الحرام المباح(الداريجة المغربية)

39

صاوب ليه داك السندويشات هز المونادات عملهم ليه فبلاستيك خلصو وخرج وهو غادي فالطريق تاسمع يوسف جاي كيجري ويعيط ليه ...وقف كيتسناه تاوصل لعندومحسن:مالك ياكما طرالك شي مشكل ؟يوسف:عييت نصونيلك عتق الطوموبيل مابغاتش ديماري وقفات سالالها باطري والمدام كتولد راها كتوجعمحسن:الله اكبر صبر نهبط مفاتح الطوموبيل (خلاه يستناه وفتح باب دارو بالخف وطلع كيجري ...دخل حط دوك سندويشات فوق الطابلة ومشا هز تيليفونو ومفاتح طوموبيل،نزل وركب هو ويوسف قربو لجيهت دارو عاد طلع يوسف هبط مراتو ...ركبات اللور كتوجع ومقادراش تاتغوت كيتسمع غا أنين ألمها ...مزيرة على ركبتها بحر الحريق ومرة مرة كترد راسها للور ....اما محسن فكان سايق بسرعة وفنفس الوقت راد بالو للطريق لايدخل فشي حد ويوسف ماد يدو للور شاد فاليد اليسرى دمرتو ومرة مرة يشوف فالطريق واش قربو يوصلو...غاوصل نزل يوسف بالخف فتح الباب لمرتو نزلات كتتمشى بشوية ومرة مرة كتوقف فاش كيغلب عليها الحريق...بقا غادي بيها تادخلها للداخل وجات الفرميرة تديها لشي بيت تشوفها واش جا وقتها ولا باقي غا الحريق،لقاتها باقا خرجات وخلاتها كتتوجع وتتسناها تتحلها كتر أما محسن باركا الطوموبيل ودخل يشوف واش خاص يوسف شي حاجةفقدام المستشفى الخصوصي وقفات لومبيلونص هبطو منها مونيا بالخف كانت حالتها خطيرة حيت تعطلو بيها ومع علموهم غايجيبوها دخلوها بالخف لغرفة العمليات ووجدوها ليها ولكن مدخلش الدكتور...كان خاص تاتخلص مها التكاليف دالعملية،وقف التاكسي ونزلات منو سعيدة عرقانة كتجري والخوف كيغلي فيها مع دخلات توجهات للاستقبال وقفات عليهمسعيدة:بنتي وصلات؟ اسمها مونيا الفرطاسي راه عاد جابوها من طبيب عمومي لهناجاوباتها البنت لي فالاستقبال:اه راه وجدوها للعملية خاصك ضروري تعطينا عليها معلومات و التسبيق للمبلغ لي فهاد الوراق وخا ماشي كامل المهم تدفعمدت لها الوراق وغاشافت سعيدة الثمن لي طالبين وجهها شحب لونو وولا صفر ولايني روح بنتها كانت عندها أهم من دوك الفلوس...كتبات اسم بنتها وكنيتها ورقم لكارط ديالهم بجوج ووقعات ...جبدات الفلوس من صدرها والباقي من صاكها حطاتهم لها والبنت عافت فاش شافتها منين جبداتهم...هزاتهم وحسباتهم وحطاتهم فلاكيس عاد هزات تيليفون كتعلمهم يدخلوها لغرفة العمليات ، دارت تكتب الفلوس لي باقي كيتخصو وعطات رقم غرفة العمليات والطابق لسعيدة لي غاسمعاتو مشات تجري هازة جلابيتها وكل مرة تسول واحد فين تمشي لها تاطلعات للأسنسور ووصلات للغرفة وجلسات حداها تولول وتضرب فحناكها ومرة مرة تدعي مع بنتها تخرج سالمةفغرفة العمليات كان جالس الدكتور شعرو قهوي مخلط بالاسود مغطي عينيه السود بنظارات الشوف هاز فيدو مشرط كيفتحلها راسها باش يحيدلها النزيف الداخلي وفنفس الوقت الفرميرات دايرين بيه ولي بغاها كيمدوهالو...كان مركز على الجرح ومرة مرة يشوف فنبضها واش مستقر ولالا والفرميرة كتمسح ليه جبهتو من العرق دالمجهود لي كيعمل ...بقاو شحال فالغرفة كيعالجها تاقدر يوقفلها النزيف ...وقف وخلا طبيبة أخرى تكمل خياطة وتشد الجرح بلاصت العملية ومشا حدا الباب حيد الليجات من يدو والكمامة من فمو رماهم فلابوبيل عاد زول نضارات لي كيلبسهم غا وقت العمليات...خرج وهي تجي لعندو سعيدة كتجري بالخفسعيدة:دكتور بنتي واش بيخير ؟هي لباس ياكالدكتور:حاليا مغانقدر نعطيك حتى معلومة حيت باقي وضعها فخطر فقدات بزاف دالدم والنزيف كان كبير فراسها وقريب من دماغها ونبضها ماشي مستقر مية فالمية خاصها تاتبات الليلة هنا فغرفة العناية المركزة وخاص تاتفيق باش نتأكدو من سلامة عقلهاسعيدة:علاش عاماين وانتا لداخل باش فلخر تخرج تقولي معارفش(زادت قربات عندو وبدات تشالي فيدها) شحال من عام وانت تقرى باش تجي لهنا وتقولي معارفش انا حاطة رزقي كلو هنا وباقين يسالوني وفلخر تقول معارفش فيناهوا المدير اليوم نشكيك ليهالدكتور:فالطابق الخامس الباب لي علا يدك اليمين لي لونها فالأسود ...الله يجيب الشفاءتمشا مخليها وراه كتسبو وهو ممسوقش طلع فالاسنسور وكليكا على الطابق الرابع مشا لمكتبو ،غاخرجات الفرميرة مشات تجري لعندها تانيسعيدة:كيف بقات بنتي بيخير هاه؟الفرميرة:انا منقدرش نعطيك عليها شي معلومة خاصك تسولي الدكتورسعيدة:تانتي كتقولي هاد الهضرة ولكن طززز لمن انا كنسول لفرميرة هو الطبيب لي قاري كتر منها ومعرفش علاش، مدخلين أكفس طبيب لعملية بنتي هاه ؟الفرميرة:بالعكس هذاك أحسن دكتور دماغ ورأس هناسعيدة:(دارت ورجعات تجلس بلاصتها)هو ماهناش باش تهضري عليه بالمزيان ووخا دوي عليه بالمزيان مغايتزوجكش المنتوفةبقات تشوف تاعيات ومشات بلا متجاوبها شوية خرجو بنتها وبدات تابعاها دخلوها لغرفة العناية المركزة وخلاو سعيدة واقفة حاضياها من الزاج