الحرام المباح(الداريجة المغربية)

68

من بعد هضرت سعادة جنات عجبها الحال اما ختها ملاك فدفنات راسها فضهر مها كتضحك اما هاد الاخيرة فبدات تفرنس عاجبها الحال حيت عكوزة بنتها دافعتلها عليها... حمارو حناك البنت وتزنكات وجلسات شادة البكية اما مها فأصلا مرداتش البال كانت ملاهيا مع وحدة يهضرو ويگرگرو بالضحك...فالسعودية كانت مونيا فالطوموبيل مع سليمان العقد فيدها والبسمة مممسوحاش من وجهها ... تزوجو وعلى شروطها وصداقها فصاكها ... وقف عند باب واحد المطعم نزلات وهي شادة فعبايتها ودخلو تغداو اونسومبل غاكملو جبد من جيبو واحد بواط دالعقد طويلة فتحها ووراها ليها... عجباتها وطيراتلها العقل ... وقف من وراها وركبهالا فعنقها وخشاتها تحت العبايا عاد رجع جلس مقابل معاهاسليمان:انا البارحة خبرت مرت ابويا اني تزوجتك فاليوم بالتأكيد هتكون اجت لبيتنا لهيك(مد يدو وشدلها فيدها)حاولي لاتزعجي نفسك وخليها تحكي اللي بدها ياه فالاخير هتروح... انتي متزوجة مني مو منهامونيا:(ابتاسمات ليه وحطات يدها التانية على يدو)لاتحتاج توصيني مارح رد عليها الكلام انا بعرف مكانتها عندك والام موهي ليبتلد الام هي لي بتربي ... ماتخاف مرات ابوك أي كلمة هتقولها هتخش من اذن وتخرج من التانيةسليمان:بتعرفي انا ايمتى حبيتك؟مونيا:(تحولو ملامح وجهها من الضحكة الهادئة للصدمة من آخر كلمة نطقها ... كانت حاسباه تزوجها غاحيت مكيتيقش فالنسا وحيت عارفها حتى هي خانوها)حبيتني؟سليمان:(ابتسملها وشاف فعيونها مباشرة)اعجبت بصورك فالاول بس خبيت اعجابي ... بعدين حبيتك يوم ورا يوم خصوصا لما شفت احترامك لمرات ابويا وسماعك لكل كلامها ... حتى فاللحظات اللي كانت بتهينك فيها .. حبيتك لأنك سمعتي كلامي وعملتيلي اعتبار... حبيتك لانك بتصارحيني بكل شي وبتحكيلي عن يومك مهما كان ... حبيتك لانك كنتي شخص عفوي ومالك منافقة متل اللي بشوفهم فحياتي ... انا بعرف انو لسا مامر وقت كتير عتعارفنا وبعرف انك لساتك ماحبيتيني وممكن يكون بس اعجاب بس أنا عندي امل انك تحبيني فيوم من الأيامابتاسمات ليه ولسانها حاسة بيه مشلول ... عيونها دمعو من الفرح ومن كلامو لي قاصها فالوتر الحساس ... الحب لي طول حياتها كانت مفتاقداه ...كانت معاملتو ليها كالأب لي عمرها شافتو فحياتها ... وكالزوج لي عاد تزوجاتو ... عرفها مقدراتش تجاوبو ولكن من عيونها وبريقهم عرفها فرحات بكلامو ولكن معرفاتش ترد ... قرب يدو مسحلها دمعة من عينها ورفع يدها وباسولها بحنان ... كان المطعم فارغ وقليل فيه الزوار ...مطعم غا للناس الأغنياء luxe شي لي خلاهم ياخدو راحتهم فالمكان ... غاكملو وكلاو التحلية خرجو مع بعضهم بجوج فرحانين ... ركبو فطوموبيلتهم وبدا يدورها فالمدينة وياخذها لأماكن عمرها شافتهم وينزلو ويتمشاو ويشريلها لي حبات ولي عجبو عليها ياخدولها ... كانت الفرحة باينة من عينها ... نسات همها القديم وبقات غافحياها الجديدة لي كلها ألوان ... عرفات راسها أنها انسانة تستحق تتحب ماشي مجرد بضاعة للبيع كيف كانو يعاملوها فحومتها وتحرشهم بيها ... عرفات انها تستحق تتحب من طرف رجل من الرجال ماشي كيف كانو يحسسوها زمان ...
فالفيلا وبضبط فمكتب سي محمد ... كان جالس فوق كرسيو حدا مكتبو حداه شي وراق دالحسابات كيراجعهم حتى سمع الدق ... عطا الاذن يدخل لي كيدق غاشاف سمية وهو يحيد نضاضرو وحطهم فوق المكتب وشاف فيها بشوفات حادين مغنزر ... تكلم بصوت حاد وقال:شبيتي تاني هاه ؟شكاين؟ درتي شي موصيبة تاني ؟سمية:(قربات وجلسات مقابلة معاه)الا ولكن انت عارف هاد العام عندي الباك ومن بعد مبغيتش ندير لفاك ولا المدرسة الوطنية للتجارة بغيت نقرا الطبسي محمد:شناهوا؟الطب فيه كتر من خمس سنين دالقرايا اما لفاك فيها غا تلت سنين (ضرب يدو مع المكتب بجهد ووقف)بلامتمرضيني تانتي خرجي برا عليا راه منك لختك تكملي تجلسي يسحابلك انا عندي هنا بنات الزنقة يخدمو ويخراو ويشوفوهم الناس سيري قو..دي عليا من هنا المرضسمية:(وقفات حتى هي )واش دبا نعمل حاجة مباغاهاش ولا؟ ولا نهرب كيف عمل جمال؟ ياك جيت لعندك نستاشر معاك نيشان انا بغيت الطب حيت هو لي كنشوف فيه راسي غاننجح وزايدون راجميلة كتخدم هي تاهيا بنت الزنقة هاه؟ راه زماننا ماشي فحال زمانكم وسي محمد:(قاطعها بحدة)سكتي متزيديش تهضري خرجي برا... المرض ميخليوكش نهار واحد تجلس هاني تفوخرجات والدموع متحجرين فعينها ... قلبها كيضرب بجهد بالاعصاب نزلات مع الدروج بالخف ماوقفات حتال عند جليلةسمية:ماما والله وماعملت الطب العام جاي والله حتى نهرب من الدار يسحابلكم انا ساهلة ولا هاه؟ مضبرة فين نمشي والفلوس جامعاهم وكلشي راه أقسم بالله لاجلستلكم هناجليلة:(ناضت بالخف كتحاول تفهم)تي شكتخربقي شرحي يعطيك دقةسمية:ياك انا من صغري باغا نكون دكتورة ياك؟ اوا دبا مشيت نقولهالو باش ميسبقش يسجلني فالمدرسة دالتجارة وقالك الا هي لي تخلاق منها واش هذا مريض ولا(هضرات بالجهد والدموع بداو نازلين لها)واش اختصاصو هو يهرس احلام ولادو ولا واش هذا أب ؟ هذا راه الزمر فين عمرو وقف معانا ؟عمرو وقف فعلاش يتحكم فقراراتنا هاه ؟ علاش باغينا نعملو لي بغا هو عاش حياتو فيخلينا نعيشوها كيف بغينا نقراو 15 سنة وزيادة باش فلخر نشدو ركنة شهاد العيشة دالقهرة ... لي يشوف الفيلا والدار وضحكتو يقول هنا نبات السيد متقف ويعرف الزمان وهو غا أكبر ولد الق... فالدنيا منافق جاهل وباغينا نوليو فحالو ... الناس كيتسناو باواتهم يدخلو من الباب وأنا من صغري نتسناه إما يروح للقبر ولا للحبسجليلة:(تنهدات بأسى لكلام بنتها ورجعات شافت فيها كتحاول تبردها)وصاف تهدن ابنتي راه كون مكان باك كاعما كنتيسمية:(قاطعتها بحدة)كاعما آش هاه ؟ كاعماكنت نقرى فمدرسة دالفلوس متلا هانية مني لشعب نقرا معاهم فالمدرسة فابور ... وفاش نخرج نخدم فأي حاجة توصيل نبيع ونشري نركب العقيق للخياط نخدم فالصيف فسونطر دابيل واش يسحابلك الحياة كتوقف عليه؟ ... فيق اماما فيق راه الحياة واقفة بغبورو حسن من وجودو ... كون مكانش كنت بعدا غانعيش مرتاحة نفسيا ماشي فحال دبا كاع العائلة خارجة فيها عقدة ومرض فسبتو هاالعصبي ها سكايري ها المحساد والمغيار حيت عندو عقدةجليلة:وانتي؟سمية:(ضحكات وسط دموعها باستهزاء)أنا؟ انا بغيت غانكمل قرايتي والله لاعاودتو شفتوني بعدا غانكون بخدمتي ومستقبلي لكانو معارفو كتار فالمغرب فميوصلوش للخارج
جليلة:اييه نتي متعودة على النعمة تجي تالعندك على داكشي معارفاش بلا الخدمة الناس كيلقاوها بالريق الناشف ... يسحابلك جوج ريال لي يعطيك الخياط غاتوكلك وتشربك وتخلصلك كرا الدار وفلوس الكتوبة ولا سونطر دابيل لي تخدمي من الفجر للعشا ويرميولك جوج ريالات تشريلك لي باغا؟ ساهلة بالفم وصعيبة فتجريب... ماعلينا جمعي عليا خناينك هاني طالعة نهضر وراه عارفة كيف نقنعو ... الطب ماشي هو كوميسير لي كان باغي يديرها خوك الكبيردخلات للدار خلات سمية جلسات وكتشرب من كاس الما وتحرك يدها على الصهطة لي جاتها... طلعات مع الدروج ووقفات عند باب مكتبو ودقات جوج دقات ومداتهاش فسبانو ودخلات... هو لي غاشافها عرف مرادها ورما ضوصي من يدو فالمكتبسي محمد:(كيهضر بالغوات)واهادي موصيبة معاكم اليوم مغاتفارقونيش هاه ... سيرو فرقوني يعطيكم موصيبة كلكم الله يخليها سلعة غالي يهز قشو ماتعرفوه فين مشاجليلة:(تكلمات ببرودة)صاف ساليتي؟ اوا سمع دبا ياك البنت بغات طب خليها ديرو ومن بعد تجلس فالدار اش خاصر انت ؟ وفاش يسولوك بعدا تقول راه بنتك دكتورة وتفتاخر بيها هي وزكرياء يقولو بعدا ولاد سي محمد ناجحين وخدامين فأصعب الضومينات وكينقذو فالناس ... بعدا يكبرو بقيمتك وتبان فحال سي العربي لي عندو الفيرما فالشمال ياك ولادو كلهم ها المهندس ها دكتور ها المحامي اوا هذو خدمات كبار اما شنو التجارة تمشي تدير كونطابل ولا؟سي محمد:ومال كونطابل ماشي راجل ولا راه الناس دايرينها وجالسين فالدار ومن بعدجليلة:ولايني بنادم لي مباغيش الحاجة ما غاينجحش بنقط مزيانين ولا؟ اوا وشنو حسن تنجح بأعلى المعدلات ولا بأسوءهم وافكر مزيان اسي محمد هاني خليت ليك الراحة ..خرجات وخلاتو كيدور كلامها فدماغو وفنفس الوقت يتفكر تفاخر سي العربي صاحبو بولادو وخدمتهم وضومين لي قارين ... حمحم وهو جزئيا مقتانع ... نزلات جليلة ومشات لعند سمية لي لقاتها باقا شاعلة ومعصبة هاد الاخيرة لي غاشافتها وقفات بالخفسمية:شنو ؟بغا ولا نهز قشي ؟جليلة:راه عرفت كيف نهضر معاه ووافق ولكن قلت ليه بلا غاتكملي قرايتك تجلسي فالدارسمية:(جاوبت بالغوات)شنوووو؟جليلة:واحني صوتك مترفعيهش واش مكتعرفيش تسايريه غاتكمل داك ساعة تسيري لعند خوك جمال وتخدمي وهو يهز رجلو للسما وينطح راسو مع الحيط هاه؟ وزايدون لامشا قرب ليك من بعد انا لي عارفة اشنو غاندير غاتهناي وسيري طلعي تحفظي تبقاي تمرضيني خليني نرتاح شوية ...-مشات فحالها سمية لبيتها اما جليلة جلسات وكيف عادتها كتشوف فالجردة وفالاشجار لي مزروعين تم ... خاطرها هاني ... وأفكارها غا مع سمية ومستقبلها ... بغاتها توصل لي بغات وبغات تحقق داكشي لي عجزات تحققو لجمال ... مبغاتهاش تولي فحالتو ولا تخرج على راسها بشي عملة خصوصا هي من النوع المتهور ...
-عند رانيا-بقات كتدق وتعاود ولكن مكان حتى جواب ... يدها تدماو ومحساتش بيهم ...كيفاش تحس بجرح يدها وقلبها كان مدمي كتر من يدها ويلاه غاتزيد تدق فالباب حتى كان فتح زكرياء ... عاري من الفوق ولابس غافوطة فالأبيض من التحت وتسمع صوت نجلاء من الداخل كتقول:" حبي شكون جا؟" ...كانو ملامح الصدمة مرسومة على وجهو ... ملامح الصدمة لي على ملامح وجهو مغطية الخوف لي بدا يسرا معاه ... أما هي فكانت كتطلعو بشوفاتها وتهبطو ... كأنها ممتيقاش عينها وممصدقاش صوتها حتى شافتها خارجة من بيت نعاسهم لي حلمات بيه الليل والنهار يكونو فيه مع بعضهم وتجمعهم لياليهم ... حتى كسوة عرسها باقا ملبساتها ومزفاتش ليه خبر حملها و فرحها وتمرت حبهم ...لي بانت لها غا تمرة حبها فقط ...أما نجلاء فكانت واقفة كطلع رانيا وتنزلها وتمشات بخطوات واثقة من نفسها حطات يدها على كتف زكرياء وباستو منو وشافت فرانيا كتضحك ... كان مشهد مقززز ... مشهد خلا نفسها تتروع عليها والحريق يتجهد فبطنها ككل ... اما عروقها فكانت كتحس بالدم بارد دايز فيهم ... كاع الدموع لي كانو فعينها زادو كتارو والغوت وصوت البكي لي كانت كاتماه خرجاتو ... قربات لعندو وهو باقي مصدوم فيها ... بدات تغوت وتبكي بجهد وتضربو لصدرو ... كتبرد فيه حر جوفها وحرقت قلبها لي كانت شاعلة فيه العافية ...رانيا:ياك هذي هي ديالك هااه هذي هي عمرك تخونني هااه هذي هي؟ سخيتي بيا لهاد الدرجة ... واش هذي هي كنبغيك ...تقت فيك ازكرياء .. تقت فيك وانت هرستيها ومعامنشافت فنجلاء وترمات عليها كتضربها ويلاه غاتمد نجلاء يدها تضرب رانيا وهو يجرها بجهد ورماها برا وشد الباب عليها خلاها بلا حوايجها وغابالفوطا ورجع دار شاف فرانيا لي كانت كتغوت وتبكي بجهد ... قرب لعندها وبغا يشدلها راسها بيدو وهي تبعد بالخفرانيا:وإيااك وإيااك تقيسني بيدك ...يدك موسخة متقربليش... يدك متحطهااش عليازكرياء: رانيا شوف(بدا يهضر ويقرب وهي كترجع بلور)شوف انا انا مخنتكش ... سمع (هضر بالغوات) رااانيا متعصبنيش وقف بلاصتك انا مخنتكش انا راه وخا نعست معاها مخنتكش انا قلبي مباغيهاش باغيك انتي هي بغيت غاننتاقم منها ونصورها ونشوهها كيف عملاتلي قبل ...أنا ماخنتكش أنا غانعست معاها ، رانيا والله ماخنتك انا قلبي باغيك غانتي قلبي مخانكشرانيا:(بدات تضحك وسط دموعها بهستيريا)هههه مخنتينيش غانعستي معاها هههه لا بزاف مخنتينيش هههه لا مخانيش الناس مخانيش ههه راه مخانيش غانعس معاها وصاف وفين ؟ فوق الفراش ديالنا وهي أول وحدة نعسات فيه ههه (دخلات للبيت وهي تشوف بقع الدم فوق الغطا) ههه لاء هادشي بزاف هادشي بزاف انا واقيلة ناعسة وكنحلم ياك ههه لا ميمكنش وقيلة كنحلم ههه اه كنحلم انا غانفيق راسيبدات كتصرفق فحناكها بجهد بهستيريا بيدها بجوج وتقول نفس الكلمة"هانا غانفيق " قرب لعندها بالخف وشدلها يدها بجوج وغوت لها وسط وجههازكرياء: رااانيا واش حمقتي انا كنبغيك غانتيرانيا:ههه كتبغيني ولكن انا كنعيفك ..(كرزات على مخارج الحروف)انا كنكرهك سمعتي رجعت كنعييف منك انت مريض وكذاب صبرت لغيرتك وسبانك وكلشي باش فلخر تجيبلي موسخة لدار انا خترتها وباقي حتى مسكنت فيها ...طلقني ازكرياء طلقنيي ... انت متستحقنيش ... انا بزاف عليك الموسخ
زيرلها على يدها بجهد وشاف فيها مخرج عينو ... الاعصاب بداو يطلعو مور آخر كلمة وماحس براسو تاهز يدو وصرفقها بجهد حتى طاحت فالأرض وتحنى لعندها وشدها من شعرها وهضر والدفال كيطير من فموزكرياء: واش للق.. ديماك صمكة ولاهااه (زاد زيرلها على شعرها وعلالها وجهها لمستواه)واااش مكتسمعييش مخنتكش انتيا ديالي ومغانخليك لحد الطلاق هو آخر حاجة تجي فبالك وعمرك توصلورانيا:(دفلاتلو وسط وجهو)وشكون قالك انا غانبقا مع شماتة ... انا غانطلقك ونتزوج بسيد الرجالا لي يهزني من وسخك يا الموسخقالت كلماتها كاستفزاز ليه ...كلماتها لي خرجوه على طوعو ورفعلها راسها للفوق وزدحولها مع الارض ... كانو عيونو معميين بالاعصاب بدا يزدحلها فراسها مع الارض بجهد ويغوت ويسب غا من الصمطة للتحت... ماخلا حتى كلمة خانزة مقالها وراسها زدحولها كتر من عشرة دالمرات مع الارض ... مردش البال للدم لي ولانازل بغزارة ولا لراسها لي تحل ولا لتوسلها ليه يوقف ولا لبكاها وغوتها من الألم ... كانت حاطا يدها على بطنها وصوتها بدا يخفاف بشوية بشوية حتى مبقاش يتسمع ... عينها تغمضو وفقدات الوعي ... وقف كيسب ويركل فيها حتى الدم بدا نازلها بين رجلها ... هز واحد الفاز كان محطوط تم ورماه عليها تهرسلها على راسها ومشا دخل للدوش يكب عليه الما يبرد ... اما نجلاء ففاش سمعات صوت الغوات وتهراس فخافت ومقدراتش تزيد تدق ونزلات دقات على جيران وطلبات منهم شي حاجة تستر بيها ودخلوها لبسات ونزلات هاربة لايكمل بيها ...فدار محسنجا وقت الغداء وطلعات سعادة نزلات الغدا لدار محسن ... عيطات لمحسن لي خرج شد من عندها ورجع خرج تاني وشد من عندها الموناضا والكيسان ودخلهم ... جلسو كيتغداو فجو عائلي هادئ ... رحبات بيهم سعادة وكبرات بيهم وعائلة جنات عجبهم الحال غاكملو وقفات هي وملاك هزو داكشي وخداوه للكوزينة ورجعو يجلسو كيسمعو للأمداح لي جايين من صالون الرجال ويرددو وراهم بصوت خافت بلا ميتسمع ليهم...بقات سعادة جالسة كتضحك وفنفس الوقت قلبها مهانيش حاسة بشي حاجة ماهياش ... وقفات وخرجات تاني لبرا كتصوني على رانيا ووالو مجاوباتش ... صونات على زكرياء فرقمو الجديد والو مجاوبش... صونات على جليلة لي جاوباتها وخبراتها بلا خرجات وباقا مرجعات ... قطعات عليها وهي بالها مشغول وبدات تسيفط لرانيا فالميساجات عاد دخلات تجلس معاهم وكضحك باش مايقولوش راه العكوزة مباغاش العروسة ويخرجو عليها الهضرة .... دارت وحدة من عمات جنات وقالت:اوا مشفناش السروالسعادة:(طلعاتها ونزلاتها بشوفاتها)الله علاه نتي معندكش سروالك؟العمة:الا الالة سعادة ولايني بغينا نشوفوها واش كانت بنت ولالاسعادة:وعلاه نتي زوجتيها بولدك ولا؟ داكشي كيبقا بيناتنا والبنت راها بنت الاصل ومربية وعند تقتنا وماتتسناوناش نخرجولكم سروالها تقتو هو هذاك متقتوش وخرجتو الكلام نتلقاو فالمحاكم ... البنت نهار خطبتها عطيت وعد لناسها منها من بنتي ولي قاسها نحرو نحير الجمل دوك التقاليد الجاهلة ديالكم خليوها عندكم وبلا متفرعولي دماغي بيها بغيتو ضحك جلسو بغيتو الشوهة انا مولاتها وياويل وحدة فيكم تجبدها ولا معرفتو سعادة ووجه المحاكيم نوريهالكم على أصولها ..