الحرام المباح(الداريجة المغربية)

35

"دار لعندها مقطب حواجبو وحرك راسو باستفهام ":شكون انتي؟واش ختو دشي وحدة عندي كتقرا ؟مونيا:لا ولكن أنا صاحبت زينب لي كتمشي معاهامحسن:(شد باب الطوموبيل وبقا كيشوف فيها بنفس الشوفات)آهاه ومن بعد واش هي سيفطاتك لعندي؟مونيا:الا بالعكس هي لاعرفاتني ماجا لعندك غاتلقاها جايا تبعدك من طريقي حيت غانفضحها ونفضح فعايلها ونقولك راها كتخرج مع سواعدة وتنعس معاهم فقلب دارها وتخرج تضحك معاك فحالي مكتخونكش وعاد أصلا ماشي نتا لي نعستي معاها أول مرة وسمحلي على هاد الهضرة ولايني قولباتكمحسن :شكتخربق واش حمقة ولا باغاني نتيق هضرتك نيشان واش من نيتك؟ناري نتوما البنات غاكدابزو تجيو تطلقو سمكم علينا سيرو فكو مشاكلكم بعيد عليا مناقسنيشمع فتح باب لوطو باش يركب وهو يسمعها طلقات التسجيل وصوت زينب كيتسمع دار بالخف وخدا تيلي من عندها وشد التسجيل لايسمعوه التلاميذ ديالومحسن:طلع لطوموبيل نشوفو هاد الحريرة لي عندك هناطلعات معاه جلسات حداه وهو شد باب الطوموبيل ودار للكرسي دلور جبد من المحفظة الليزيات ،خشاهم فتيلي وبدا يسمع فالتسجيل من أول هضرة قالت فاش بدات تهضر على ماضيها تاللخر وهو يسمع ووجهو كيتبدل ليه اللون وكيزيد يزير على يدو التانية ...سمعها فاش قالت ضحكات عليه وهو غاحمار وقولباتو وصدق ولد الناس وبغاها...وسمعها وهي كتعتارف ركبات بكارة اصطناعية ودارت ليه فانيد باش طيحاتو فالفخ وسمع كلشي ...بدا صدرو كيطلع وينزل بالعصب وكيتنفس بالزربة ...شد يدو على شكل لكمة وزير عليه ودار شاف فمونيامحسن :بغيت هاد التسجيلمونيا:تيلي فيدك سيفطو راسكمحسن:(دخل رقمو للواتساب وسيفط التسجيل لراسو ومد لها تيليفونها وبدا يصوني على زينب كيلقا تيليفونها طافي ،رجع شاف فمونيا )عارفاها فين كتسكن؟مونيا:آه ضروري راها ساكنة ف (*****) الدار 34 فالطبقة التانية وهي لخرة اصلا فيها غاجوج طبقاتمحسن:صاف العزنزلات مونيا شدات باب الطوموبيل وعاد رتاحت فاش ردات دقتها ،تمشات غادا وساهية كتخمم فداكشي لي وقعلها...كيفاش غاتعيش وكيفاش غاتقدر تستمر فحياتها...وكيفاش غاتنسا هادشي حاسة براسها ضايعة ...كلشي كيمشي ويجي حداها شي شاد فيد مرتو وغادي شي جاب بنتو من المدرسة وغايديها للدار ،شافت فيهم والدمعة نازلة من عينها عمرها غاتقدر تعيش هادشي ...وعمرها غاتقدر تولي أم فحالهم...علاش حيت هي ناقصة دبا فعين الرجل المغربي لي كيقدس شي حاجة اسمها الشرف وكيشوفها عبارة عن جلدة وخا هي داوهلها بزز منها فالأخير وقفات فالشارع الكبير شافت طوموبيلة ماجا وجارية ...مكسيريا بجهد خلاتها تا قربات لعندها ووقفات فطريقها مجا فين يوقف تاكان ضربها وطلعات للفوق ونزلات ...بداو الناس يتجمعو عليها وشي وحدين كيتاصلو بالاسعاف ،شي وحدين يبكيو حيت شافوها فاش تضربات والآخرين عرفوها انتاحرات ...وشي وحدين باغين يطلعو التفاعل وكيصورو باش ينشروه فكروبات ويكتبو عليه الجملة المعروفة <الله اكبر شفت هاد البنت تضربات بالطوموبيل مسكينة كانت ماشا تاضربها واحد كان جاري فالطريق بقات فيا وبكاتني> يقولوها وهوما دمعة وحدة مانزلات من عينهم،نزل الراجل لي كان يسوق وتاهوا كيتاصل بالاسعاف ومخلوع وخا هي لي ترمات عليه ولكن تاهوا كان سايق بسرعة وهنا بلاصة المدرسة عاملين لافتة دالانذار يعني تاهوا غالط...شاف فالد'م لي نازلها من راسها وبدا يفيفري بالخلعة شاف فالناس لقاهم واقفين وكيشوفو فيه وتا باش يهرب فات الفوت