الحرام المباح(الداريجة المغربية)

60

رتاحو شوية مع بعضهم فوق الفراش ...غفات رانيا وبقا زكرياء متمدد حداها كيلعب بشعرها حتى غفا حتى هوفبيت جمال وجميلة كانت لابسة جميلة قاميجة طوييلة حد الركبة فالغوز مغلوق مع جينز فالأسود وعاملة الصمطة فالقاميجة جيهت خصرها ً..طالقة شعرها وواقفة حدا جمال لي كان جالس كيشد صداف قاميجتو وحاني الراسجميلة:(معبسة وجهها والدموع واقفين فعينها)شوف راه والله تاكنعيا نصبر ونمشي معاك فالخط حيت عارفة راسك قاصح لامشيت تعكست نهاري كحل ولكن باش تهضر مك وتقولي موالدة لا هناء لا أنوار هنا علاش مهضرتيش؟علاش بقيتي ساكت ؟جمال:(علا راسو فيها ووقف مشا يهز الساعة وفنفس الوقت كيهضر)علاه شكون لي كيشرب الفانيد فكل ليل انا ولا نتي ؟(رجع شاف فيها)اوا جاوبيها انتي نيتجميلة:(قربات لعندو)اياه وشكون لي كيسكر ؟باغيني نولد ونكبر الولاد فهاد البيئة؟جمال:علاه كيف جاتك هاد البيئة؟جميلة:الأب كيسكر والجد كيصدر فالكوكايين اوا والولد غايطلع معقد غامعاكم عييت فيك نمشيو نسكنو فدارنا ونتهناو من صداع مك وفنفس الوقت تمشي لطبيب تتعالج من البلية أنا نصرف أنا نعمل كلشي وانت مباغيشجمال:(تم خارج)وبقاي تحلمي بغيتي تولدي ولدي مبغيتيش هذاك سوقك (خرج وزدح الباب وراه )مشات جميلة جلسات فوق الفراش ومسحات الدموع من عينها جبدات تيليفونها تاصلات بمها ...بقات شحال كتصوني عاد جاوباتهازبيدة:الو تا شكون دوي ؟جميلة:الو ماما انا جميلةزبيدة:اياه اوا كيف دايرا ابنتي وكيف داير مولا دارك وداك العقروشة باقا كتزن عليك كي ذبانة دالخرى حاشا السامعينجميلة:اودي حتى حاجة متبدلات امي ...كنا نقولو المرا اللحلاحة غلبات السحارة صدقت كون سحرت ليه كون وقيلة مشا تعالج من الشراب اما هاد حلاوة اللسان لي كتقطر بالعسل معاه شي نهار يجي النحل ياكلهاليزبيدة:الله يهديك ابنتي صبري وحافظي على دارك السيد مزيان معاك وماشي ولد مو لي يخرجك من خدمتك ويسمعلها الكلام...زيدي حاولي معاه وبحلاوة اللسان كولي ليه عقلو اما السحور راه اخرتهم كيخربو الدار وكيهرسو العلاقات وكيدخلو للنار انا راضية عليك ابنتي لمبعدي من الحرام باغاك تكوني مزيانة مع الله ابنتي راه هو الدايمجميلة:انا غاقلت مرانيش حمقة ندخل لجهنم على ود راجل باش نسحر ليه ...المهم سيفتلك شي فلوس مع طامو كانت جات لعند بنتها سيفتلك واحد البركة وصلاتك ياكزبيدة:اياه وصلاتني ابنتي الله يرضي عليك دنيا وآخرة ولايني راك عارفاني مامخصوصاش راني عندي فلوسي كون تخليهم شري بيهم لراسك ...ماعلينا راني فاش تلاقيت طامو قلتليها نهار تكون طالعة للمدينة تعلمني نسيفطلك شوية دزبيدة وحليبة دالبقر والبيض البلدي راه هادشي الطبيعي هو لي كيصحح العضم وكيقوي سير ابنتي انا راضية عليك دنيا وآخرة كيف متفكراني(بدات تهضر بصوت باكي) ومنساكش الزمان فيا ابنتي نتي لي عندي الله يرزقك الصحة والسلامة يابنتي ويخليك ليا ويبعد عليك ولاد الحرام وبناتهمجميلة:امين اماما امين انتي هي لولة عندي وحتى حاجة ماتغلا عليك متبكيش راه عارفة راسي شحال مزرتك راه غاغانشد كونجي اول حاجة غانجي لعندك اميمتي راه نتي اصلي ولي كينسا اصلو غاولاد الحرام ...يلاه نخليك امي بسلامة عليكقطعات ووقفات مشات رشات بغفانها هزات صاكها ونزلات ...غاوصلات للتحت مشات تجلس تفطر وكضحك مع جمال فحالي عمرهم تناقشو ولا تدابزو...عمرها كتبين مشاكلها لعكوزتها ولا تخليلها منين تتشفا ...شافت فطابلة لقاتهم نساو زيت العود وهي العشق ديالها تفطر بيه ناضت توجهات للكوزينة ومع دخلات لقات قدور واقف وكيحرك ففمو مسمعاتوش اشكيقول ولمياء واقفة وكتسمع ووجهها صفر وعيونها عامرين دموع ...قربات لعندهم ومع شافوها لمياء تخلعات اما قدور بعد شوية من لمياء

جميلة:(شافت فلمياء ورجعات شافت فقدور)اش كاين هنا؟ياك لاباس اش كدير هنا ومخلي الباب خاوية تايدخل علينا الغريب لقلب دارنا؟قدور:(بدا يهضر ويتفتف)الا الالة راه غاجيت بغيت شي كاس دالقهوة نفيق بيه راسي حيت البارح كانت عندي نوبة دليل واليوم جا سليمان هو لي يعس وفاش دخلت لقيتها تبكي فالكوزينة وقلت نشوف مالهاجميلة:(شافت فلمياء ورجعات شافت فيه بتشكيك)اياه وانت اش دخل شبوقاتك فيها؟هي بنت وانت راجل بحدكم فالكوزينة ومكتحشمش على عراضك؟قدور:انا كيشتي غا راجل كبير و ...جميلة:(قاطعاتو بصرامة)خرج برا واخر مرة لقاك هنا بغيتي قهوة راه كنعطيوك خلاصك سير شريها فالكافي ...يلقاك هنا باها ولا زكرياء نصدقو فشي طاب وشي مطاب خرج تكون راجل كبير ولا راجل صغير ممنوع عليك تعتب باب الكوزينة مالين الدار كيكونو فيها يلاه (خرج كيخف فمشتو وفداخلو كيسب فجميلة...اما هي فشافت جيهت لمياء لي كانت كتدبر فشي كذبة لاتفرش وتفضح )اش كنتي كتديري معاه وعلاش كنتي كتبكي؟لمياء:(كتهضر وتفتف)والو والو...غير ...غير هضرت بابا دالبارح...فاش ...فاش قالي انا كنعصبو بقات فيا...جميلة:واش كيقيسك داك الموسخ ؟هضر باش لقاسك نقولها لجمال يهز مو للسما ويرميه للأرض تايطرطقو ليه المصارنلمياء حسات بالتوتر وقلبها بدا يضرب فالمية...ويلاه غاتعاود لها وهي تتفكر جمال سكايري وغايفرشها...ردات الكلام من فمها وحركات راسها بلا... بلا متنطق حتى حرف...دارت جميلة ومشات هزات زيت العود كباتو فواحد الزلافة خاصة بيه صغيرة وخرجات وهي كتفكر فلمياء...شكات وشكها مابغا يخرج من دماغها...جلسات كتاكل وتفطر حتى وقفاتولها تاني جليلةجليلة:هذيك الكرش كتعرف غاتاكل مكتعرفش تهز الولاد ...ايه ايه(شافت فجمال) هاهوا تزوج الراجل ددار زكرياء هو لي يجيبلنا ولد يورث كنيتناجميلة:(بلعات هذيك الدغمة بصعوبة من بعد داك الكلام وشافت فجمال لقاتو كياكل حنات راسها للأرض لقاتو كيزعزع رجلو ويشطحهم هنا عرفاتو كيغني غا فعقلو ويدندن وممسوقش وهي بوحدها لي كيطلعو الاعصاب فيها وينزلو..رجعات شافت فجليلة )اوا انا مبغيتش ولدي يطلع يشوف باه كيسكر كون عرفتي تربي ولادك كون راه عندي خمسة هاد الساعةرمات كلماتها ووقفات طلعات لبيتها تجمع باليزتها خلات وراها جليلة لي لمساتها فالوتر الحساس هو تربيتها ...خلاتها تغوت وتقول عليها قليلة الأدب اما جمال فعلا راسو جيهتها وهو الآخر مصدوم متعود عليها كتسكت وعمرها كتجاوب ...اما سي محمد فشاف فجليلة وقال:والله حتى عبرات عليكم عندها الحق ...تا حد مايبغي ولدو يكون سكايري انا فاهمها مباغاش تحس بالعاروقف وخلا وراه كلمات كانت فحال القنبلة هو الآخر بنسبة لجمال...اما جميلة فكانت كتجمع باليزتها دالحوايج كتجمع حوايجها وتخلي لي شرالها ...عيات كتصبر حتى وصلات بيها للنقطة لي فيضات الكاس ...جمعاتها ونزلات هازاها ومتسوقاتش لشوفات جمال ليها ولا لمو لي كانت تقول{بالما والشطابة تالقاع البحر العروبية لوخرى}خرجات وركبات فطوموبيلتها وكسيرات لخدمتها لاتعطل عليها...كان عندها اكتفاء ذاتي خدامة بخلصتها وبفلوسها وبمها لي عندها فيرما خلاهالهم باها ...وقفات فالباب دالشركة نزلات خلات الباليزة مخبية فالطوموبيل وطلعات تخدم

كان الانسان وخا يعيا يصبر على بزاف دالكلمات فالأخير كيعمر وقلبو كيتقال وكلمة وحدة كتفيض الكاس لي عمر حتى لفمو ...جميلة صبرات وخمس سنين وهي غاحانية الراس وساكتة ومكترد موالو محتارمة راسها ومحتارمة لي معاها فالدار وخا مكانتش كتتلقا نفس الاحترام من عكوزتها ...فاقت رانيا مع الجوج دالنهار لقات زكرياء ناعس...بقات شحال كتشوف فوجهو كان عكسه فالواقع ضاحك ناشط ولكن دبا كان مغوبش...بقا كيرمش بشوية حتى فتح عينو وناض كيمسح وجهو براحت يدوزكرياء:شحال فالساعة ؟رانيا:دبا جوجزكرياء:(تجلس ومشا هز تيليفون طلب الغداء ورجع شاف فيها)شوف انتغداو وبقاي نتي هنا انا غانمشي دغيا لواحد البلاصة ونرجعرانيا:(صغرات فيه عينها وقلبات شفايفها)ولكن هذا اول نهار لينا بجوج مع بعضنا بعد زواجنازكرياء:غا نص ساعة ارانيا نكمل شي لعيبات باش غانتفرغ غا ليك ...اجي البارح طلعك الكوميسير لعندو؟رانيا:يلاه صاف وخا ...لا راه مطلعنيش تاطلعت انا وياك قد قدشد الغداء من عند خدمة الغرف كلاو فتم وخرج فيدو ديك الصينية حطهالهم برا باش ميبرزطوش رانيا ونزل وصاهم حد مايطلع لعندها عاد خدا من عندهم مفاتح طوموبيلتو لي خلاهم عندهم رجال باه... مشا للباركينغ ركب فطوموبيلتو وكسيرا ماوقف حتال للكوميسارية ...نزل ومشا دخل مباشرة لمكتب الكوميسير لي كان غايغوت على الدق لي مدقش ولكن غاشافو وقف ومشا مد يدو يسلم عليه وكيضحك ويرحب بيه...تجاهل يدو الممدود ومشا جلس فبلاصتو وشاف فيه مغنزرزكرياء:دبا عاد جاوقتكم البارح لقيتو المدام معايا ...انت غاندوزها ليك حيت المدام مطلعتيهاش لهنا ومهضرتيش معاها ولايني داك الحيماري لي جابنا من البحر **" دبا بغيتو يكون هنا عنديالكوميسير:(بدا يهضر ويتفتف)اه اه صاف وخا هانا دابا غانعيطليه راه عاقل شكون حيت خاصمت عليه...مشا هز تيليفونو عيط ليه يجي لعندو وبقا واقف كيتسنا مع زكرياء هاد الأخير لي كان جالس وكيدور بالكرسي يمين يسارا وكيتسنا...نص ساعة دازت عاد دخل لعندهم غا شاف زكرياء عقلو وتفكر تنبيهات الكوميسير ليه...وتفكر تهديدات زكرياء هنا حس براسو قفرها ومشات عليه...اما زكرياء فوقف وتمشا تالعندو وابتسم ابتسامة عريضة وقال:واش قلتلك راه نهار غانشدك مغانطلقكش؟ شفتي كون من لول سمعتي الهضرةالكوميسير:(بدا يهضر بنبرة ترجي)عفاك اسيدي عفو عليا ومتخرجليش على خدمتي عفاكزكرياء:لقيتيني اليوم فرحان ولكن راه حلفت فيك ومغاندوزهاش (شاف فالكوميسير)خليوه يبقا نهار كلو فنفس الحبس لي بقيت فيه وفليل طلقوه كيف وقعلي بسبابو وراه عندي هنا لي يجيبولي الخبارخرج وخلاهم بجوج كيشوفو فبعضهم حتى نطق البوليسي وقال:غاهبطوني فين قال اللهم هكا ولايخرج على خدمتي غاهو بغيت نطلبك طليبة غاتانحيد لباس دالبوليس راه ياكلوني لتحتالكوميسير:غانخرج نخليك تحيدهم ياك لابس تحتهمالبوليسي:اه لابسخرج وخلاه حيد داكشي وحطو فوق الكرسي وخرج حاني الراس مقادرش يرفض ولا يغوت...قرا تاعيا فالأخير جا ولد الفشوش وهرسو ...نزلوه للتحت وهو حاس بالحگرة لي تحكر وحس بيدو مربوطة ومقادر يدير حتى حاجة...لاهو قادر يسمح فخدمتو حيت المصاريف كتيرة وعندو ولاد ولا هو قادر ينسى هاد الشعور ددل ويبقا فالحبس مرمي كيف الكلبيتبعملاحظة: بات زكرياء من غير أنه كيصدر البيضة مونامور راه كيصدر تا الخضرة بعني كيدخلهم العملة الصعبة للدولة وراه فهاد الحالة لي بغاها كتنزل + ماشي غا جي وهرب البيضة خاص يكون عندو معارف فالدولة وداكشي لي خلا ديك جوج يخافو وهادشي كاين فالواقع