(၂)ဇာတ်လိုက်၏ဗီလိန်ဇနီးသည်

chapter 271

Chapter 271
Imperial MeowFebruary 16, 2023
Chapter 271

ဇနီးမောင်နှံများသည် သားသမီးများ မမွေးဖွားမီ လက်ထပ်ရသည်ကို ရှင်းရှင်း အမှန်ပင် မသိပေ။သူတို့ မိဘများမင်္ဂလာပွဲအကြောင်း ကြွားလုံးထုတ်တတ်ကြသည့် ကျောင်းက သူငယ်ချင်းများကြောင့်သာ ချန်းဟွမ်ကို မေးရခြင်း ဖြစ်သည်။

ချန်းဟွမ်က ခဏ စဉ်းစားပြီး ပြန်ဖြေလိုက်သည်။

"မေမေလည်း အဲဒါကို သေချာမသိဘူး…"

"ဘာဖြစ်လို့ မသိရတာလဲ…"

"ဘာလို့လဲဆိုတော့ ဒါက မေမေတစ်ယောက်တည်း  ဆုံးဖြတ်နိုင်တဲ့ ကိစ္စမဟုတ်ဘူးလေ…"

ချန်းဟွမ်က ပုံပြင်စာအုပ်အား ချထားလိုက်ပြီး ရှင်းရှင်းကို စောင်ခြုံပေးလိုက်သည်။

"တော်ပြီ… အိပ်ချိန်ရောက်ပြီနော်… မနက်​ဖြန်​​ကျောင်း​သွားရမယ်လေ.."

ရှင်းရှင်းက အင်းကနဲ ညီးတွားလိုက်ကာ မျက်လုံးမှိတ်ထားလိုက်သည်။

"ဂွတ်ဒ်နိုက်နော် မေမေ…"

ချန်းဟွမ်ကလည်း သူ့ပါးကို နမ်းလိုက်သည်။

"သားလည်း အိမ်မက်လှလှ မက်ပါစေနော် ချစ်လေး…"

***

ရှင်းရှင်း သည် တယောထိုးတတ်လာသည်နှင့်အမျှ ချန်းဟွမ် လည်း ရှန်းရှီနှင့် ပို၍ရင်းနှီးလာခဲ့သည်။ ရှန်းရှီ သည် သူမပတ်ဝန်းကျင်ထဲတွင် ထူးဆန်းသောသူ တစ်ယောက်ဖြစ်လို့နေသည်။ သူမသည် ရည်မှန်းချက် မရှိပုံပေါက်နေပြီး အချိန်ဖြုန်းတတ်သူ ဖြစ်သော်လည်း အတန်း မတက်ဘဲမနေခဲ့ပေ။သူမကို စွန့်ပစ်ခဲ့သည့် အမေဖြစ်သူကို မုန်းတီးခဲ့သော်လည်း အငြိုးထားမနေ‌တော့။ သူမမှာ ယောက်ျားများနှင့် လက်ပွန်းတတီးနေရသည်ကို နှစ်သက်သည့် ပလေးဂဲလ် တစ်ယောက်လို ဖြစ်နေသော်လည်း ယောက်ျားများကို မုန်းတီးနေကြာင်း သူမနှင့်ရင်းနှီးသူတိုင်း သိကြ၏။

ရှန်းရှီ သည် အတိတ်က ဖြစ်ရပ်များကြောင့် ပေါင်းသင်းဆက်ဆံရခက်သူတစ်ယောက် ဖြစ်နေသဖြင့် ချန်းဟွမ် သူမကို စာနာနားလည်မိသည်။သူမ၏ ဘဝအတွေ့အကြုံများမှာလည်း ရှန်းရှီနှင့် အတော်လေး ဆင်တူသောကြောင့် ချန်းဟွမ် သူမကို အလွန်ဂရုစိုက်ပေးပြီး ဆုံးမလေ့ရှိသည်။သူမ ကရုဏာဒေါသနှင့် ပြောဆိုသော စကားများကို ရှန်းရှီ စိတ်ဆိုးတတ်သော်လည်း ခဏသာ၊မကြာခင် သူမကို ပြန်လာခေါ်တတ်၏။