الحرام المباح(الداريجة المغربية)

52

رجع صابر لخدمتو وبقا فيها تا كمل شغلو فالعشية عاد طلع للدار لقا سعادة تاهيا عاد وصلات هاد الأخيرة لي مشات للكوزينة تطيب ...دخل صابر ومشا أول حاجة دخل للطواليت غسل وجهو عاد توضأ وخرج صلا جوج ركعات وخرج من بيتو ...مشا وقف قدام باب رانيا وبغا يحل الباب لقاه مشدود بالمفتاح ...رجع للكوزينة عند سعادة ووقف فبابهاصابر:ياك قلتليك خلي الباب دبيتها مفتوح وشدي باب دبرا واش خاصني نبقا نقولها ونعاودها ...محسن راه مغايقربلهاش غاحل عليها الباب دباسعادة:وراه بنتك لي لسانها طويل غاتتجاوب معاه ويصدقو مدابزين لالا خلي اللهم الحيطة ولا الندامةصابر:أري هذاك المفتاح ليدي
جبداتو سعادة من جيبها ومداتولو...شدو من عندها ومشا وقف حدا باب رانيا ...دق جوج دقات باش لكانت كتبدل حوايجها دخل للحمام عاد خشا المفتاح ودورو وحط يدو على البواني وبقا شحال متردد واش يفتح ولالا ...فالأخير فتحها ودخل حاني عينو للأرض ورجع شد الباب وراه
لقاها كانت واقفة قدام السرجم كطل هي لي غاشافتو دارت ومعرفات كيف تتصرف بعد داكشي لي وقع البارح ...مشا وجلس فوق الفراش وحنا راسو للأرض وهضر بلا ميشوف فيهاصابر:وجد راسك نهار الاتنين غايجيو الناس نتعارفو عليهم ...لاباقا كتديري بكلمتي وعندي قيمة عندك متحشمنيش حداهم وخا موحال واش باقا مور ديك الموصيبة لي درتي دايرالي شي قيمة ،حاجة أخرى داكشي لي درتيه غايبقا بيناتنا سر مدفون بين هاد الحيوط ددار حد من هاد العائلة ماغايخرجو فبلا متقوليه لحد وبداي حياتك من الزيرو مع راجلك ونساي هاد الدار فاش تتزوجي ومتعاوديش تجي ليها وتاحنا غاننساواك وننساو بلاك
تم خارج حاني راسو وهي تمشي كتجري وحضناتو من اللور ...حس بدموعها فزكو ليه طريكو ليلابس ...وصوتها كان كيدخل لقلبو لي كيخفق بسرعة كل مابدات تبكي حداه ...كيبغي يحن ولايني كيتفكر دوك الصور وهضرتها وكيعاود يغمض عينو ويزير على يدو ويشد على بيبان قلبورانيا:بابا انا مغانطيحلكش كلمتك فالأرض(بداو دموعها ينزلو وكتدوي بصوت باكي)وغانقبل بهاد الراجل كيف ماكان ولايني مبغيتش نسمح فيكم انتوماك عائلتي ونتوماك لي ربيتوني لامحنيتو عليا شكون يحن ؟ولا مسامحتوني شكون يسمحلي؟ ولا مهزيتوني فوق راسكم شكون يهزني ؟صابر:القيمة ماشي عائلتك لي كيديروها ليك القيمة لولة خاصك نتي تعطيها لراسك...تعطي قيمة لراسك وتحتارميها حيت لمعطيتيش قيمة لراسك حد مغايعطيهالك ...أنا قلبي مبقاش باغيك وكل ماقربت ليك كنتخنق ونتفكر داكشي لي درتيه خليتي قلبي ينفرك وعقلي يكرهك ...اللهم تبعد وتعيشي حياتك بعيد على هنا حيت لابقيتي هنا لا نتي غاتعيشي بيخير لاحنا غانعيشو مرتاحين. .. الآباء نهار يشوفو ولادهم دارو هاد الغلط أول حاجة كيجريو عليهم ولكن أنا لا مقدرتش وقلبي مطاوعنيش نرمي بنتي للزنقة لي عامرة ذياب لاحنين لارحيم وخليتك وسط داري وخا وجودك كيدبحني ولكن غانعطيك لراجل غايصونك يهزك فوق راسو ويحميك من الذياب دالزنقة حيت نتي باقا نية والريح لي جات تديك ...أنا مطاوعنيش قلبي نرميك لذياب الزنقة فكيفاش طاوعك قلبك ترمينا لكلام الناس ؟هذي آخر كلمة غاتسمعها من عندي لا طريقي تلاقا بطريقك لاوالو غانديرلك عرسك ونعزك حدا ناس راجلك ولكن من بعد مبغيتش نعاود نشوفك تانهار نموت مبغيتكش تكوني فجنازتي ولا تحضريها بغيتك تنسايني فحالي أنا ماكاينشحيدها من ضهرو وخرج رجع شد الباب وراه بلا ميدور المفتاح ...مشا دا المفتاح وخباه باش متعاودش سعادة تشد عليها الباب وجلس فوق فراشو فبيتو مهموم كيتفكر صوتها وهي كتبكي كتقطع ليه قلبو ولكن فنفس الوقت مكانش قادر يسامحهاوجدت سعادة العشاء وكيف العادة دات لرانيا عشاها وحطاتولها وخرجات خلاتها جالسة فوق الفراش وكتخمم فحياتها ...عاد مشات حطات لمحسن ودخلات عشاها هي وصابر لبيتهم...هاد الأخير بالمشاكل لي كتارو مبقاش كيقدر ياكل مزيان وشهية كتبقالو مقطوعة ...داز نهار الأحد على غير عادتو صابر لي بقا غافبيتو ومحسن كيف عادتو خرج مع صاحبو ورانيا فالتخمال هي ومها باش نهار الاتنين مايتحشموش مع الناس...غير كملو شقا الدار كلاو ونعسو مباشرةجانهار جديد وهو النهار الموعود نهار الإثنين دخلات رانيا غسلات عاد خرجات كتصاوب شعرها ...غاصاوباتو خرجات فطرات بالخف هي وسعادة عاد مشات سعادة تلمط طلامط وتصاوب مخايد بلاصتهم...شعلات القرآن ومشات وجدات حوايج محسن وصابر عاد دازت كتوجد مع بنتها وتوريها ماتلبس ...تاجا فالعشية صابر دخل الحلوة واجدة حطوها فالطباسل مع الكيكة والمالح حطو داكشي فالصالون ولقمات سعادة جوج برارد دآتاي لاتحشمها رانيا ... وخلاتو فالكوزينة...وصل زكرياء لابس كوستيم فالزرق معاه باه سي محمد لابس كوستيم فالرمادي وفوقو سلهام فالزرق لحيتو وشعرو فيهم شوية دشيب مخلط مع لونه الأسود...ووراهم ماماه دزكرياء ...لي من وجهها باينة قاصحة...معبسة ومكتضحكش عاقدة حواجبها مكتفكهمش شعرها لونو كحل مخلط بالشيب ...ووراها جوج بنات وحدة صابغة شعرها فالزعر والتانية شعرها لونو كحل طبيعي وخوه التاني جلال لابس نضاضر الشوف وكيدور راسو فالدروج ويشوف المكان لي بانليه صغير ووراه مرتو لابسة جلابيتها وهازة صاك فيدها ...استقبلهم صابر ومحسن وسعادة وسلمو عليهم وشدو من عندهم التقدية لي جابوها...طارط وما إلى ذلك ومشات سعادة كتحطهم فالطباسل وصابر ومحسن دخلوهم للصالون ...علمات سعادة رانيا بمجيتهم ومشات حطات دوك الطباسل وجلساتصابر:مرحبا بيك اسي محمد زارتنا البركةمحمد:الله يبارك فيك اسي صابر المهم بينما جات عروستنا نعرفكم بعائلتنا هدا (حط يدو على رجل زكرياء)ولدي زكرياء وهذيك مولات الشعر الكحل بنتي لمياء ومولات شعر زعر هي آخر العنقود سمية وهذاك ولدي البكر جمال ومرتو جميلة والمدام جليلةصابر:ايه مشرفين بيكم ...انا عندي غاجوج ولاد محسن ورانيا وهذي المدام ديالي سعادةمحمد:مشرفين بيكمجات رانيا بالصينية دآتاي وبدات جليلة مامات زكرياء كطلعها وتهبطها بعينها وتحضيها أش غاتعمل وحتى رانيا ماشي من العاكزين... حطات الصينية فوق الطابلة ومشات يلاه غاتسلم بالوجه على جليلة وهي تمدلها يدها...تحنات باستولها وباست يد محمد لي مدولها ورضى عليها عاد سلمات على الخواتات بجوج ومدات يدها سلمات على جمال وزكرياء لي شدلها فيدها وزير عليه وابتسم ليها...وهي غاطلعت فيه العين عقلاتو،هو الدكتور لي كان معاهم فالسطح ...جبدات يدها من يدو وبدات تحس بالتوتر بعدما لاحظت كل الأعين عليها...حاولات تدير بكلمت باها ومتحشموش حداهم ورجعات هزات الصينية وعطات لمحمد هو اللول كونو هو كبير العائلة عاد دوزات للخواتات ولجمال ومرتو وعطات لزكرياء ومع طلعات فيه عينها غمزها وهزو بتقالة خلاها دايخة ...دارت عطات لباها ومحسن ومع جا يهز غا شاف فيها وهي تغنزر فيه عاد عطات لمها وحطات الصينية وجلساتجليلة:(شافت فسعادة)تبارك الله بنتك غزالة وباينة مربيةسعادة:الله يبارك فيك تانتي بناتك حمقوني باينين مرزناتشافت فيها سمية لي كانت شادا تيليفونها كتكونيكطا ورجعات نزلاتو فتيليفون أما لمياء فضحكاتلها وبقات متبعة معاهم الأجواء ...انساجم صابر مع محمد وبداو يهضرو ويضحكو أما محسن فتاهوا بدا يهضر مع زكرياء ويتعارفو بيناتهم ودخلو معاهم تاجمال كيتحتتو ...سعادة بدات تهضر مع جليلة هاد الأخيرة كتجاوب على قد الهضرة وعينها على رانيا فالأخير وقفات ومشات جلسات حداهاجليلة:اش كديري فحياتك؟رانيا:انا دبا جالسة فالدار كنت كنقرا مي وقفت وصلت للافاكجليلة:تا لفاك ماشي شي حاجة المرا بلاصتها الدار تقابل راجلها وتشوفو اش ناقصو وتريحو فاش يجي لي كيخلي دارو ويخرج يخدم راه قليل العفة والمسؤولية(قالت كلمتها كاتخشي الهضرة فمرات ولدها الكبير ومعارفاش بلي خشاتها تا فسعادة) اوا نتي نتفاهم معاك ماشي فحال هذيك لي جالسة لهيه قالتلك خاصها تخدم زعمة راها متقدمة ،ماعلينا شحال فعمرك ازينةرانية:انا فعمري 20 سنةجليلة:مزيان هي هذيك مع ولدي تجيو مواتيين اوا نوضي نتي وياه لشي بيت وهضرو وزيدو تعارفو بيناتكم (شافت فصابر)سي صابر خلي الولد والبنت يجلسو فشي بلاصة يتعارفوصابر:ايه الله ياودي (شاف فرانيا)خوديه هضرو بجوجكم فالصالون دبراحركات راسها بآه وخرجات وتبعها زكرياء لي كان يتسنى غا هاد اللحظة ...خرجو وجلس فوق السداري وجلسات مقابلة معاه وبدات تلعب فيدها متوترة ...عاق بيها متوترة وحشمانة وقرر هو يبدا الحديثزكرياء:المهم أنا زكرياء فعمري 30 سنة جراح دماغ ...وقيلة عقلتيني ياك؟رانيا:آه كنتي فالطبيب فين أنازكرياء :(ضحكلها تابانو غمازاتو)ايه تماما هي عاقلاني ...المهم الصراحة انا لي جذبني فيك هو هضرتك مع البنت لي كانت غاتنتاحر ...وعجبتني وجهت نظرك للحياة والطريقة باش هضرتي كنتي كتباني شي وحدة لي واعية وفنفس الوقت حنينة وضريفة وبنت الناس ...فهذاك الوقت عجبتيني وقلت نجي نتعارفو ومن بعد نتخطبو ونشوفو لاتفاهمنا نكملو وخا انا باغي صراحة نكملو ونتزوجو ...المهم عرفني براسك مليت العزوبية هههرانيا:أنا رانيا عندي 20 سنة كنت كنقرى الإقتصاد فلافاك مي وقفت (سكتات عاد كملات)مكيصححوش الوراق وغاكيشيرو نقطزكرياء:اه الصراحة هذي هي لفاك دالمغرب سامع بهادشي ... المهم شنو بانلك نعملو الخطوبة نهار الأحد أنا لجات عليا نتزوجك من غدا ولكن ضروري حتى تعرفني كترخرج صابر من الصالون دالداخل ومعاه محمد وقاطعو صابر بقوله:لا انا براسي موافق على كلامك الصراحة سولت فيك وقالولي عليك غا الخير ومافيك مايتعاب ولكن من الأحسن خلي تالنهار الإثنين لي جاي كيف تافقنا أنا وسي محمد حيت جمعة كاين خطوبة ولدي لاخر باش نقدرو نوجدو شي حاجة من مقامكمزكرياء:الله يكبر بيك ابا صابر أي حاجة عملتوها حنا قابلين بيها (شاف فرانيا)حنا أصلا عائلةصابر:وهانتا ومربي كاع وكيعرف فالصواب (بدا يضحك)وربيتي اسي محمد وعرفتي ماتربيمحمد:انا ماربيتش راه عود الزيتون هو لي رباهم لي غلط نزدحو معاه ولي مقراش نزلو عليه وهاهوما طلعو مسرحين هههصابر:ولهيلة عندك الحق ...يلاه اوليداتي دخلو للداخل تاكلو وتجلسو معانا براكة عليكم تاتخطبو وداك الساعة خرجو زيدو تعارفو بيناتكمزكرياء:آه كنت غانسولك على واش تقدر تخليها تخرج معايامحمد:(قاطعو كيضحك)مزروب مزروب نوض نوض (شاف فصابر)متديش عليه راه باقين شبابصابر:وعرفت اسي محمددخلو بجوجهم ورانيا كانت ماشا تاشدلها فيدها وبقات تجبدها ومبغاش يطلقها تادخلو عاد طلقها ومشا جلس بلاصتو خلاها غارقة فحوايجها
كانت العشية وليل علاين يطيح ...وقفات سعيدة فالاستقبال وجبدات كاع الفلوس لي عندها وخلصات عاد قدرات تكمل إجراءات خروج مونيا...نعسات مع لي يسوى ولي مايسواش باش تقدر تجمع الفلوس لي كيتسالوها وسلفات من عند البنات لي كاتعرف تاكملاتخرجات مونيا من الطبيب هي وسعيدة ...خارجة وشادة فيد مها لابسة جلابة فالزرق ودايرة فولار غاعلى عنقها...شعرها الزعر مطلوق وراسها باقي مدور بالفاصمة ...خارجة والناس كيشوفو فيها...كاين لي يضحك كاين لي يجبد تيليفونو يصور وكاين لي كيغمز تاشكات فراسها أما سعيدة فمكانتش رادا البال كاع جابدة بزطامها وكتقلب فيه على الله تلقا شي فرنك يركبو تاكسي كاع فلوسها حطاتهم فالطبيب ...نغزات مونيا سعيدة وقالت:ماما مالهم كيشوفو ويضحكوعلات سعيدة راسها مغنزرة لي فيها كان كافيها وبالزيادة تا فلوس تاكسي مبقاولهاشسعيدة:وتي لي بغا يشوف يشوف مالك كاع خليهم راه هادو هوما المغاربةمونيا:ولاأما شوف شوف راه كيصور هذاكسعيدة:(علات يدها وبدات تشير ليه)اتا اداك دري شكتصور تم واش من نيتك؟ (تمشات لعندو ومونيا تابعاها وهي كتشالي فيدها وتهضر)مسح لانمسحلك وجهك بضفراني يعطيك موصيبة ناقصني غانتاغاوصلات نترات ليه تيليفون كتمسح الفيديو وهو يطلعلها فيديو تاني فاش مسحات لول ف gallery وكان غا من برا باين +18 بدات تفرنس وضحك عليه وعطاتو تيليفونسعيدة:واصدقتي كفات تدخلي فالفيديوس دالك..واخدم الفيديو وبانت مونيا ناعسة والسعودي كيحيد فحوايجو وبدا يجامعها وقال وهو كيضحك:راها غاالبنت لي معاك ههه تي معاك قح.بة سواعدة ههه راه الفيديو داير بووم فالفيسبوك والانسطا ومكاين غا سيفط سيفط وواش شفتو شوهة الزعرة والسعوديحسات مونيا بالدنيا دارت بيها هزات تيليفون من عند مها ودخلات لفيسبوكها وبداو يطلعولها بوسطات كروبات البنات فيهم تصويرتها من الفيديو وفوقها مكتوب<لي عندو الفيديو دهاد شوهة يسيفطولي > دخلات للتعاليق ويدها كيترعدو عليها ولقات فتعاليق كونط أنسطا تاعها منشور وكيقولو هامولاتو وكاين لي كيطلبهم يسيفطولو الفيديو وكاين لي كيقول عليها ق..حبة سواعدة...بدات نازلة فالتعاليق تالقات وحدة قالت عندها وبداو يقولولها تسيفطولهم... ومن هذا لهذا حتى تشوهات فالمغرب كلو ...حسات بالدنيا دارت بيها ووجهها صفار ولسانها شحت ...بدات تتمشى بلا وجهة باغا غاتوصل للدار معارفاش...حاسا بالنفس باغا توقفلها وتتقطعلها بالصدمة لي تصدمات... مشات سعيدة شدات فيد بنتها وشدات تاكسي وقالتلو يوصلهم لباب الدار عاد دخل تجبد ليه الفلوس وتخلصو ...بقا سايق ومرة مرة يشوف فمونيا ويفرنس ويضحك ...كان باين عارف بلانها أما سعيدة فعرفات بلي زينب هي مولات الفعلة وكانت عاملة نسخة من الفيديو ...حطات راس مونيا على كتافها وبدات دوزلها على يدها كمواسات وكتتحلف فزينب ...غاوصلو نزلو بجوج وطلعو مع الدروج ...دخلات مونيا نيشان لفراشها وخشات راسها تحت المخدة وبدات تبكي أما سعيدة فبدات تقلب بين الحوايج وسدادر على الله تلقا شي فرنك تالقات 20 درهم كيف الرحمة تحت السداري منسية ...هزاتها ومشات هزات موس من الكوزينة خباتو فالصاك ونزلات خلصاتو وخلاتو وصلها لدار زينب ...نزلات ومشات كتدق فباب الزنقة وتصوني فالطبقة الفوقية تحيح وتغوت-اتي نزلي ...زينب الق... نزليي ... نزلي اقح... سواعدة اليوم ندباح موووكطلات عليها الجارة التحتية وقالت:الالة راها قالت غاتسافر وفرقات رحيلها على الناس وخوات الدار لمولاتها غاسير فحالك راها مشات لدبي
سعيدة:وتي قولها تنزل مخبية هاه مخبية مني والله تانطلع ليها ونطلع ليك وماتفتحي داك البابالجارة:والله مانقدر نحل ليك راه غاتخاصم عليا مولات الدار راني غاكارية منقدشي وراه ماعندي علاش نكذب عليك سولي هذاك البقال راه غايقولك لي كاين وتأكدي كتردخلات الجارة وشدات سرجمها أما سعيدة مشات سولات البقال لقات عندها الحق ...شوهات بنتها وسافرات لدبي تزهى... سودات عيشتهم وخلاتهم هوما غارقين ومشات لدبي ... تمشات للدار على رجليها حيت مبقاولهاش الفلوس لتاكسي تاوصلات ومع الدار بعيدة فتسخسخات...دخلات وطلعات فالدروج وهي تلقا واحد الشمكار كيدق...جبدات الرشاش دالسوداني وجنويةسعيدة:واااالعمالة سير تق... للتحت لاندبح ط... مك هناالشمكار:وا ساعيدوو ماتعطيناش شي ليلاسعيدة:وااسير بعد لانعيط ليك للبوليس راهم غاكيدورو هنا ونغوت نجمع عليك الناس راك عارفني درتها لغيرك وهزوهم فسطافيك يلاه حسب الدروجنزل كيتعوج بالسكير لي سكر وهي دخلات لدارها...من نهار هزو شي وحدين وقفو حدا باب دارها وهوما كيخافو منها وعاد كملاتها شي نهار دردبات شي حد مع الدروج ورشات ليه فعينو السوداني سيمانة وعينو كتحرقو ...دخلات وشدات الباب بالمفتاح عاد دخلات لعند مونيا لقاتها داتها عينها ونعسات والدموع على خدها ...مشات للكوزينة فتحات التلاجة لقاتها خاوية ومعندها ماتطيب شافت باقي الحليب ...جبدات شعرية وطيباتها فالما ومشات جلسات تتفرجفدار رانيا كان صوت سي محمد وصابر كيتسمع بجهد لي شافهم يسحابلهم عشران من زمان ...أما سعادة ففاش قالت جليلة هذيك الهضرة مزادتش هضرات معاها كتعمل غا الصواب وجليلة مفرقاتش رانيا تهضر معاها وتتعرف عليها وبقات مرات ولدها الكبير غاجالسة وتشوف ومرة مرة تهز شي حليوة تاكلها ...نابذينها الخواتات وملقات معامن تهضر تاناضت عندها سعادة وبداو يهضرو ومع بجوجهم خدامات لقاو الموضوع لي يهضرو فيه ...قرب وقت العشاء وسعادة كانت عاملة احتياطها ...ناضت سخنات الدجاجة لي حمرات والمرقة لي معاها وحتى البطاطا دارتها تقلا بالخف ...غاوجدات مشات كتجمع الطابلة وناضت رانيا كتعاونها وحتى لمياء هزات معاهم ودات للكوزينة حيت كانو بزاف دطباسل أما سمية الصغيرة فبنات سي محمد فمهزات والو بقات هازا تلفونها تكونيكطا وضحك تاناضت جليلة حيداتولها حدا كلشي وخباتو فجيبها خلاتها كدور فعينها وتنفخ...حطات سعادة العشا وتجمعو على الطابلة كبات رانيا الموناضة فالكيسان وحطات عند كل واحد كاسو ...ولمياء قطعات الخبز وفرقاتها عليهم والباقي خلاتو فالسلة دالخبز عاد جلسو ياكلو ويضحكو بيناتهم فالأخير وقفو سلمو على بعضهم وودعوهم ...وغادخل صابر شاف فسعادة وقال:شفتي ولادو كيف مربيين ها علاش كنت نقوليك جلسي فدارك ومتخدميشسعادة:انا بعدا بانتلي غا لمياء لي مربية اما هذيك الزعرة محطاتش تيليفون من يدها تاحيداتولها مها ... اما هذيك جليلة مرباتش تاراسها بقالها غاتربي ولادهاصابر:وبقاي تقلبيلهم على العيب، انا بعدا جاوني مربيين والولد الله يعمرها دار وممنوش جوج وسالينا...مشا ينعس وخلا رانيا وسعادة غارقين فالمواعن...هزوهم وخداوهم للكوزينة ومشاو بدلو عليهم بحوايج الدار عاد بدات رانيا كتغسل وسعادة كتنشفهم وتحطهم فبلايصهم تاكملورجعات رانيا لبيتها وتبعاتها سعادة...جلسو على طرف الفراش وبقات سعادة تشوف فوجهها وكتحاول تفهم اش كيدور فعقلهاسعادة:إوا كيف جاك زكرياء هاهرانيا:كيفاش كيف جاني أصلا باش غايفيدكم رأيي ونتوماك سواء بغيت ولالا غاتزوجوني بيهسعادة:واتي غاهضري عقت بيك عجبك غا من شوفاتك راني مك وحافظاك
رانيا:وراه هو مابيهش ولكن زاعم شويةسعادة:واتي لمكان زاعم كيفاش غايدخل بيك ههه ولا نتي دخلي بيه وأصلا اللهم زاعم ولا حشومي وولد مو كتلقاه مخشي فمو حشمان هذاك باين ماكتحكم فيه مو ولا والو تاخوه كيشفتي مخلي مرتو تخدم وممخليش مو تحكم فيهارانيا:ماماه بانتلي قاصحة شوية خوفاتنيسعادة:وانتي غاتزوجي بيه ماشي بمو الله يهديك المهم غانمشي ننعس تعطل الوقت وغدا خدامة وفاش نجي فالعشية نخرجو انا وياك نشوفو نكريو شي تكشيطة تلبسيها نهار خطبتك وناخد لك شي رونديفو من عند كوافورة حميدة لي فالمدينة هذيك كتعرف تصاوب الماكياج وكتخرج الشعر يلاه تانتي سيري تنعسيخرجات وخلات رانيا جالسة كتخمم فجليلة وتريكتها...بان لها سي محمد ضريف ولايني جليلة قاصحة وخوتو ممسوقينش ونافرين مرات خوهم الكبير...عاودت تفكرت زكرياء وحطات يدها على خدودها لقاتهم سخان بالحشمة... خصوصا فاش تفكراتو فاش شدلها فيدها وفاش كان كيضحك معاها،كانت شخصيتو ماشي كيف كيكون فالمستشفى ...بحيث فيها كيبان مرزن وخاتر وداخل سوق راسو ...قدام واحد الباب حديدية كبيرة كانو واقفين طوموبيلات محمد لي راكبة معاه جليلة ولمياء وسمية ووراهم طوموبيلت زكرياء ووراه طوموبيلت جمال ومرتو جميلة ... فتحلهم العساس الباب ودخلو خداو طوموبيلاتهم وباركاوهم فالباركينغ ودخلو للفيلا لي كانت متوسطة ماكبيرة ماصغيرة ...دايرة بيها جردة صغيرة وفواحد جيهة كاينة زعلولة ...ولور دالفيلا كاين لابيسين وواحد الجليسة ،دخلو وهوما حانيين الراس وغا شد سي محمد الباب شاف فسميةمحمد:واش نتي محشمتيش عند الناس شادة داك المشقوف ومبغيتيش تحطيه وكضحكي فيه هاه اري هذاك المشقوف نشوفو اش فيه عييت نتبسم ليك باش تخبيه ونتي مكتشوفيش كاع جبدييهجليلة:راه حيدتولها خليها انا لي نعرفلهاقربات لعندها وطارت عليها بقرصة ليدها ولواتها تابدات تغوت سمية ،قرب جمال وحيدها من مهاجمال:واصاف بعدو من البنت ...وزايدون من حقها تهز التلفون واش هذوك ناس نتناسبو معاهم شوف غادارهم تقول ساكنين فبراكةجليلة:هذاكشي لي لقيتيني نشوف(شافت فزكرياء)اش هاد المستوى نزلتي ليه؟زكرياء:واش من نيتكم ؟انا غانتزوج بيها ماشي بناسها وبلا متمرضوني فهاد الليل مابغيتش نخسر فرحتي بهضرتكم ديال ديما (طلع سامح فيهم وخلا جليلة تهضر وراه)جليلة:وهادشي وباقي تامتزوجتو وبدات تحكم فيك شفنا وعشنا ربي وولدي وفلخر يخليواك تهضر وراهمبقا يحرك راسو سيمحمد بلا حول وطلع تاهوا ومجاوبهاش ،جر جمال مرتو ومشا لبيتولمياء:صاف اماما خلينا نمشيو ننعسو تالصباح وهضروجليلة:تي دخلي سوق راسك وبعدي مني نهار تزوجي ديري فحالهم ،ولدي ياكرشي وكبري (شافت فسمية)نتي بلاماتسناي نردلك التلفون يلاه سيرو بدلو ونعسو غدا نلقاكم مع ستة فايقينطلعو لبيتهم الفوق دخلات لمياء لبيتها تنعس اما سمية فمتسوقاتش مشات للبيت وشدات وراها الباب عاد هزات آيباد تكمل تكونيكطا ديالها وتسهر عليه