الحرام المباح(الداريجة المغربية)

46

مع شافتها رانيا غاترمي راسها جرات وشداتها من رجلها وجبداتها بجهد تاجابتها مرمية فالأرض ...مشا الدكتور كيجري لي كان عاد وصل بعد مشاف رانيا كتجري وشافها طالعة للسطح ...يسحاب ليه غاتنتاحر مع سمع عندها شي مشكل ....مشا كيشوف مونيا لي جرح راسها تحل والفاصمة خرج منها الدم تحنى كيفحص لها راسها بيدو وشاف فرانياالدكتور:جبد تيليفوني من جيب وصوني على أول رقم طلعلك قلهم يطلعو للسطح كاين مريضة مستعجلة هنا
قربات رانيا وجبدات من جيب طابليتو التلفون لقاتو بلا كود دخلات لآخر رقم وتاصلات وعلماتهم بشنو قال...تحنات شادة فيد مونيا لي كانت غايبة عن الوعي بقات فيها وماعارفة كيف تعمل تحيد لها هاد فكرة الانتحار ...طلعو وهزوها فالبياص وهبطوها فالأسنسور خلا الطبيبة تتكلف تعاود تشدلها الجرح لي تحل بحكم فاش فحصو لقا الوضع ماشي خطير بزاف ...بقا هو ورانيا فالسطح قرب لعندها ورفعلها راسها بيدو وفتح الفاصمة كيطل على الجرح لقاه باقي سليم ومواقعلها والو ...نزلو فالأسنسور وخداها لبيتها وبقا واقف كيشوفها طالعة تجلس فالفراشرانيا:(شافت فيه عاد هضرات)فوقاش انقدر نخرج من هناالدكتور:غايزيدولك واحد الصورة المقطعية نتأكدو بأنك بصحة ودماغك متأترش وتقدر تخرج من بعد ، فاش غايجي لي مكلف بيك راه غاتقولهالو لي فالاستقبالرانيا:تقدر تعطيني ورقة وستيلو بغيت نكتب شي حاجة لديك البنت قبل مانخرج ومكرهتش تعطيهالا
خشا يدو فجيبو وجبد ستيلو وواحد الكارني صغير فجيب طابلية مدهالها وبدات تكتب غاكملات قطعت الورقة وطواتها على اربعة وعطاتالو ،شدهم من عندها وخرج بعد ماتمنالها الشفاء العاجلتمدات كتشوف جيهت السرجم تاجات تاني الفرميرة خداتها تعمل التصوير المقطعي ،غاخرجو النتائج شافهم الدكتور لي كان واقف برا كيتسنا...لقاها بيخير وعطاهم الاذن يخرجوها ...رجعات لفراشها وتمددات كتشوف جيهت السرجم لي كيبين السما صافية بقات شحال ساهية تا سمعات باب بيتها تحل مع دارت لقاتها مها سعادة ...تمشات سعادة هازة فيدها صاك صغير معبسة وجهها حس الضحكة متشوفهاش ...وقفات مغنزرة فيهاسعادة:فقتي ابنت كرشي هاه...فقتي يا الموسخة لي خرجاتلنا من جنب
حسات بحالي كبيتي عليها شي سطل دالما بارد على راسها ،تجلسات وقربات يدها حطاتها على يد مها وهي دفعهالا بجهد ...بغات تهضر مقدراتش حسات بحالي الهضرة وحلاتلها فحلقها وخانقاها ...بداو دموعها ينزلو مع كل كلمة كتسمعها من مهاسعادة:(بدات تهضر وتشير فيدها مرة تشير لراسها مرة تنزل يدها )أنا لي جلست ندفع فخوك وندافع عليك حداه ونخرج فيه عيني باش ميضربكش داك النهار هاه وأنا لي غطيت عليك باش ميضربكش وفلخر طلعي كتشطحي للموسخين فحالك (قربات لعندها وشداتها من يدها زيرات عليه)بسبابك المسخوطة داليام باك راه فالطبيب وكان غايموت وطاح على وقفتورانيا:(شافت فيها موسعة عينها من الصدمة ووقفات)با با واش بيخير بغيت نشوفوسعادة:(دفعاتها تاجات جالسة فوق الفراش)شغاتشوف فيه هاه باك راه غاضب عليك وأنا كتر الله يسخط عليك سودتي وجوهنا حدا الجيران وطيحتي باسمنا للأرض حنا لي كنا نضربو بيك المثل قدام العائلة (رفعات صبع يدها السبابة كإنظار)وإياك وتتبعني خوك غايخلص وغانخرجو وغانديك للطبيبة تكشف عليك وتشوفك واش باقي بنت ولا بعتيه تاهوا ...وخا ممتوقعاش منك شي حاجة بعد ماشفت دوك التصاور قليلة العفة ...غانخرج ونوقف برا حيت شوفة فوجهك رجعات تجيبلي ردة ... (رمات عليها الصاك )هاك جبد حوايجك لبسهم والفولار فراسك وإياك نشوفك ملابساهش الجنس الناقص
خرجات خلاتها تبكي وراها باغا غاتعرف باها كيف بقا مقادراش ومبغاتش تقولها،هزات دوك الحوايج ودخلات للتواليت فتحات داك الصاك لقات فيه كسوة طويلة بالكمام طوال مع واحد السروال كيجي تحت منها وفولار بيض ...لبساتهم ولوات الفولار على راسها وهزات حوايجها لي فالبلاكار جابوها بيهم كان باقي فيهم طبايع الدم ...خبات داكشي فالصاك وخرجات حطات لهم فوق الفراش كسوة دطبيب عاد هزات تيليفونها من تحت المخدة خشاتو بين صدرها باش ميشوفوهلهاش ...فتحات الباب لقات مها واقفة ...تمشات لعندها والدموع فعينها يلاه بغات تهضر وهي تقاطعها وقالت:"باك بيخير وليلة غايخرج ...غاسكت مبقيتش باغا نسمع صوتك رجع كيعصبني وكيحرقني فوذني ودبا تبعني محسن كيتسنانا فالطوموبيل ...ومنسمعوش صوتك خوك مباغيش يسمعو لايضرب بينا شي كسيدة. ..غاتبلع لسانك وتنسا بلي شي نهار تعلمتي تهضريتبع