(၂)ဇာတ်လိုက်၏ဗီလိန်ဇနီးသည်

chapter 258

Chapter 258
Imperial MeowFebruary 16, 2023
Chapter 258

ချန်းဟွမ် ဖြည်းညှင်းစွာ မော့ကြည့်လိုက်သည်။

"ရှင်…"

"ဘာလဲ…"

သူမ မေးချင်သည်များကို ထပ်ခါထပ်ခါ တွေးနေမိသော်လည်း နောက်ဆုံး မပြောဖြစ်လိုက်ပေ။ ချန်းဟွမ် သူမကိုယ်သူမ ရှုံးနိမ့်သွားသည့် တိုက်ကြက်တစ်ကောင်ပမာ ခံစားလိုက်ရသဖြင့် ခေါင်းယမ်းပြလိုက်သည်။

"ဟင့်အင်း…ဘာမှမဟုတ်တော့ပါဘူး…ထမင်းချက်လိုက်မယ်နော်…"

ကျန်းမင်ယွမ်သည် သူမ စိတ်ထဲမှာ တစ်ခုခုရှိနေသလိုမျိုး ခံစားနေရသည်။သို့သော် ရှင်းရှင်း အနားတွင် ရှိနေသဖြင့် သေသေချာချာလည်း မေးလို့မဖြစ်ပေ။ သူက သူမနှင့်အတူ မတ်တပ်ထရပ်လိုက်ကာ သူမကို တားလိုက်သည်။

"ထားလိုက်တော့…အပြင်သွားစားရအောင်လေ…"

ချန်းဟွမ်က သူ့ကို လှည့်ကြည့်လိုက်ရာ သူကလည်း သူမကို ပြန်ကြည့်နေသည်။

"သေ‌ဘေးကနေတောင် လွတ်လာခဲ့ပြီလေ…ပွဲလေးဘာလေး လုပ်ဖို့မကောင်းဘူးလား…"

သူက ချန်းဟွမ် လက်ကို ဆုပ်ကိုင်လိုက်ပြီး ဆွဲခေါ်လိုက်သည်။

"သွားကြရအောင်…ကိုယ် ဘိုကင်လုပ်ထားပြီးသား…"

သူတို့ ညစာသွားစားသည့် ဆိုင်မှာ သပ်သပ်ရပ်ရပ် ရှိကာ အစားအသောက်များကလည်း အလွန်ပင် ကောင်းမွန်ပေသည်။ မည်သို့ပင်ဆိုစေ သူမစိတ်ထဲမှာ တစ်ခုခုရှိနေသဖြင့် ကောင်းကောင်းမစားနိုင်ပေ။ ကျန်းမင်ယွမ် က သူမ ကောင်းကောင်းမစားသည်ကို သတိထားလိုက်မိသော်လည်း ဘာမှ မပြောပေ။

***

ရှင်းရှင်းကို သိပ်ပြီးနောက် ကျန်းမင်ယွမ်က ချန်းဟွမ် အိပ်ခန်းတံခါးကို ခေါက်လိုက်သည်။ ကျန်းမင်ယွမ် ခေါက်လိုက်ချိန်တွင် ချန်းဟွမ် ရေချိုးပြီးစ ဖြစ်သည်။ သူမ ဆံပင်များမှာလည်း ရေစက်လက်နှင့်။ သူမက တံခါး‌ခေါက်သံကြားသဖြင့် တံခါးမဖွင့်‌ပေးသေးဘဲ မေးလိုက်သည်။