الحرام المباح(الداريجة المغربية)

80

رجع لعندو لقاه جابد شي وراق من حقيبتو وكيقرا فيهم ومرة مرة كيهز يشرب من كاس عصيرو ،جر الكرسي وصدر صوت مزعج خلا رضى ينتابه لعز ...حط الورقة من يدو وشاف فيه كيضحك وقال:ياكما رجعتي تلصقلي سناني مع الطابلة هههعز الدين:(جلس وشاف فيه مغوبش وعاقد حواجبو)سمع ماعنديش وقت الضحك دبا وواصلة بيا للفوق ،بغيت نعرف القضية داش لي باغين تشدوها انت ورانيا بكاع التفاصيل والأشخاص لي مشاركين فيهارضى:وايلي اصاحبي شفتك وليتي تسول على رانيا بزاف ياكما طايح فيها؟(شافو معصب وهو يسكت ومد ليه الوراق لي حداه)لقيتيني حتى أنا عاد وصلوني عليه المعلومات هاد الصباح فتيليفون وطبعتهم باش نقراهمبدا عز الدين كيقرا فالمعلومات على صاحب الشركة والمحامي مرفوقين بالصور ديالهم ،بدا كيقرى فيهم ورضى كيشرح ليه القضية ومافيها وغير كملهم بالقراية جبد تيليفونو من جيب وبدا يصور فيهم خلا رضى غير كيشوف ومافاهم والوعز الدين:شوف هادشي يبقا بيناتنا بلا مايوصل لرانيا نعول عليك؟رضى:الا طبعا رانيا كنعرفها قبل منك وغانقولها كولشي غا بلا متعولزفر عز بخنق وناض فحالو رجع لطوموبيلتو وكسيرا وهو كيفكر فجوج دالأشخاص لي كانو كيبانو ليه مشبوهين ...رضى وخصوصا داك الضحكة لي طلق وطريقة تفاخرو بالتسجيل وكيبين راسو فحالا معارف والو ،ورانيا لي حتى هي شدات التسجيل فيدها ونكرات وجودو وقالت بلا معندهاش ...كانو بجوج مثيرين للشبهات ولكن فداخلو كان كيتمنى متكونش رانياوغاخرج عز الدين صونا رضى على رانيا وعلمها بكلشي ،قطعات عليه وبدات كتتفرج فالأخبار لي ظهر فيهم سي محمد مشدود وكانت مبتاسمة بالفرحة وكتلعب بيدها فالعقد لي فعنقها وكل مرة كتشوف فداك العقد وكتبتاسم عاجبها وبجهد، وغاكملو وقفات وطفات التلفازة وسمعات الباب تحل وتشد بجهد،شافت ليلى داخلة ونيفها وعينها حمرين بقوة مابكات تمشات لعندها بالخف ووقفات شداتلها فيدها موقفاهارانيا:ليلى مالك؟انهارت ليلى بالبكاء وتخشات فحضن رانيا لي بدورها حضناتها وبدات كتطبطبلها على ظهرها خلاتها تافشات مافداخلها عاد بعداتها بشوية وحطات يدها بجوج على خدودها كتمسحلها دموعهارانيا:دبا عاودلي مالك؟ليلى:(بدات كتهضر وتشهق بالبكي)فاش مشيت كلشي بدا كيشوف فيا شي شوفات فشكل وفاش جلست فالقسم كلشي بدا كينمنم مور ضهري ويوشوش ونبذوني فوسطهم خلاوني جالسة بوحدي وكيهضرو عليا ويضحكو ...كيهضرو ويشوفو فيا بنص عينرانيا:(تنهدات وحطات يدها على عينين ليلى مسحاتلها الدموع عاد حطاتهم على كتفها)خلي لي بغا يهضر يهضر ولي بغا يضحك يضحك لي ضحك يتبلا ، المهم هو عارفة حلمك وطريقك خدم عليه حتى توصلو، كترت الناس فحياتك مصالحاش غير مغايتزادو عليك المنافقين ...انا عارفة راسي كبيرة عليك وعاد مكنبقاش بزاف فالدار ولكن راه سمية صغر مني شوية هضرو بجوجكم وضحكو وعلاش لا دخل شي تطبيق فيه صحاب من بلدان أخرين وهضرو منها تتعلم اللغة ومنها تجمع الكليان مستقبلا لتصاميمك لي غاتخرج ،ليلى أنا من لول قلتلك الطريق غاتجيك صعيبة ولكن فلخر غاتوصل وغاترتاح والناس مغايبقاوش مفكرين غير لي وقعلك نتي عندو مايتنسى وغاتعيش حياتك بيخير من بعدرجعات حضناتها كتصبرها على مابيها وكتطبطبلها على ضهرها خلاتها حتى بكات وخوات مافقلبها عاد خذات منها الورقة دالكتوبة والدفاتر وخلاتها تمشي لبيتها ترتاح وخرجات هي تشريهملها