(၂)ဇာတ်လိုက်၏ဗီလိန်ဇနီးသည်

chapter 251

Chapter 251
Imperial MeowFebruary 16, 2023
Chapter 251

"ဝင်လာခဲ့ပါ…"

တံခါးကို သော့ခတ်မထားသဖြင့်  ချန်းဟွမ် တံခါးလက်ကိုင်ဘုကို ဖွင့်လိုက်ချိန်တွင် သူမ နှလုံးသားမှာ လည်ချောင်းထဲမှ ခုန်ထွက်မတတ် ခံစားလိုက်ရသည်။

ရုံးခန်းထဲမှာ လူနည်းနည်းသာ ရှိနေပြိး

အလယ်မှာ ထိုင်နေသော လူတစ်ယောက်ကို သူမ တွေ့လိုက်ရသည်။ ထိုလူက တုန်လှုပ်သွားဟန်ဖြင့် သူမကို ကြည့်‌နေလေသည်။သူ၏ အင်္ကျီပေါ်တွင် ဖုန်မှုန့်များ ရှိနေပြီး သူ့ဘောင်းဘီမှာလည်း အသားနှင့် ကပ်နေတော့သည်။ သူ့နက်ခ်တိုင်မှာ လျော့ရဲရဲ ဖြစ်နေကာ ဆံပင်ကလည်း စိုစွတ်နေကြသည်။ သို့ရာတွင် သူက မတ်မတ်ထိုင်နေပြီး သူ့ဩဇာက တစ်ခန်းလုံးကို လွှမ်းခြုံထားဆဲပင်။ သူ့ကို တစ်ချက်ကြည့်လိုက်ရုံဖြင့် ချန်းဟွမ် မျက်ရည်များ စီးကျလာရသည်။

ကျန်းမင်ယွမ်သည် သူမ ငိုနေသည်ကို ကြည့်နေရင်း စိုးရိမ်တကြီး မေးလိုက်သည်။

"မင်းဘာလို့ ဒီကိုရောက်နေတာလဲ…"

ထို့နောက် သူမအနား အမြန်လျှောက်လာသည်။ ချန်းဟွမ် မျက်ရည်များကို မထိန်းနိုင်တော့။ ပြီးခဲ့သောတစ်ရက်ခွဲက စိုးရိမ်ပူပန်မှုများအားလုံးကို ဖယ်ရှားပစ်ရန် သူမ ငိုကြွေးနေမိတော့သည်။ခဏကြာလျှင် သူမ လူရှေ့သူရှေ့တွင် ငိုကြွေးမိနေသဖြင့် ရှက်လာရကာ မျက်ရည်များကို လက်ဖြင့် သုတ်ရန် ပြင်လိုက်သည်။သို့သော် သူမလက်ကလေး ပါးပြင်ဆီ မရောက်ခင် လက်တစ်ဖက်က သူမလက်ကို ဆုပ်ကိုင်ထားလိုက်သည်။ သူမကို ကိုင်ထားသည့် ကျန်းမင်ယွမ်၏ လက်မှာလည်း အနည်းငယ် တုန်ယင်နေသည်။သူက ချန်းဟွမ်နှင့် ရှင်းရှင်းကို အပြန်ပြန်အလှန်လှန်ကြည့်ရင်း ပြောလိုက်သည်။

"အန္တရာယ်များလွန်းတယ်လေ…ဘာလို့ လာရတာလဲ..."

ချန်းဟွမ် အနည်းငယ်ရှက်ရွံ့စွာဖြင့် သူ့ကို စိုက်ကြည့်နေလိုက်သည်။ သူမ သူ့လက်ကို ဆုပ်ကိုင်ထားလိုက်ကာ သူ့ရှပ်အင်္ကျီတွင် ပါးအပ်၍ ငိုကြွေးလိုက်သဖြင့် သူ့အင်္ကျီမှာ မျက်ရည်တို့ စိုသွားရသည်။