الحرام المباح(الداريجة المغربية)

ep29

فالقهوى كان جالس محسن مع صاحبو يوسف كيشربو بجوجهم القهوى ومحسن كيكمي فنفس الوقت والريح كيضرب فيهم بجوج ...كان مقطب حواجبو وباين فيه صاعر وكيحاول يبرد غدايدو فداك الكارويوسف:مالك صاعر دبا غاقول وهضر واش زينب ولا؟محسن:(حط الكاس دالقهوة من يدو وتكلم بلا ميشوف فيه )اشمن زينب تاني شد عليا موالها ...ياودي صعيب يكونو عندك خوتك البنات سعداتك انت غابوحدك مامحمق راسك مع حديوسف:وانا نفهام هي ختك لي معصباك ياكما دابزتومحسن:ياودي بقات فالدابيزة ولا راه بنادم قبيح والزمان هذا قاصح ونتا راك عارف عقلية الرجال كيدايرا نخاف عليها غامن الدياب نعيا نحضي وفلخر والويوسف:تانتا كتحضي من نيتك شوفتي لادخلتي سوق النسا غاتحماق راه بنات اليوم لي فراسهم يديروه وخصوصا لكانو مغنانات وراسهم قاصح خاصك تصاحبها المكلخ باش دوخها بالكلمات وتعرف لي فراسها اما لاجيتي تحضي راه مغاتحصل والو كيكونو حاضيين صواريهم وعايقين بيك حاضيهم ...دبا اش دارت تاني حصلتيها مع شي حد ولا قولهالي الخوادري نطلع ليه نجبد ليه ضواصاتو كلهم فين خدام وآش كيعمل فحياتو ومو وختو والحزاق كلومحسن:الا مشيتي بعيد ماحصلتها مع حد غاخايف عليها وكان راك عارف لي كاينيوسف:(هز كاسو شرب منو وحطو)تانتا ملي محصلتي والو غالعن شيطان وجلس وتيق فختك شويةمحسن:واتايق متايقش فبنادم أنا عرفتي آش نخليك العشير نطلع للدار نتعشا ونعس غدا عندي حصة ف8 دالصباح عندهم تاني داك الزفت دمتيحانيوسف :(طفا الكارو لي فيدو)تانا نوض نمشي لدار نلقاها نصبات العشا وطاب نتعشا هي هذيك ورخي رخي على دوك تلاميذ وخليهم ينقلومحسن:(وقف وطفا الكارو وحط الفلوس فوق الطابلة وتمشا فنفس الوقت كيهضر)تراه لي حصل ياكل السفنج لملاوي لا نقلويوسف:الله يرحمهم من دبا باين البلان أجي أجي وقفمحسن:(دار لعندو بلا ميرجع)شكاين؟يوسف:ياكما عاد اتكتبلهم متيحان تبرد فيهم عصاب ختكمحسن:وامكتوب زمان-خلا يوسف كيخلص قهوتو ومشا للدار طلع وحل الباب بالمفتاح ومايجي وجهو غافوجه رانيا غنزر فيها ودخل مباشرة لبيتو ...شافت فمها وهي تعملها إشارة تبعو ...تمشات وراه ويلاه شد الباب وهي دقها ودخلات وشداتها وراهامحسن:(دار شاف فيها مغنزر)علاش تابعاني سير لاندير فيك شي موصيبةرانيا:جيت غانطلب منك السماحة وصاف (قربات منو كتر)أنا والله ماقصدت نعصبك هو (حنات وجهها حشمانة ورجعات طلعاتو باش تكمل)هو باغي يجي يخطبني وأنا لي رفضت وقلت تانعرفو كتر لايكون مامزيانش وتا ماما هضرات معاه وقلتلو نتلقاو فبلاصة عامرة راك شفتي على عينك وصاف متبقاش مقلق مني المرة جايا غانعلمك قبل ونقولك تا البلاصة فين لاكنا غانتلقاو-يلاه كان غايغوت حيت غاتعاود تتلقاه وهو يتفكر كلام صاحبو يوسف سكت ومهضرش وهي عارفاه فاش كيسكت يعني موافق...قربات لعندو وباستو من حنكو وخرجات بجري خلاتو ...مشا بدل عليه لي لابس ولبس حوايج الدار وخرج يتعشا معاهم بلا مايقول لباهم والويتبع