الحرام المباح(الداريجة المغربية)

ep25

-كان واقف قدام باب بيتها كيضرب فالباب وكيحاول يهرسها...يدو مجروح ومدمي بالضرب لي ضرب أنوار وجبهتو فازكة بالعرق والاعصاب لي تعصب تاشاف مو داخلة بالخف رمات الصاك جا فوق السداري ومشات كتحيدو من الباب
سعادة:بعد من الباب (غوتات بجهد)محسنن بعد وسمع الهضرة
محسن:(ضرب الباب بجهد وشاف فيها)صاف عيطات لك جيتي طايرة تي والله ليوم لابقا فيك عضم صحيح
سعادة:(شداتو من كتافو بجوج وجراتو كتحيدو من حدا باب البيت وتهضر بجهد)بعد من البيت مالك مع ختك هاه مالك ؟فين شفتيها تا كتغوت وطالق علينا فحلوقك هاه ..باغي تشوهنا مع الحي وجيرانو وناسو وتخصر سمعة ختك هاه
محسن :(دار يشوف فجيهت باب البيت ونيش جيهتو وكيهضر ودفال يطير من فمو)هيااا هياا لي خصراتها مالي ضالمها ولا هي لي جالسة فالقهاوي مع واحد الحمار ولد الحمار طايح يتزلل بيها ويعاودلها فالاشعار دتق***
سعادة:هييه سكت شكاتخصر فالهضرة فكمارتي عيني عينك واش من نيتك سير بعد من ختك ياك فالقهوة كأيها الناس ماعرفتيه غاصديق كيقرا معاها ماوالو هاه ماسولتيش كاع جاي تغوت راه غاكيقرا معاها وكنعرفو
محسن:كيهضر معاها وكتعرفو وكيقولها فالشعر مالها كتقرى الأدب العربي ولا باغين تضحكو عليا
سعادة:(جلساتو فوق السداري وجلسات حداه )ومالك شفتيهم فالغابة ولا فشي بلاصة خاوية ياك حدا الناس ولا حلال عليك حرام على ختك ياك كنتي تلقا مع ديك البنت لي غاتخطب هاه
محسن:انا راه راجل وهي راه بنت كاين فرق
سعادة:ومالك كتخرج مع راجل فحالك فحالو ولا؟ختك راه بعقلها وراه مدام جالسين فبلاصة عامرة وإلا راه مكتدير تا عيب وانت لي غاتخليها تبقا تخبي عليك ووالله وتقيص ختك لا رضيت عليك تاننزل عليك السخط وهادشي هنا نسدوه ختك مدارت تاعيب كان غاتعارف وقالتهالي ووافقت راه هدو ولاد اليوم ووصيتها ترد البال لراس وحد هنا وصاف ودبا سير غسل وجهك وبرد وبلا صداع
-ناض ساخط على الوضعية ومشا لبيتو دخل غسل وجهو ودوز يدو على عنقو ...خرج لبرا وزدح الباب وراه ...مشات سعادة دقات الباب على رانيا غا حلات لها دخلات للداخل عندها
سعادة:صاف راه هضرت معاه مايقربلكش ...شكون هذاك لي حصلك معاه ؟
رانيا:هو نيت لي قلتيلي عطيه فرصة فلخر فاش عطيتهالو كلا قتلة من عند هذاك تفو تقولك هو عمرو خرج مع شي بنت
سعادة:(دخلات وجلسات فوق فراش رانيا)جبدي تيلي صوني عليه بغيت نهضر معاه
رانيا:فاش اتهضرو؟
سعادة:واجبديه وماسوقكش
يتبع