الحرام المباح(الداريجة المغربية)

ep9

رانيا:محسن شحال كتخلصمحسن:(جاوبها بلا ميدور)مسوقكشرانيا:ولا دبا سمع انا بغيت نشري واحد كريم دشمس سلاتلي ومبغيتش نقولا لبا ولا ماما حيت دبا لخر دشهر وقضية غاتكون شوية مزيرة وخا مكيبينوشمحسن:اهاه عليها نضتي تلقمي اتاي بلا متقول لا وانا نفهام...وياك قلتي لخر دشهر وصاف تا انا مزيررانيا:ولكن انت مامزوج موالو شوف لمتقتيش نعطيك سميتها ودوز شريهالي من البارا-بقا ساكت محسن وهي فهمات بلي بغا مشات بجرا جبدات ورقة وكتبات فيه اسم كريم شمس لي كاتستعمل وخرجات حطاتها ليه حداه هزها وخباها فجيبو...رجعات للبيت ومشات جبدات البيسي ودخلات كتبلوكي فسواعدة واحد بواحد تاكملاتهم وعاد سيفطات ميساج فالكروب وبدات تعاود شنو وقعلها مع الكوميسير تاكملات ...خلاتهم كيقراو الميساجات دياولها وجبدات تيليفونها ودخلات للواتس لي عاملة نمرة عاطياها غا للعائلة وسيفطات لفرح مرت الكوميسير تصاور خيانت راجلها وعتاذرات منها على بشاعت المشهد ...رجعت ركزت عينها على الحاسوب لقات مونيا جاوباتهامونيا:ناري ياختي الحمدلله لي خرجاتلك على خير هاد المرة عمرك تقربي لشي مغربي اصكعة راه غاتخرج على راسكزينب:وياه تا لقربتي لمغربي شوف شي مدينة بعيدة عليك ...ولباس بعدا لي خدمتي عقلك وفكيتيها فساعتها-"قرات رانيا ميساجاتهم وتاهيا بدات تكتب لهم "رانيا:وياه هذي وتوبة تادوك سواعدة بلوكيتهم عمرني نزيد نقرب لهادشي اللهم القليل وراحت البال ولا هاد الرعب لي عشت اليومزينب:اويلي ياختاي راه عادي مرة مرة يوقعلك هاكا وزايدون راك قادة وقدود عندك العقل لي يفكك من وحايلكمونيا:لاعساك اختي انا كون كنت عايشة فعيشتك والله ماندخل لهادشي كنشجعك ونأيد قرارك غا خرجي من هادشي حسنزينب:ناري ياكما حاسداها تاهيا على ديك الالف لي كتشد بشوية عليك اللفعةمونيا:بالعكس انا باغاها تكون حسن مننا وتبدل حياتها للأفضلزينب:علاه مال حياتنا-"شافت القضية بدات تحماض وغايبداو يدابزو فالميساجات وهي تبدا تكتب "رانيا:واه كالم داون راه خديت قراري انا خرجت من هادشي صاف غاسكتونا اتبداو دابزو على والو على سبة خاصكم غالي ينبشكم وانا ماعندي كانة ليكم لي فيا كافيني-خرجات من الواتساب وطفات البيسي وخباتو فبلاصتو وخرجات لبرا...سمعات صوت تقرقيب فالكوزينة وعرفات بلي مها جات ...مشات بالخف لتم لقاتها كتقشر فالخضرةرانيا:ماما شكتطيبي؟سعادة:كسكسو ابنتي قلت مكنديروهش فالنهار نعملولكم فليل تعشاو بيه وقلت لباك يجيب فيدو اللبن ندوزو بيه وخا هو تقيل على الكرش فليل مي نجربورانيا :اه نعاونك انقشر معاك الخضرة جاني المللسعادة"دارت شافت فيها ...جاتها غريبة قضية تعاونها وهي من زمان مدخلات للكوزينة":اياه هزي خيزو قشريه معايا ..وخا جاتني فشكل تعاوني تعودت عليك غابيتك وماتخرجي غا باش تاكلي هههرانيا:وامعنديش الحفاظة كيف ديما...عقلتي اماما فاش كنت كنجيب الكرسي للكوزينة ونطلع فوقو ونغسلك المواعن هههسعادة :اياه عقلت يابنتي ههه كنتي تقولي غانكبر غانبقا نطيب ونشقا شقا الدار كلو ونقولك ان شاء الله ابنتي علاش لا ههه ساعة شي ماشفنا منكرانيا:وراه هضرت الصغر مكان عندي عقل ههههسعادة:ودبا تتزوجي وتبقاي تشقاي فدارك وقولي ماما قالت ههه اوا محد كاين غا انا وياك زعمة مكاين حد طتتلقاي معاه واونكوبل مع بعضكم ؟رانيا:والو هاد الساعة الصراحة...باقي متلاقيت هذاك لي يعجبني ويدخل لخاطري كلشي كيجيني حامضسعادة:مالك غاتبقاي تتخيري فيهم ولا ...شوفي غير لكان ولد الناس وناوي المعقول وخدام من نيتو ومفيهش قوة الكذوب راه حلال عليك وخا يكون حامض راه كل واحد وشخصيتو ومع الوقت تتعودي عليه ...وزايدون كون مكان الحامض كاعما كنتي تبراي فصغرك معقلتيش الحامض مع العسل هو لي كنتي تلقاي عليه ويشافيك من الحلاقم دبا وليتي تتكبري عليهرانيا:هههه لكان هو الحامض هي انا العسل ؟سعادة:وماعرفتي تكوني انتي هي الحامضةيتبع