(၂)ဇာတ်လိုက်၏ဗီလိန်ဇနီးသည်

Chapter 180

နောက်ဆုံးတွင် သူမပြုလုပ်ခဲ့သော ပြဿနာများကြောင့် ယခုကဲ့သို့ ဖြစ်လာရသည်ဟုသာ သူမတွေးမိလိုက်သည်။ ချန်းဟွမ် အပြစ်ရှိသလို အနည်းငယ် ခံစားလိုက်ရပြီး ဖုန်းကို ဘေးချကာ ရှင်းရှင်း ကို ဖက်ပြီး မေးလိုက်သည်။

" တခြားမူကြိူကို ပြောင်းချင်လား... ချစ်တုံးလေး... "

"ဘာလို့ တခြားမူကြိူကို သွားရမှာလဲ..."

"သားရဲ့မူကြိူက အခုပိတ်သွားပြီဆိုတော့ တခြားမူကြိူကို သွားရမှာပေါ့..."

"ကျောင်းကို လုံးဝမသွားလို့ မရဘူးလား...."

ရှင်းရှင်းက ဆိုဖာပေါ်တွင် မတ်တပ်ရပ်လိုက်ပြီး ချန်းဟွမ်ကို ဖက်ထားလေသည်။

"မေမေနဲ့ပဲ အိမ်မှာနေချင်တယ်..."

"အင်း မရဘူး...သား အဲ့လိုလုပ်လို့မရဘူး..."

ကလေးလေးက “အို” ဆိုကာ သံရှည်ဆွဲ၍ ညီးညူလိုက်ကာ နှုတ်ခမ်းကိုစူ၍ ပြောလိုက်သည်။

"ဒါဆိုလည်း တခြားမူကြိုက ပိုကောင်းမယ်ထင်တယ်..."

“လိမ္မာလိုက်တာ...”

ချန်းဟွမ်က သူ့ပါးကလေးကို ညှစ်လိုက်ပြီး မေးလိုက်သည်။

"သားသွားချင်တဲ့ ကျောင်းများ ရှိနေလား..."

သူမစကားမှာ အဓိပ္ပာယ်မရှိပေ။

ရှင်းရှင်း က ကလေးရှိသေးတာ... တခြားကျောင်းတွေအကြောင်း သူဘယ်လိုသိနိုင်မလဲလေ...

သိုရာတွင် ချန်းဟွမ်က ရှင်းရှင်း ထံမှ အဖြေကို ကြားလိုသည်မဟုတ်ဘဲ သူမဆက်ပြောရန် အားယူလိုက်ခြင်းပင်။

"သား Mars မူကြိုကို တက်ချင်တယ်..."

“အဲ့ကျောင်းက တော်တော်ကောင်းတဲ့ကျောင်းပဲ....သားလည်း တက်သင့်တယ်...ဟမ်...သားက ဒီမူကြိုကို ဘယ်လိုလုပ်ပြီး သိနေရတာလဲ..."

ချန်းဟွမ် အံ့သြစွာမေးလိုက်သည်။

ရှင်းရှင်းသည် သူ၏ အိမ်ဆောက်သည့်ဘလောက်စ်တုံးများကို ရှာနေစဉ် သူက ပြန်ဖြေလိုက်သည်။

"ဖေဖေပြောပြတာ..."

အင်း... သူက သားကို ကြိုပြောထားတာပဲ...