الحرام المباح(الداريجة المغربية)

72 وبداية الفصل الثاني { بعد مرور خمس سنوات }

-بعد مرور خمس سنوات-

كانت سايگة سيارتها لي لونها فالكحل بقوة مانقية تقدر تشوف فيها وجهك ... لابسة نظاراتها السود وطريكو فالكحل مع سروال دالگيطما فنفس اللون ...فالكرسي لي حداها حاطا ساكادور ديالها ومن ليجات ديالها باينة غادا لكلوب دالرياضة ...طالقة أغنية jessi zoom وخا مافاهماش معناها ولايني اللحن كان كيعجبها وصوت المغنية كتر ... وكانت الكلمة لي فاهماها هي ديك بيتش لي كتتقال... وقفات عند إشارة المرور الحمراء ووقفات حداها طوموبيل من نوع داصيا قديمة خرشاشة ماشافت فجنبها تاسمعت السيد لي حداها كيعيط لها ...مع دارت تشوف فيه وهو يقول :<<افين الزين متعطيناش رقمك زعمة؟ ولا الخليجيين غطاو علينا حنا المغاربة واحديدة عندك الفنة >> حركات راسها بلا حولا وغاجات الاشارة الخضرة وهي تمشي بشوية عليها خلات مول طوموبيل ضاسيا يسبقها وقبل مايردلها البال كانت كسيرات ودازت قريبة من طوموبيلتو بسرعة كبيرة لدرجة الزاجة الجانبية تهرسات ليه وطاحت ليه فالأرض ...مع رفع راسو كيسب فيها وهو يشوف يدها مخرج من السرجم وعاطياه فاك بغا يتجنن ويطرطق ... زاد فالسرعة وتبعها ... بقا هو يزيد وهي تزيد كتر حتى غفلاتو ودارت مع طريق التانية وهو فاتها ومقدرش يلحقها ... كملات طريقها حتى وصلات لمجمع الحسني ودخلات باركات طوموبيلتها عاد طلعات للشقة ديالها ودخلات لقات فرح كتصلي فالصالون ... كملات طريقها للحمام دوشات ولبسات عاد خرجات حطات الحوايج موسخين لي فالصاك فماكينة الصابون وهي تسمع فرح كتعيطلها ... تمشات لعندها بخطوات موزونة لقاتها كتجمع الصلاية من الارض ... جلسات وشافت فيها وقالت:اش كاين؟

فرح:واش تيليفونك طفالك من السرج؟رانيا:معرفتش اصلا خليتو فالصاك علاش؟ واش كان خاصك نجيبلك شي حاجة فيدي؟فرح :وانشف غاشعرك الله ياختي غاتمرضيرانيا:واتي قولي كتخافي يحماضولك التلامط حيت كيقطر (بدات تحرك راسها يمين شمال وكترشلها البلاصة بالما)وهانتي يلاهفرح:شوف الكلبة كتدير فحال الكلاب هههه ... المهم أبي صونا عليك ولقاه مطفي قال باغي يهضر معاك ضروريرانيا: ضبصاح؟ مرديتلوش البال باقي عندي وسط الصاكوقفات وتمشات للبيت جبدات تيليفونها من الصاك لقات الريزو مشالو ... رجعات للصالون وتسنات غاطلعلها وهي تصونيلو بقا شوية وردسي حمد:تيفين غارقة؟رانيا:هانا كنت فالكلوبسي حمد:وعندك شي قضية؟رانيا:(جلسات فوق السداري وبدات تبعد فرح لي باغا تصنت)ايه ساليتها عاد البارح وربحتها كيف العادةسي حمد:وارجعي لهنا راه كاين واحد القضية مهمة ودايرا الرواج فالمواقع وقضيتها قريبة من قضيتكرانيا:بفف راك عارفني مبقيتش باغا نرجع كترسي حمد:واتي رجعي واش غاتحرقي الاتفاق ديالنا؟ وزايدون نسيتي علاش من اللول قريتي باش تهرسي دوك ولاد الحرامرانيا:انا عارفة راسي لارجعت غاندفنهم كلهم تحت الارض ومغانتهناش على داكشي دبا واخدة فترة صفاء ونقاهة وكنتدرب فدوك صغار العقولسي حمد: [ بصرامة]تدريبك طال اليوم تكوني عندي وهذا آخر كلام عندي !قطع عليها خلاها غاكتشوف ... حطات تيليفون ودارت توجهات للبيت تجمع حوايجها وفنفس الوقت كتقول:واجمع وطوي أفرح، ولا بغيتي تبقاي هنا ؟فرح:لا غانمشي نطل على الفرع اللول اما هذا دطنجة فاطلعلي فالراس غانصونيلهم من بعد نعلمهم يتكلفو بكلشي