الحرام المباح(الداريجة المغربية)

74

تمشى عز الدين داخل للمشفى واستغل فرصة انشغال العساس مع سمية ودخل بلا ميرد ليه حد البال خصوصا كان عماد عارفو هو قاضي حيت دج وصاه ميخليش عائلتها تدخل... استخدم الدرج عوض المصعد وطلع للطابق الخاص ليفيه هي ودخل مباشرة لغرفتها لقاها ناعسة ، تمشى بالخف وركب تحت فراشها جهاز التنصت وخرج ... غاخرج فتحات عينها وطلات بشوية تحت الفراش وشافت داكشي لي ركب ورجعات لبلاصتها وغمضات عينها كتمثل أنها ناعسة باش حد ميعاود يهضرها ... خرج ونزل كيفما دخل ركب فطوموبيلتو وتوجه لمكتبو وهو كيسوق وفنفس الوقت كيصوني على تامر لي كان تيليفونو مطفيعند رانيارانيا:امم كتظن أنني غانقولك مثلا ؟غير باش نكونو واضحين (وقفات وبدات كتتفرج على اللوحات المعلقة على الجذران)أنا كيعجبني نلعب بزاف قول مثلا حيت وليت حمقة وكتر منك (رجعات دارت وتكات على الحيط)الجواب بغيتو دبا حيت وقتي مكنبغيش نضيعو فالتفاهاتنزار:طبعا غانوافق أساسا على داكشي عيطتلك ... بغيتها تخسر ونشوفها كتبكي بغيت نحس بديك اللذة فاش غاتتذلرانيا:كون من لول طلبتيها مني مكنتيش غاتحتاج هاد جوج ،ولكن ماشي مشكل حتى هوما يقدرو ينفعوك خصوصا سي تيسير(قربات وبدات دافعاه جيهت الكرسي وهو غاكيسايرها على ود نزار ... طيرات ليه السوارت من الجيب بلامايعيق وخباتهم فكمها وجلساتو فوق الكرسي ورجعات وقفات وراه وخشات يدها كلو فجياب تجاكيط وخبات فيهم المفاتح وشافت فنزار)رانيا:راك عارف الجلسة باقيلها غير غدا غايفوت غدا غاتبدا داكشي علاش بغيت دبا الفلوسنزار:اوا الصراحة انا كنت موجدلك غا اربعة دالمليون ونص اخرين خاصني حتى نخرجهم من البنكرانيا:ماشي مشكل فاش نفذلك المهمة كملي الفلوسجبد من المجر دمكتبو ظرف دالفلوس ومدهملها شداتهم من عندو وفتحاتو ... طلات عليه بانلها فيه الفلوس وجبداتهم كتحسب فيهم أو بالاحرى غير كتلعب بيهمنزار:ههه كتحسبيهم متقتيش؟رانيا:ننن(رجعات طلعات فيه راسها)الصراحة مكنتيقش وهادشي طبعا عندو مميزات أي واحد تشوفو كيحسب فالفلوس وكيشك فأبسط النقط عرف خدمتو متقونة حيت حتى فقضيتك غايشك فأبسط الثقوب وغايشدهم ،دوك الثقوب لي منهم كيطيح المجرمابتاسمت ليه وكملات تحريكها للفلوس وشفايفها كأنها كتحسبهم أما هي عكزات ... رداتهم للظرف لي كان من الحجم الكبير وشافت فيه وقالت:استرخي دبا وحط رجلك فماء دافي وانت كتتفرج فشي فيلم كيعجبك الباقي كلو عليا ،قربات لعندو وهو وقف بالخف سلمات عليه باليد وخرجات وتبعها تيسير ورضى من اللور خلاوه جلس كيشم فيدو رائحة دالعطر درانيا ،أما هي غاخرجات ركبات فطوموبيلتها وهزات المعقم كتعقم يدها وفنفس الوقت شافت رضى كسيرا بطوموبيلتو وتيسير كيقلب فجيابو على المفاتح لي ملقاش ... كانت هذي هي الفرصة بالنسبة ليلها ... كسيرات بالخف ومشات للعنوان ددارو وقفات بعيدة على الدار شوية مخبية طوموبيلتها فواحد الدرب ،فتحات صاكها جبدات منو الكمامة الكحلة لي مكتخطاهاش لبساتها بالخف مع النظاظر وليجات باش متخليش بصماتها وجوج أكياس غطات بيهم صباطها باش متفرش بيهم ... جمعات شعرها وغطاتو كلو بطربوش كحل كبير باش مطيحلها حتى شعرة فالأرض عاد نزلات تمشات لدار تيسير ومن زهرها مكانوش الناس فزنقة كل واحد فين كان ملاهي وحد ماردلها البال ووقفات حدا الباب بدات تقلب على المفاتح وتجرب فيهم حتى تفتحاتلها ودخلات بالخف وشداتها وراها وبدات تاني تقلب على مفتاح الباب حتى تحلات ، فتحات الباب بشوية لقات الدار هادية ومافيهاش حس بنادم وعرفات عائلتو غاتكون خرجات ومكايناش فالدار خصوصا العشية باينة مشاو يدورو ... دخلات بالخف ومشات كتقلب فالبيوتة حتى لقات بيت النعاس ودخلات كتقلب فالدرج واي قنت حتى لقات تحت الفراش واحد الصندوق فيه القفل هزاتو كلو وخرجات من الدار شداتها كيف كانت ومشات لطوموبيلتها وركبات وكسيرات لدارها..


فدار سي محمد ... كانو واقفين حدا الباب كيستقبلو عائلة سي العربي لي كانت متكونة من أب فالستينات من عمرو وأم فالخمسينات وأربع أولاد رجال ... كانو عندهم غارجال ومرزقهمش الله بالبنات ... دخلو للداخل وجلسو مجموعين وبدا سي العربي يفتاخر بولادو قدام سي محمد ويقول:اوا انا وياك متعاودين نتلقاو ولايني الولاد انعرفكم ببعضكم (شاف فولادو )هذا عمكم سي محمد عشرة قديمة حسبوه فحال باكمسي محمد:بارك الله فيك اسي العربي حتى نتا ولادي هوما ولادكسي العربي:المهم (أشار للرجل البكر كان ف45 من عمرو ... حروفو سود شابه لمو فيهم)هذا ولدي الكبير اسمو تاشفين مهندس وهذاك لي حداه خوه التوأم اسمو يوسف دكتور وسي العريس مول الاربعين سنة أنس محامي وولدي الصغير رضى وهو الفخر دالعائلة حيت تخرج الأول على دفعتو وجا هو لول فجامعتو وحتى هو محامي عندو 26 سنة حاليا كان شحال وهو خدام فطنجة وحيت كيبغي خدمتو غاجينا من طنجة لهنا جا وجاب معاه خدمتو ومبغاش يشد كونجيسي محمد:ايه اللهم بارك الله يخليهمليك اسي العربيالعربي:اللهم امين اسي محمد وهذي مرتي حنانسي محمد:ايه مشرفين انا عندي ولدي جمال هو الكبير ولكن مهناش راه عندو خدمة كثيرة راك عارف هاد الشهورة لولة دجنبر كتكون الخدمة فالمرسى ،كيكري الفلوكات والقوارب والسفن وكيعمل مهرجانات فالبحر فالصيف وفتح فرعو التاني فالشمال فتطوان وزاد عمل محلات كيكريهم وعندي الولد التاني(أشار لزكرياء لي كان جالس وشاد فيدو تيليفونو كيلعب بيه)هذا دكتور الجراحة ددماغ والراس ككل ومرتو نزيهة وبنتي الصغيرة سمية راها كبر من ولدك قارية على الطب وبنتي لمياء راك عارفها خبز ربي فطبقوسي العربي:ايه بنتك سمية دكتورة وافينها مشفتهاش؟سي محمد:(بدا يضحك بشوية وقال وهو كيكذب)راها خدامة فألمانيا تم لقات راحتهاسي العربي:ايه مزيان اللهم بارك اسي محمد عرفتي ماتربيسي محمد:وهذي مرتي جليلة(شاف فيها لقاها كتدور راسها على كذوبو وهو ينغزها)بقاو جالسين كيهضرو ويتعارفو بينهم ويضحكو ولمياء جالسة وحشمانة منهم أما رضى كان هاز تيليفونو ومشغول كيقلب فشي حاجة ، جات الخدامة لي خلاوها خصوصي لهاد النهار ضايفاتهم وحطات الطباسل دالرغايف وبغرير والحلويات منوعين والكيك والعصائر والقهوى وآتاي لي بغا الحاجة يهزها .... عمرات الطابلة بداكشي ورجعات لبلاصتها فالكوزينة خلاتهم كيتعارفو بيناتهم ..عند رانياغير وصلات للدار طلعات فيدها داك الصندوق ودخلات وشدات عليها الباب بالمفتاح ... مشات هزات مطرقة هرسات بيها القفل وفتحاتو لقاتو مخبي فيهم الفلوس وشي أوراق ددار ودشي أراضي ووراقي طوموبيل ،بدات تقلب فداكشي وتشوف فأي حاجة تقدر تهمها فالقضية حتى لقات خمسة د USB و وتلاتة دكارط ميموار ... هزاتهم فيدها وخشاتهم فجيبها وخبات الباقي فالصندوق وخباتهم تحت فراشها عاد مشات برونشات USB مع بلازما وخدماتها ... كان كيبان غير رجل نزار ومباينش وجهو كيعطي أوامر باش يغطيو عليه فجريمة سعيدة ويديرو القالب لعز الدين حتى يخرجوه من خدمتو ويخليو دليل خاص بالقضية تحت السداري لي هي سلسلة الكلب مكتوب فيها اسمو... جبدها من جيبو ومدهالو وبانت فالتسجيل غاشافتها عقلاتها وتفكرات هاد القضية .. وتفكرات السلسلة هي لي عطاتها ليه وتفكرات الدار لي دخلاتلها بالغلط وعاد تذكراتو كان هو نفس الشخص ... ضحكات باستهزاء وقالت:مكلخ هاد المحامي لي ولاقاضي
تذكير: قضية سعيدة والكلب لي كلاها من قاعها هي مامات مونيا + كان عز الدين هو لي شادها + رانيا لي كانت لقات سنسلة الكلب وعطاتها لعز فداك الدار لي دخلاتلها على غفلة من بعد تخباو كانو فالماريو