الحرام المباح(الداريجة المغربية)

45

شافتها رانيا هي و حالتها فاتجلس بالخف شدات فيد مونيا لي ممهرساشرانيا:مونيا أويلي شنو وقعلك ؟مال راسك مضروب واش باك عرف بشي حاجةمونيا:الله ياودي شمن أب كتهضر عليه؟راه معنديش ومعارفاهش تاشكونسعيدة:باها غابر راهو فالريف منين أصلنا فاش حبلت بيها من الحرام عرفتهم غايقتلوني حيت نفسهم حارة واصلة هنا(شدات فعنقها كتوريها فين) اوا وهربتمونيا:وياه هادشي لي كاين اختي ومكنتش راضية نقولها ...ونتي كيف وقعلك هادشي ؟رانيا:والله ماعرفت ياختي تا جا محسن وهرس عليا فاز تكون قالتالو زينب وقيلة ولكن فاش جا فالنهار مقال والو تاليلمونيا:تكون كانت عاملة نسخ على تصاورك احتياط حيت فرشتها معاه وصدقات هي لي كان ناوي يخطب سيد فاش قلتهالو تلون وتعصبرانيا:أودي ماعرفتشمونيا:(دارت شافت فسعيدة)ماما تقدر تخرج وتمشي لبيتي باش نقدرو نهضرو بجوجسعيدة:صاف وخا انا نتسناك فالبابمونيا:لا سير لبيتي اماما بغيت نرتاح فهضرتيسعيدة:لي بغيتي صاف(خرجات وشدات الباب من وراها ومشات للبيت)مونيا:(حاولت تبتاسم فوق طاقتها)انا غاطوموبيل محسيت تاترميت عليها،حسيت بالخنقة والدنيا دايرة بيا وترميت مسكين السيد لي كان يسوق على الله يشهدو معاه الناس بلي انا لي ترميترانيا:واحنا فالمغرب راه يكونو شهدو معاه راه كلشي كيحضي بنادم كون هانية غايكونو شافوك،ومالك ياختي تنتاحر وتشير على طوموبيل همنا واحد انا وياك شكي عليا نشكي عليك حتى نخويو قلبنا ...شوفني أنا لي تفرشت حدا ناسي وأهلي لي عايشة معاهم مقادرة نهز فيهم تا العين وكندعي الله محسن ميكونش قالهالهممونيا:أودي أنا همي كبير وكبر منك (مسحات دمعة كانت غاتنزلها من عينها وعاودت ابتاسمت لرانيا)ولكن متخافش عليا غانشوف شي مبنى عالي لي يهز كاع همومي ويطير بيهمرانيا:(تكلمات وهي مفاهماش مقصودها)راه موجود امونيا لي يقبلك ويهزك بكاع همومك انتي مكانش فيدك داكشي لي وقعلكمونيا:اودي مكانش فيدي راه وخا نعياو نغطيو الشمس بالغربال مغانغطيو والو تا أنا كنت غالطة وهضرت زينب صحيحة ،الشرف ماشي بنقطة دالدم وبجلدة لي بين رجلنا الشرف هو بنادم يصون راسو ويحافظ عليه ويعطي قيمة لراسو قدام العبد والخالق ماشي يخلي كاع العرب يشوفو مؤهلاتو ...ماعلينا منفخش لك راسك هو أصلا عندك مريض نخليك احبيبتي نتمنى هادشي يدوزلك بيخير ويقدرو يسامحوكتحنات باستها من جبهتها وخرجات جارة الحديدة دالسيروم ،توجهات للمصعد ودخلات شافت فالأرقام لي مكتوبين تم بان لها أعلى طابق هو الطابق الثامن ...ضغطات عليه ...تشد الباب وتكات على الحيط كتتسنى فوقاش توصل للسطحبقات جالسة رانيا وتخمم فمونيا،نسات همها وبقات تفكر فهم مونيا وتشوف على الله تلقا كيف تواسيها محدهم فنفس المكان تاجا فبالها الجملة لي قالت لها قبل ماتخرج{غانشوف شي مبنى عالي لي يهز كاع همومي ويطير بيهم } هاد الجملة بضبط مبغاتش تتنسى لها ،تفكرات بلي هي فطبيب خصوصي لي كيكون غالبا فعمارات كبار وطوال ،تذكرات بلي هي حاولت تنتاحر وترمات على الطوموبيل يعني غاتعاود تعملها ،تفكراتها فاش مخلاتش سعيدة تبقا حدا الباب...وقفات بالخف ونترات داك السيروم من يدها تاداز دم خفيف مع يدها وخرجات كتجري ...وقفات حدا المصعد لول كضغط على الزر وشافتو واصل للطبقة الخامسة وباقي كيطلع ...مشات للمصعد التاني لي فجهة التانية ضغطات على الزر ومن حسن حظها تحل ...دخلات وضغطات على الطابق الأخير ...بقات تدعي فخاطرها تاوصلات للفوق ...شافت باب السطح مفتوح دخلات كتجري وهي تقشعها كتنتر السيروم من يدها وبدات طالعة فوق سطارة دالسطح ...مشات كتجري وغوتات بجهد"مووونيا وقاااف "مونيا:(طلعات فوقها ودارت لعندها)رانيا رجع للور ورجع لبيتك مبغيتش نزيدك هم على هم وتشوفني كنموت حدا عينكرانيا:(كتهضر وتقرب بشوية)لا مغاتزيدني والو هبط وخلينا نهضرو وخوي قلبك عليامونيا:ههه شهنخوي راه هاز مهاز هاد المبنى من مرضى (ابتسمات وعيونها غارقين دموع ،تحتهم زرق من الحزن وخدودها فيهم قمشات بالحادث لي وقعلها)شوف هانا جبرت مبنى عالي ههه تمان طبقات ...غايهز همومي ويطير بيهم للريح غايديهم ويخليني هانيارانيا:لا مغايديهمش ومغايطيرهمش بالعكس إذا ترميتي عاد غايرجعو عندك هموم تانيين وهو العذاب لي غايتسناك متنساش راه حرام تق.تل راسكمونيا:أودي راه حنا غارقين حرام من ساسنا لراسنارانيا:(مدات يدها وفنفس الوقت كتقرب)إذا كنا غارقين من ساسنا لراسنا هادشي مكيعنيش بلي خاصنا ننتاحرو هادشي كيعني بلي خاصنا نفيقو ونصلحو أخطائنا ماشي نزيدو نصححو غلط بغلط أكبر منه...الحياة راه ماشي دايما غاتعطيك وجهها الضاحك ضروري من وجهها القاصح امونيا...راه غا الأرض مكتكونش طول الحياة مزروعة بالورد كتكون قرعة وخاوية حنا لي كنزرعوها تاكينوض فيها النبات ...نزل وخلينا بجوج نزرعو فحياتنا بذرة طيبة لي تخلينا ننساو داكشي كامل ونكونو أحسنمونيا:مشا الوقت والأرض ولات قاحلة فحال أرض الصحرة لاهيا صالحة للزرع لاهي قادرة تنبت (قربات ومدات رجلها للهاوية ومالت بجسمها ناحيتو)