الحرام المباح(الداريجة المغربية)

65

يلاه جات تخرج وهي تشدها لمياء من يدها وبداو دموعها ينزلولمياء: وصاف ارانيا متقصحش قلبك من جيهتي هانتي قلتيها كلشي كيغلط وانا غلطت وغانصحح غلطي صافي آخر مرة راه والله ماعندي لاصحاب لاوالو غابوحدي كنبقا هنا فحال الخدامة كندوررانيا:(تنهدات وقربات لعندها وشداتلها فيدها...بقات فيها خصوصا فاش كتقول على راسها خدامة)صاف صاف(مدات يدها كتمسحلها دموعها)متبكيش المياء صاف راه سمحتلك راك عارفة قلبي على سبة دغيا يحن ومنقدرش نكرهك صافلمياء: غانبقاو صحابرانيا:آه غاتهناحضناتها وتا لمياء بادلتها الحضن عاد بعدات ومشات كتعاونها فشغل الدار متخليهاش غارقة بوحدها غاكملو طلعات لبيتها هزات تيليفونها لقات مها مسيفطالها تصوني على باها توحشها ...تفكراتو ودخلات جبدات رقمو وصونات عليه ...اما هو غاشاف رقمها رد عليها بالخفسي صابر:بنتي كيف نتي لباس بيخير توحشتك ابنتي غبرتي عليا غبرة وحدة مامتعودهاش ليكرانيا:(جلسات وابتاسمت فاش سمعات صوتو)ابا حبيبي حتى انا توحشتك بزاف بزاف والله وبقات بلاصتك فقلبي انا بيخير ابا وانت لباس عليك كيف عامل مع صحتك ياك كتمشي لطبيب تشوفهاسي صابر:الحمدلله ابنتي حتال لول دشهر عاد غانمشي وهانتي مباقي قد مفات بعد غدا راهو الاحد وغانجيو نعطيوكم بطاقة الدعوات وداك ساعة نشوفك شوفي راه أي حاجة قلقاتك مديش على مك هذيك حمقة عاودلي انا واجي لدار باك لاعصبك ولا قاصك راه المفاتح عندك والدار دارك ابنتي وخا تتزوجي وتولدي اتبقا دارك نتي وخوك مايزولهالكم حدرانيا:ربي يخليك لي ابا والله يطولك فعمرك والله لقيتيني كنتسنا غانهار الاحد نشوفك فيه توحشتك بزافسي صابر:حتى انا ابنتي مشهية شي حاجة نجيبهالك فيدي ابنتي خاصك شي حاجة نشريهالك طلبي لي بغيتي ابنتي كلشي نجيبولكرانيا:(دمعو عينها من كلامو ...مسحاتهم بكم طريكو ورجعات ابتاسمات)لا ابا كلشي عندي هنا غاتهنى علياسي صابر:وصاف ابنتي خليت ليك الراحة سيري انا راضي عليك دنيا وآخرةرانيا:آمين ابا آمين ...بسلامة بسلامة ... خلاتو هو قطع الاتصال عاد ناضت جبدات الحوايج وختارت واحد الكسوة طويلة بكمام طوال ومستورة لبساتها ورشات الباغفان عاد عملات الميكاب ... نزلات ومشات لعند جليلة للجردة وجلسات حداها ...خبراتها بمجية باها ومها نهار الأحد حتى هي مقالت غا جوج كلمات :<<مرحبا بيهم دار داركم ابنتي>> وجبدات تيليفونها تاصلات بسي محمد يكون متفرغ نهار الأحد ليهم عاد جلسات تاني كتشوف فالطبيعة ...ابتاسمت رانيا وقالت:علاش كيعجبك تجلس هنا كنشوفك بزاف هناجليلة:والو كيعجبني الهوى ونشوف الخضورة حسن مانبقا غا فبيتيرانيا:نسولك واحد سؤال بقا فيا الفضول ؟جليلة:اشنو كاين تاني؟رانيا:ياك قلتيلي بلي زكرياء كيشبه لباه شوية يعني حتى عمي كان مكيعاملكش مزيان؟جليلة:(شافت فيها وكيف عادتها مغوبشة ومغنزرة)تي داكشي رجع من الماضي بلا متبقاي تنقبي فيه كي الدجاجة وزايدون نوضي عاوني لوستك شكديري هنا جالسةرانيا:الله الله راه عاونتها وكملنا وراها دبا حاضياه غاليتحرقلها وصاف وجمعت البيوت الفوق وكلشيجليلة:ايه وصاف لاغاتجلسي هنا سكتي ماتصدعيليش راصي كيعجبني الهدوء