو حتى جات لمياء علماتهم بلي العشاء واجد...نزلو بجوجهم مبتاسمين وعاجبهم الحال وجلسو...كانت الطابلة فيها غا لمياء وسي محمد حتى من سمية منزلاتش اما جليلة حلفات الليلة لاجلسات معاهم وجمال مجاش وجميلة مرجعاتش ...سي محمد:(شاف فرانيا وتبسم)مرحبا بيك ابنتي فدارك من اليوم لادراتك شي حاجة اجي قولهالي ولا عندك شي مشكل علمني نحلو انتي من اليوم وحدة من بناتيرانيا:(ابتاسمات ليه)شكرا اعمي الله يكبر بيكبداو عشاهم وزكرياء كياكل وكيمد رجلو لرجل رانيا ويبدا يقيسو مع رجل رانيا ويطلعلها السروال ويقيص لحمها مخلاهاش تاتاكل مرتاحة...شوية تفكر سمية ورجع شاف فلمياءزكرياء:فكرتوني فين سمية؟سي محمد:ههه هذيك راها ناعسة عارفها فاش كتاكل الدق مكتنزلش تاكل معانا وكتنعسزكرياء:علاش مالها؟سي محمد:والو غاضربات واحد البنت سلخاتها فالمدرسة وعيطولي لتم وفاش جيت سلختها راك عارفها طالعة لمها فالقبححرك ليه راسو زكرياء وبدا ياكل غاكملو طلعو بجوجهم ...دخلو غسلو سنانهم بجوج عاد خرجو تمدو فبلايصهم وتغطاو ...حضنها زكرياء من اللور وباسها فعنقهازكرياء:فوقاش بغيتي يكون العرس شبانلك حنا نسبقو ونديروه فلخر دشهر اربعة؟رانيا:(تفكرات باها والمصاريف هو لي غايصرف)معرفتش وقيلة هذي خاصني نشاور بابازكرياء:صاف وخا الحب ...شوف فتح داك المجر لي حداك وجبد منو واحد الظرف فالابيض وفتحوتجلسات جبدات داك الظرف لي قالها عليه وفتحاتو وهي تلقا فيه الفلوس ورجعات شافت فيهرانيا:مال هذو؟زكرياء:فلوس صداقك ...جوج مليونرانيا:(وسعات فيه عينها مصدومة)ها ؟صداقي هو جوج مليون؟زكرياء:(ضحك لها وتفكر باه لي حط دوك الفلوس قالك ميتحشمش مع العدول واسمو يطيح للأرض)انتي حتى حاجة متغلا عليك
حطات داك الظرف ووسعات ابتسامتها وحضناتو...خشاها فحضنو وباسها من راسها وغمض عينو ينعس...بقاو على ديك الحال حتى غفاوقبل ماتشرق الشمس ومع الربعة دالصباح كانت فايقة مونيا...لابسة جلابتها فالكحل وحاطة على عنقها فولار فالكحل وباقا حازنة على مها ...تحت عينها كان زرق بالهالات بقوة مكتفكر فمها وفقبرها ودود لي خرجلها منو ...مكانتش كتقدر تنعس نهائيا بالأفكار هزات المحفظة الصغيرة لي حطلها سليمان فيهم شوية دالحوايج قبل مايجيو للمغرب وخرجات شادة فيد سليمان...شعرها ملوي بإهمالخرجو ركبو فالطوموبيل وكسيرا ماوقف حتى وصل للمقبرة...نزلو بجوجهم لوات الفولار على راسها وغطات شعرها ...مشا خدا الماء من عند العساس وخلصو عاد دخلو بجوجهم...بدا يسقي القبر ومقادرش يشد نيفو حدا رانيا...قبرها كان عاطي واحد الريحة خانزة فحال دالحريق مخلطة مع الخنز ...بقات جالسة حداها مونيا وكتقرا عليها القرآن داكشي لي حافظاه كامل قراتو عليها فسرها حيت حرام المرأة تهضر فالقبر...غا كملات باست الحجرة لي مكتوب فيها اسم مها وخرجو بجوجهم عاد قدر يتنفس براحةمشاو ركبو فالطوموبيل وكسيرا للمطار غاوصلو كملو اجرائاتهم وتسناو الوقت دطيارة غاجا الوقت ركبو...كان الشعور هاد المرة فشكل على أول مرة...حسات براسها هاد المرة باغا تهرب من المغرب كتر من المرة السابقة...حسات براسها خاصها تبعد كتر وكتر على الله تنسى هاد الوجع ومتبقاش عاقلاه-عند رانيا-داز الوقت وجات الستة دالصباح الوقت لي كيفيقو فيه كاع لي فالدار ...فاق سي محمد وجليلة مشاو بدلو عليهم وقضاو روتينهم الصباحي عاد نزلو لقاو الفطور واجد ولمياء حطات كلشي ...شاف فيها سي محمد وقال:فين جمال سيري طلعي فيقيه هو وسميةلمياء:جمال منعسش فالدار ابا وسمية راها فايقة كتاكل فالكوزينةسي محمد:اش هاد تعالم دزبل قولها دبا تجي تفطر هنا ديك القاعدة دالخرا لي عندها تحيدهالمياء:وخا (يلاه بغات تمشي وهي توقفها جليلة)فيقي حتى زكرياء ورانياسي محمد:(غوت بجهد على جليلة)اشكتخربقي اديك المرا سيري بعدي من الولد راه عاد تزوج خليهم حتى يفيقو على خاطرهمسكتات جليلة ومشات لمياء جابت سمية جلسو كيفطرو مع بعضهم فجو مكهرب نوعا ما حد مكيهضر مع التاني حتى كملو ومشا سي محمد لخدمتو وسمية طلعات لبيتها توجد تمشي لمدرستها ولمياء مشات تجمع الدار وتسيقهاجات التسعد عاد فاقت رانيا شافت جيهت زكرياء لقاتو باقي ناعس وقفات ومشات لطواليت ...قضات روتينها الصباحي وخرجات لقاتو عاد فاق ...قرب باسها ودخل لطواليت خلاها كتقلب ماتلبس ...لبسات عليها كسيوة فالأبيض بالكمام طوال عاد شافتو خارج ...لبس عليه ونزلو بجوج عارف مو غاتبرزطهم فامشا للصالون دضياف جلسو وصونا للمياء جابتلهم الفطور وفطرو مع بعضهم... غا كملات طلعات لبيتها عملات الماكياج ونزلات عاد خرجو بجوجهم ركبات معاه فالطوموبيل وشاف فيها وقال:انا مكنعرفش فهادشي دالبنات واش عارفة شي نقاشة كتنقش نديك عندها فلولرانيا:(شافت فيه فرحانة)اه اه عارفة واحد سيدة دائما كنمشي نقش عندها وريدات فاليد يدها خفيف ونقشها رقيق راها جات ف ***زكرياء:اه عرفت البلاصة صاف مشات .كسيرا وتوجه فين قالت رانيا وخدم الراديو طلق أغاني الحب والغرام ،كيعاود وراهم حيت محافظهمش ويبوس فيد رانيا وهي عاجبها الحال شوية غفلها ومسحلها العكار وقال:هذا عمليه غا ليا انا فالدار
وصلها للحي لي كان شعبي نوعا ما ...مد ليها 400 درهم باستو ونزلات بقا فالطوموبيل يتسناها...دقات فالباب وتسنات...فتحات ليها واحد الشارفة كانت لاوية راسها بالسبنية وباينة دايرة لحنا لراسهاحورية:ايه بنتي رانيا باغا ناجية تنقشلك ياكيرانيا:آه ومكرهتهاش تسبقني راجلي برا كيتسنانيحورية:(بدات تطل على طوموبيلت زكرياء لي كانت بحدها لي غريبة فالحي)ايه علاش لا اصلا نتي لولة لي جيتي دخلي دخليدخلات للداخل جلسات فالصالون خلات حورية كتعيط لبنتها ناجية...خرجات ناجية وسلمات على رانيا عاد مشات للكوزينة هزات الحنة لي عندها واجدة ووقفات كتسمع هي وختها رويدة لمهم كتنكرحورية:شفتي السيدة كيف منفخة قالتلك جايا مع راجلها برا السيد راكب فحديدة كحلة فحال المرايا وعاجبها راسها تا العرس معرضتناش وهي لي كانت تجي تنقش وتسبقيها وهانتي شفتي هاهيا خوراتكناجية:الله يهديك اصلا انا كنت كنسبقها حيت عمرها كتدير الكريدي كتخلصني فالبلاصة ماشي فحال اخرين كيجرجروني على الخلاصخرجات هازة فيدها زلافة دالحنة واليبرة ...جلسات لقات رانيا هازة الكتاب كتختار فالشكل دالحنة لي غايعجبهاناجية:مبروك مدرتي اختي والله يخليكم لبعضكم واش خترتي شكل لي باغاهرانيا:آه خترت بغيت هذا(حطات صبعها على شكل ورجعات شافت فناجية وحورية لي عاد جات وجلسات)الله يبارك فيك راه باقا مدرت العرس ونهار نعملو غانعرضكم نتوماك لوالةبدات ناجية تنقشلها وحورية ممتيقاش كاع رانيا ،شعلات تلفازة وبدات كتفرج...فالكوزينة طلات رويدة من السرجم شافت طوموبيلت زكرياء عجباتها ومشات بالخف جبدات من واحد الطاسة صغيرة الحلوة لي جاب باها من الفران بحكم خدام فيه وكيذوقوه الناس...حطاتها فالطبسيل ومشات للتلاجة كتقلب حتى لقات عصيري مخبي ورا الربيع والنعناع عرفات ختها حاطاه تم...هزاتو وفتحاتو كبات فالكاس ومشات بالخف طلات على مها لقاتها ملاهية مع تلفزيون ومع الباب من جيهة تانية مكيبانش لي خارج من الصالون...فتحات الباب بشوية ورجعات هزات الطبسيل والعصير خرجات بيه تاوقفات حدا طوموبيلت زكرياء ودقات عليه من الزاج...هبطو وشاف فيها وقال:شكاين وشكون نتي؟رويدة:انا ختها دناجية النقاشة...ختي رانيا قالت مبغيتيش تدخل وقلت نخرج نضايفك حنا ناس الكرم حشومة نخليوك هنا تدوخ فالشمسزكرياء:اه وغاردها عاد فطرت معندها منين تدوزرويدة:وخودها معاك على الأقل متردهاش فوجهيشافها زكرياء غاتبقا لاصقاه وهو يشدهم من عندها ودخلهم لطوموبيل وحطهمرويدة:صاف غا خلي طباسل عندك اوا فين خدام ؟زكرياء:(تنفس بعمق كيحاول يصبر راسو وشاف فيها)خدام طبيب دالسنان بغيتي نحيدلك شي ضرصة؟رويدة:هاه ضبصاح(ضربات على فخدها بجهد تاتسمع الصوت متعمدة باش يشوف فيهم ساعة منزلش العين)الله حتى انا لقيتيني واحد الضرصة عندي مرة مرة كتحرق عطيني اسم دالمصحة ديالك نمشي لها تشوفهاليزكرياء:(بقا ساكت كيفكر حتى تفكر واحد الطبيب بيطري فواحد البلاصة...شاف فيها وهو شاد الضحكة )اه الله ياودي مرحبا شوف كتعرف الشارع ديال*** جا بعيد شوية على المدينة المهم كاين تم واحد المصحة معروف مولاها اسمو بوجدورة غاسولي يوريوها ليكرويدة:صراحة معرفتش مي نمشي بتاكسي ونسول تم على بوجدورة...صاف ازين نخليك هاد الساعة ...تمشات كتلوز وهو طلع السرجم وبدا كيموت بالضحك وكيتخيلها فاش غاتلقا راسها فطبيب دالحيوانات غاشافها دخلات هز دوك الطباسل بكلشي ديالهم وخرج رماهم فزبل عاد رجع جلس..
-عند جميلة-فاقت جميلة غاشافت الساعة ناضت دخلات بالخف لطواليت نسات معمراتش الساعة على الخدمة...غاخرجات لبسات عليها دغيا بالخف ومشات للكوزينة هزات غا تمارة وحدة غسلاتها وكلاتها ،نزلات مع الدروج بالخف...نسات تلفونها فالدار و مرداتش البال...كسيرات موقفات تاللخدمة ودخلات كتجري بالخف ساعة لقات الباطرون براسو مجاش ...جلسات كتنهج وغارتاحت شوية ناضت للماكينة شرات واحد كيطكاط وصاوبات القهوة فالماكينة ديالها...خداتهم للبيرو ديالها وجلسات كتاكلهم وفنفس الوقت كتخدمفالكباري كان جمال ناعس من البارح ...بدا يفيق وكيحس بعنقو كيحرقو حيت نعس فوق الطابلة وراسو تقيل عليه وكيحرقو...طلب كاس دالقهوة شربو بشوية عليه شوية عاد تفكر جميلة ولي دارت ...حط داك الكاس خلص وخرج وهو شاد فعنقو...عينو منفوخين ومعمشين بالنعاس ووجهو صفر وتحت عينو زورق بالشراب ...ركب فطوموبيلتو وكسيرا ماوقف تاوصل لباب الخدمة دجميلة بدا يصونيلها حد مكيجاوبو ...نزل من الطموبيل ودخل للشركة وبحكم عارفها فين خدامة مشا نيشان لعندها حتى وقف عليهاجمال:(نغزها بيدو)جميلة نوض نهضروجميلة:(شافت فيه مصدومة ووقفات بالخف)اويلي شكدير هنا باغي تخرج ليا على خدمتي (زادت قربات وتحنات كتشم لقات فيه ريحت الشراب...بعدات وغطات نيفها بيدها)عاوتاني الشراب اجمال عاوتان وفخدمتي !جمال:(تنهد ورجع شاف فيها بعيونو النايمين المنفوخين)صونيت ليك نقولك تنزلي مرديتيشجميلة:(بدات كتقلب فصاكها لقات راسها نساتو)نسيتو زيد للتحت لقيتي الباطرون مكاينش اما كون تشوهتتجاهل هضرتها وتم خارج وجميلة بقات تشوف يمين شمال تنهدات وفالأخير تبعاتو ...نزلات ووقفات براجمال:(تكلم بصرامة)شكون هذوك لي كنتي معاهم ؟وفين كنتي ؟وعلاش لبستي ديك الكسوة كتبين فصالتك كلها مصورة واش مدايراليش اعتبار ؟جميلة:(ضحكات باستهزاء)ههه اعتبار؟علاه انت عاملي شي اعتبار ؟من اليوم مكاين غير الزهو والنشاط غا نتا لي تزهى؟ونشوفو فاللخر شكون غايغلب بغيتيني سير تعالج من الادمان هداك الساعة مرحبا مبغيتينيش اخرتنا غانطلقوجمال:انا ماشي مدمن شحال من مرة غانقولهالك انا غا كنبغي نزهىجميلة:انت مدمن لي كيسكر كل نهار وحتى جمعة ميقدرش يصبر فيها ورمضان كيسكر فيه بليل حيت مكيصبرش شنو هذا ماشي مدمن؟انت مدمن وكل مارفضتي الحقيقة كتزيد ترجع مدمن كتر وكتر تالخر تلقا راسك مانتا بخدمتك مانتا بصحتك مانتا بدارك ودبا سير فحالك معلياجمال:ههه نمشي ياك؟كتجري عليا ؟جميلة:اه سير نهار ترد راسك مرحبا ونهار ترجع للطريق مرحبتين دبا مباغاكش...عييت صابرة عليك ودبا تسالا الوقت دالصبر كيف عايش حياتك غانعيشها حتى اناجمال:(تم غادي وهضر بالغوات معصب)واش يسحابليك انتي بحدك لي مرا فهاد الدنيا موجودين كيغليوجميلة:واسير لعندهم اش كتسنى الرويجل اما انا سهمي فلخر غايديني عند سيد الرجال ...يالي كيشطحوك النسا بين ليلة وضحاها
ركب فطوموبيلتو شاعل وكسيرا غادي للدار...كان فوق مراسو كيحرقو زادتو هي بالأعصاب تازاد الحريق كتر وكتر ...وصل للفيلا فتح ليه العساس دخل باركا الطوموبيل وخرج دخل نيشان للكوزينة ...تجاهل لمياء لي كانت كتطبيب ومشا نيشان جبد كينات دحريق الراس ...شرب حبة عاد تم طالع فالدروج حتى سمع صوت مو من لتحت كتعيط ليه...دار لعندها نص دورةجليلة:تا فين كنتي ناعس البارح...شفت جميلة مجاتش معاك ايه يالي حاكماك مرا مقادرش حتى تردها لدارك كالسة تشطح فيك كي شيخة دالموسم ماعندك حكام عليها (رجع طالع ومداهاش فيها)ايه طلع طلع يا عيفت الرجالةطلع لبيتو ودخل مشا تمد بلاصتو وغمض عينو كيحاول ينعس ولكن مقدرش كان كيتفكر هضرت جميلة ومو ...ناض معصب ورجع دخل للحمام غسل وجهو ورجع خرج هز تيليفونو عمل كونط انسطا جديد ودخل كيقلب على اسمها لقاها ردات كونطها بريفي...مسح على جبهتو ورجع عملها متابعة بالفوكونط لي كان باسم غير اسمو وحط تيليفون...بقا متمدد وكيفكر واش تكون خرجات مع دوك الرجال وشكون هدوك ؟كان راسو مقلوب بالأسئلة لدرجة مقدرش ينعس بقوة التفكير وبقا غا متمدبقات رانيا جالسة ونجية نقشات لها يدها بجوج ودازت لرجلها غاكملاتهم لها عملاتلها بريق ليها عاد مشات شعلات المجمر وبدات تسخنلها بيه يدها وتنشفولها ووراه رجلها ...كانت جالسة مقابلة معاها رويدة كتطلعها وتهبطها وتعبر حوايجها لي لابسة وتشوف فسنسلة دالفراشة لي فعنقها...ركزات عينها على ديك السنسلة الخفيفة لي باينة دذهب البيض حمقاتها وطيراتلها العقل ...عاودت حيدات عينها من السنسلة وشافت فيها وضحكات ضحكة صفرةرويدة:اوا ارانيا تانتي كلشي جاك على غفلة ماعرضتينا لعرسك غانشطحو ليك ومتخافيش منحشموش بيكرانيا:(ابتاسمات لها)لواه على نقدر منعرضكمش راه باقي غاضاربة الصداق والعرس نهار غانديرولو وقت نعرضوكمرويدة:وعلاش ناقشة اذا؟رانيا:(شافت فحنتها ورجعات شافت فيها)ياختي حيت فاش ضربت الصداق مشيت مع راجلي،أما العرس نعملوه فهاد الصيف ان شاء الله فقلنا علاش نبقاو مفارقين نتجمعو وفالعرس نعاودو نتجمعو وعاديرويدة:اييه فهمت ...والصداق شحال عطاك؟رانيا:الصراحة هذي مغانجاوبكش حيت كتبقا حاجة بيني وبين راجلي وغاسمحليرويدة:(ضحكات بجنب وبدات تدور راسها)اممم خفتي نضربوك بالعين ...اوا ماعلينا هذيك السنسلة جاتك فالدفوع وكوخليتيها الصكعة حتى لعرسك يشوفو الناس اش جابليك عاد لبسيها بعدا تبقالك نقية ومتقولش عائلة راجلك فقيرة ومعندك متلبس تاجا وكساك وعمرك ذهبرانيا:الا هذي جابهالي فاش مشينا نختارو الخواتم كادو وعاد حنا ماشي فقرا حنا بخيرنا وخميرنا غاتهناي من هاد الناحيةرويدة:اوا ردي البال السيد باين عاطي العين لايطيروه ليك المسخوطةرانيا:وخا يكون عاطي العين هو كيشوف غافيا ومعندوش مع الهوندات كيخليهم لصحاب التاكسياتهنا رويدة بدات تحمار وتصفار..كلاشاتها كلاش واحد حيت هي غليضة مقابلة غا دردك ...أما رانيا فحنات كتشوف فحنتها فرحانة بيها وممسوقاش لشوفات رويدة لي رداتلها من اللول البال ...غا سخناتالها مشات هزات تيليفونها وبدات تصورها وتصورلها الحنة وكتسيفطها ليه مباشرة للواتس...غاكملات عملاتلها الما والملح باش تطلقلها كتر كتخشي القطن فيه وتحطو على الحنة عاد عاودات سخناتالها ... تسنات شوية تاتزيد تطلق لها عاد قشرات رجلها وخلات غايدها جبدات ديك 400 درهم وزادتها من عندها 300 وخشاتهم لها فجيبها بلا متردلها حورية البال ...كانت ديما كتخلصها وبزايد حيت عارفة ناجية كتنقش بتمن رخيص وخاصرة مع بنات الدرب بالكريدي ...سلمات عليهم وخرجات متوجهة لطوموبيل وكتضحك فرحانة اما هو فكان هاز تيليفونو كيهضر معاهم على المرضى ديالو ويوصيهم غاشافها جايا قطع وخرج بالخف فتحلها الباب حيت يدها منقوش...ركبات ورجع دار وركب ...كانت هاد الساعة رويدة كتشوف فيهم من السرجم وكتحلف فيها ...
ركبات وتسناتو غا طلع قرب عملها الصمطة وباسها من خدها عاد عمل ليه الصمطة وكسيرا غادي كيسوق ومرة مرة يشوف فيها ويضحكلهارانيا:زكرياء واش خرجات عندك رويدة؟قالت بلي شافتك ومحملاتكش وجيتيها حاسب فراسك ومتكبر ومخلات فيك غالي نسات كون مكان يدي محني كووقفت نتفتها (بدات تشوف فيه بعويناتها الصغار ومن الداخل كضحك على كذوبها)زكرياء:(رجع شاف فيها مطلع حاجب ومنزل التاني ورجع شاف فالطريق)اه خرجات وخرجاتلي الضيافة قالت هوما ناس الكرم شديتها ورميتها فزبل وبدات تحنقز عليا وبغات تعرف حتى فين خدامرانيا:(شافت فيه مصغرة عينها)ايه واش قلتيلهازكرياء:(رجع شاف فيها بالخف كيضحك ورجع شاف فالطريق)ههه قلتلها طبيب دسنان مالي انا لي جا نفرق عليه السيرة الذاتية ديالي وفاش بغات العنوان عطيتها عنوان دطبيب دالبقر ،واقفة عليا وكتلصق دوك الفخاض لي عندها فصدرها مع الزاج دطوموبيل عندها فخاض ماشي بزول هههرانيا:وحققتي فيهم مزيان هاه لقيتي راحتك !زكرياء:تي اشمن راحتي انا كنت شاد تيليفوني سمعت دق فالزاج درت كيسحابلي غابقرة حدايا غاتقلبني انا وطموبيل فحالي كيبينو فناسيونال جرافيك ههه كنت غانبان فشوف تيفي وينوض الواليد يغوت ويقولك شوهتوني فقنوات الصرف الصحي ههه (رجع شاف فيها لقاها كتغنزر عرفها غارت ...وقف الطوموبيل مع جنب ودار شدلها فيدها)الله يهديك متطيحيش من قيمتي وتغاري عليا من بقرة بعدا غار عليا غا من شي وحدة فحال الناسرانيا:ايه ايه غطي على فعلتك غطيزكرياء:اشمن فعلة(قرب وباسها من خدها)راه انا كون باغي داكشي غانديك لداري ؟وبغيتيني نشوف فبرا الله يهديك خلينا نمشيو فحالنا مزيانين حسن عمرني نعاود نجيبك تنقشرانيا:اصلا غانبقا نجيبها تنقشلي فالدار حسن من عندهم تبقا حاضياكبدا يضحك وديمارا غادي فالطريق ويشوف فيها ويضحك على غيرتها تاوصلو للفيلا...نزلو ودخلو للدار ...طلعات رانيا نيشان لبيتها غسلات يدها ورجلها بالما سخون ومسحاتو عاد خرجات لقات زكرياء تمد بلاصتو يرتاح...نزلات وبدات كتدور فعينها على لمياء مبانتلهاش تاشافت جليلة جايا لعندها...غاوصلاتلها مدات لها يدها باش تبوسها...باستولها رانيا ومع جليلة شافت الحنة وهي تبدا تدور فراسهاجليلة:درتي الحنة بلا عرس؟هادشي فشكل عندكم اولاد اليوم لاتجيو بعزكم كيف الناس ولاتجلسو فداركم معززين مكرمين ملهوفين على الراجل الخانز بالفلوسرانيا:علاش غانكون مهلوفة على الفلوس وانا با ومي ممخصصيني من والو ؟جليلة:(بدات تدور راسها)ايه باينة...زيدي نوريك الدار باش نهار تحطي قزيبتك للأرض من الخروج تعاوني لمياء فالدار اما ديك العقيصة دسمية لاصقة فالقراية مابغات تجلس وجميلة مشات تغضب فدار مها...حاسبانا غانجيو نردوها تم تبقا تاتدود وتدير شبكة دالعنكبوت فبلاصتها ...(رجعات شافت فرانيا لي كانت غاتسمع بلا مترد)ايه لي معز راسو مايعزوه الناس
ردات كاع كلامها لقلبها وتمشات معاها كتوريها جليلة كل بيت تاع من والصالون وبيوت الضيوف والصالون التاني وكلشي...تاوصلات للكوزينة وخلاتها دخلات عند لمياء ...لقاتها كتحك فالطناجر والطنجرة حداها فوق البوطا دالغداء كتستس بالصفارة ...مشات ووقفات حداها مبسمة ...غاشافتها لمياء وشافت فيدها ردات لها تبسيمةلمياء:حنيتي اليوم ياك الحنة خرجاتلك حمرة حمقاتني ياختي عرفتي كيحمقوني النقشات دالعرايسرانيا:ضبصاح عجباتك؟شفت خالتي جليلة عيبات عليها يسحابلي مجاتش زوينةلمياء:ماتديش عليها راها وخا تنگر عليك راك عزيزة عليها (هزات طنجرة اخرى وبدات تحك فيها)رانيا:نعاونك؟لمياء:الا اويلي حمقتي تي عاد حنيتي بغيتي حنتك تمشي خليها تبقالك وتزيد تخرجلك جلسي هنا نجمعو ونضحكو شوية على منكمل هادشي ونمشيو نجلسو برارانيا:صاف وخاجرات الكرسي وجلسات كتهضر هي ولمياء وكيزيدو يتعرفو على بعضهم كتر وكتر ...حتى شافو سمية داخلة مغنزرة ومعاجبها حال،شافت فرانيا ومداتهاش فيها ومشات نيشان لتلاجة جبدات قرعة دالماء باردة ومشات كتكب منها فالكاس وبدات تشرب منها بشويةلمياء:(شافت فسمية)الحمقة واش من نيتك؟ فشتوى والبرد كتشرب الما بارد باغا تمرضي؟بلعات سمية الماء وعطاتها فاك بصبعها خلاتها غاكتشوف حشماتها حدا رانيا وخرجات خلاتهم بجوج...رجعات شافت لمياء فرانيا وقالت:متديش عليها راه مكتطلقش الهضرة من لول خاصك شحال معاها عاد تقدر تهضر معاك وتجمع معاك مكتيقش دغيا فالناسرانيا:اويلي لا هانية عارفة كل واحد وكيف عامل المهم دبا انا وياك خواتات ... اجي علاش جميلة مشات تغضب عند مها كنت هضرت معاها نهار خطبتي سيدة الله يعمرها دارلمياء:(بدات تغسل طناجر من الصابون)ايه مشات حيت طاحت ماما كتنگر عليها على الولاد وهي مباغاش تولد وراجلها كيسكررانيا:(شافت فيها مصدومة)جمال كيسكر؟لمياء:ايه كيسكر ولا كان عارف على شي حد شي حاجة كيفرشها فالبلاصة وكيبدا يغني شي اغاني لي خانزين ...كل ليلة كيسكر عليها طلع لبيتك بكري غاتعشاي طلع خصوصا هاد الأيام لتخالفي ليه مع جميلةرانيا:والصراحة عندها جميلة الحق متولدش دبا الولاد كيتضررو هكاكلمياء:(حطات المواعن بلاصتهم وجلسات حداها)ولايني كنظن كوولدات كومبقاش كيسكر على ود ولدورانيا:تانتي البلية صعيبة يسحابلك غا اجي وحيدها(تفكرات نهار تابت على شطيح لسواعدة ورجعات ليه تاندمات عاد زالت)راه خاصك باش تحيد من البلية تكون مقتنع مزيان ماشي يقنعك شي حد ولا يخوفكلمياء:وغا خلينا منهم دبا الله يعاود يجمعهم ياربي كيبقا فيا الحال فاش كنشوف جوج مفارقينرانيا:وامعندنا مانعملو ..اجي نتي كتخرجي نبقاو نخرجو بجوج؟لمياء:كنخرج غافاش مكتكونش ماما فدار كنهربلها ههههفدار ناجية النقاشة كانت رويدة جالسة وتعض ضفرانها كل ماتفكرات هضرت رنيا،قمعاتها فالثانية وحدة ومخلاتهاش تاتزيد ضحك عليها...تفكرات الحنة والسحارة تورية لي معروفة فالدرب... بدات تضحك ومشات بالخف للكوزينة كتقلب على زلافة لي فيها الحنة ملقاتهاش كاع ...مشات للبيت عند ناجية ودخلات كتلهترويدة:فين زلافة دالحنة لي حنيتي بيها لرانياناجية:كبيت عليها الما وشللتها بالمزيااان وهرست الزلافة وخرجت رميتها بعيد حيت عارفة حنة العريسات خايبة وعييت نشوف فكروبات كيسحرولهم بيها وانا مابغيت ذنوبها مسكينة مشفت منها غا الخير كتتهلا فيا هي من غير كل الناس
كيقولك النية أبلغ من العمل ...ونيتها كانت عوجة وذنوب رانيا مقاصتهاش ولايني تقيدو عليها...خرجات رويدة معصبة من بيتها وجلسات فوق السداري ماعندها حتى حل كيفاش تندمها على ديك الهضرة...تفكرات سنسلة رانيا وغمضات عينها كتخايل راسها هي لابساها...كرهاتها وحقدات عليها غا حيت خدات راجل حسن منها هي لي بقات فدار مها لازواج لاقرايا-عند مونيا-وصلات مونيا للسعودية والوقت كان عندهم ماشي فحال المغرب كانت العشية ...ركبو فالتاكسي وكسيرا لدارو...طلعو فالسنسور وهي فاشلة وعيانة بالسفر ...مع فتحو الباب ودخلو ...تمشات غادا لبيتها وهوما يسمعو شي تخرشيش فالكوزينة...تمشا سليمان بشوية بلا ميصدر حتى صوت وتبعاتو مونيا من وراه ..غادخل وهو يشوف واحد المرا ماكبيرة ماصغيرة...لابسة العباية والشال لاوياه على راسها والنقاب معلق فعنقها وكتطيبسليمان:(غاشاف ملامحها عرفها)مرت ابويا عويدةعويدة:(غاشافتو ضحكات وقربات لعندو)سليمان شلونش ياوليدي شخبارك اجيت لاشوفك انقطعت اخبارش ونزلت من جدة لهون اشوفك انت بخير ياوليدي اشتقنالك وايدسليمان:انا بخير وانتي شلونش شخبارك ؟عويدة:انا بخير ياوليدي ...لما ماشفتك هون قلت اجهزلك العشاء لتكون بتنام بدري بتتعشا قبل (بدات تطل ورا ضهرو وتشوف فمونيا وتطلعها وتهبطها)مين هاي البنية ياوليدي ؟الملابس اللي لابستها بتشبه لملابس المغربيات !ماتقولي انت اتزوجت من دون علمنا يا وليدي؟انت بتعرف حتى لو أبوك مات فأنا اللي ربيتك وانت مثل ابني اللي ماعنديمونيا:(شافت سليمان حاصل معارف مايقول ...تنهدات وخرجات ديك الكلمة بزز منها)انا الخدامة الجديدة تبع البيت ...اجلسي مع وليدك وخليني انا اكمل الطبخشاف فيها سليمان مصدوم من هضرتها معجباتوش نهائيا ومبغاهاش تقول على راسها خدامة ...شاف فيها وعملات ليه بعينها يسكت ...شاف فعويدة لقاها كطلع وتهبط فمونيا معاجباهاش غامن شوفاتهاعويدة:لا روحي لغرفتك انا لازم احشي شوي كلام مع وليدي...والأكل أساسا لسالو شوي ويجهزمشات لبيتها دخلات مباشرة تدوش أما هو فمشا مع عويدة وجلسو فوق الفوتوي...وخا كان عندهم فالسعودية اغلبية كيفرشو غا فالأرض ولا سدادر نيشان فوق الارض ولايني هو كان فيه جانب من ماماه الاجنبية وكيعجبو الفراش كلو يكون غربي...غاجلسو وهي تشوف فيه عويدةعويدة:ياوليدي انت مجنون شي؟ لازم اخذك لشيخ ابو مذكور كل يوم اذا ضلت هاي المغربية فالبيت ... كل العالم بيعرف المغربيات بيعملو اعمال الشعوذة والسحر انت مجنون لتجيبها لبيتك...خليت العدو اقرب الك شوي تجيني وتقول انا هتجوزها الساحرة المشؤومة من ملابسها وعينها لي تحتهم مثل لون الفحم بجزم انو هي سحارة ومشعوذة...سليمان:انتي بتسمعي للناس قبل حتى ماتتعرفي عليها ونسيتي اختك اللي كانت بتسحرلك زمان هي كانت مغربية؟
عويدة:هي كانت حسودة حسودة مومغربيةسليمان:اذا فكل مكان موجود وحدة حسودة بتسحر وفيها ناس طيبين غير الباقينعويدة:(وقفات وتمشات غادا تطل على العشاء)ايه خلاص مش دخلي فيك بس لاتجي تشتكيلي بعدينمشات تطل على العشاء وهو استغل الفرصة ومشا بالخف للبيت ديالو لي مع مونيا ودخل لقاها ملوية عليها الفوطا وعاد خرجات من الدوش...ريحت الصابون ضربات ليه فنيفو مع دخل...اما هي غاشافتو وقفات بلاصتها عينها نايمين حيت مناعساش مزيان وتحتهم الزرق بالأرق والحزن...قرب لعندها وشدها من يدها بجوجسليمان:انتي مو خدامت هالبيت انتي صاحبتو ليه قلتيلها هيك ...كنت بقدر اقولها زوجة صديقي المغربي وهتفضل فالبيت وهو هيلتحق فيها لما يجهزو وراقهمونيا:وبعدين لما تشوفنا مع بعضنا بتقولها بتخون صاحبك ولا شو؟خليها هيك لاتروح وبعدين بنكمل زي لي كنا فيه ...انا هالوقت محتاجة ضل جنبك ماروح لأي مكان غير هون جنبكسليمان:(ابتسم لها وحضنها وباسها من كتفها)مثل ماتريدي هحاول اخليها تروح فأقرب وقت من شان نظل مع بعضنا ...خلي ثيابي هون بمر عليهم لما احتاجهمخرج وخلاها كتبدل عاد مشات تنعس...كانت عيانة ومع مناعساش مشات نيشان فالنعاس ومفيقوهاش الافكار بقوة العيا والنعاس لي تجمعو عليها...خرج لقا عويدة باقا فالكوزينة رجع دخل لبيت فين مونيا هز شوية من حوايجو وخداهم للبيت التاني عاد دخل يدوشففيلا دسي محمد جلسو تغداو مع بعضهم كلهم مجموعين من غير جميلة لي غايبة ،زكرياء فرحان برانيا وكل مرة يضحك معاها وتردليه ضحكتو وسمية كتاكل وممسوقاش...جليلة لي غاكتغنزر وسي محمد لي مترأس الطابلة كياكل ويفكر فخدمتو اما جمال فكان جالس مهموم...كاع الزهو لي فيه تسالاولو...كل مرة يهز تيليفونو يطل يشوف جميلة واش قبلات الفوكونط كيلقاها مقبلاتوش خلات فضولو يزيد يغلي ويخليه يزيد يفكر فيها...دخل للفيس وفنفس الوقت كياكل تالقا واحد البوسط مكتوب فيه {عدو المرا هو المرا فحالها بغيتي تعصرها سير تزوج عليها نعم لتعدد }دخل لتعاليق لقا النساء كيسبو فيه مخلاولوش بالسبان هنا ضربات ليه طن فالراس وطاحت عليه الفكرة ...وقف بالخف ومشا نيشان لطواليت غسل يدو وسنانو عاد طلع لبيتو هز مفاتح الطوموبيل وكسيرا ماوقف تاوصل للبار...دخل وأول بنت الليل شافها مشا لعندها وقال:تتزوجي بياشافت فيه وطلقاتها بضحكة دالكحاب وشافت فيه كتطلعو وتنزلو:اياه وكل ليلة فاش تح... حط الفلوس صافي ههههجمال:فهمتي غلط...بغيت غانخلي مراتي تغير وصاف وغانخلصك فلخر مغانتزوجوش ضبصح غاغانعملو براسنا باغين نتزوجو-امم اوا صاف وشحال تعطيني؟جمال:على كل نهار الفين درهم شبانليك؟بلقيس:(غمزاتو)اوا ازين انا سميتي بلقيسجمال:وانا جمال ...غانخليلك رقمي صوني عليا يبقا رقمك عندي فاش نحتاجك نصونيلكبلقيس:اوا صاف الزين مشاتعطاها رقمو صونات ليه ...سجل رقمها وسجلات رقمو عاد خرج كيفرنس وحاط جميلة فراسو تايخليها تطيح عند رجلو وتبوس تراب رجلو باش ميتزوجش عليها ويردها ليه