(၂)ဇာတ်လိုက်၏ဗီလိန်ဇနီးသည်

Chapter 225
Chapter 225February 12, 2023

သူသည် ချန်းဟွမ်၏လက်ကို ဆုပ်ကိုင်ထားရာမှလွှတ်လိုက်ပြီး လက်ချောင်းများကိုယှက်နွှယ်လိုက်လေသည်။

ထို့နောက် ချန်းဟွမ်အား အနောက်မှ ပွေ့ဖက်လိုက်ရင်း

နားထဲသို့ ညင်သာစွာ ခပ်တ်ိုးတိုးမေးလေ၏။

"နောက်လည်း ကိုယ်အတွက် အဝတ်အစားတွေ ထပ်ဝယ်ဦးမှာလား "

" အဲ့အကြောင်း စဉ်းစားဖို့ အချိန်ပေးပါ"

  ချန်းဟွမ်သည် အနောက်သို့မှီချလိုက်လေသည်။သူမ၏ကျောပြင်က ကျန်းမင်ယွမ်၏ရင်အုပ်နှင့်ထိစပ်နေပြီး အင်္ကျီများမှတစ်ဆင့် အနွေးဓာတ်က စီးကူးနေပေ၏။

"အချိန်ဘယ်လောက်လိုလဲ.... တစ်မိနစ်ဆိုရလား" 

ကျန်းမင်ယွမ်က ချန်းဟွမ်၏ဆံသားများကို နမ်းရှုံ့လျက်မေးလေသည်။

“ တော်စမ်းပါ...တစ်မိနစ်အတွင်း ဘယ်သူက တွေးနိုင်မှာလဲ ” 

ချန်းဟွမ်က ခေါင်းကိုလှည့်လိုက်ပြီး အနောက်မှကျန်းမင်ယွမ်ကို မော့ကြည့်လိုက်၏။

   "မင်းက ကိုယ့်အပိုင်ပဲ "

ကျန်းမင်ယွမ်၏စကားကြောင့် ချန်းဟွမ်၏မျက်နှာက နီရဲသွားတော့သည်။ 

"ဟုတ်ပါပြီ...ပတ်ဝန်းကျင်လေးဘာလေးလည်း ကြည့်ပါဦး "

ထိုအခါ ကျန်းမင်ယွမ်က မနီးမဝေး၌ အရုပ်အသစ်ဖြင့် ကစားနေသော ရှင်းရှင်းကို လှမ်းကြည့်လိုက်ပြီး လက်များကိုဖြေလျှော့လိုက်၏။

ထို့နောက် အနီးရှိဆိုဖာခုံပေါ်ဝင်ထိုင်လိုက်ပြီး ချန်းဟွမ်အားသူ့ပေါင်ပေါ် လှမ်းဆွဲတင်လိုက်သည်။ 

"အပေါ်ထပ်ကို ဘယ်အချိန်ရွှေ့လာမှာလဲ"

  " အရမ်းမြန်လွန်းနေတာ မဟုတ်ဘူးလား”

“အဲ့လောက်မမြန်ပါဘူး... ကိုယ်စောင့်နေတာကြာလှပြီ"

“…...…”

"ဟမ်...  ဘယ်တော့လဲလို့"

တိတ်ဆိတ်နေ‌သောချန်းဟွမ်အား ကျန်းမင်ယွမ်က ဆက်မေးလေ၏။