Chapter 191
ချန်းဟွမ် အနည်းငယ် ရှုံးနိမ့်သွားသလို ခံစားလိုက်ရပြီး စိတ်လည်းညစ်သွားရသည်။
သူမ ဒီကိစ္စကို ကလေးလေးတစ်ယောက်နဲ့ ဘာလို့ ပြောနေရမှာလဲ....
သူမက ရှင်းရှင်းကို ခဏစိုက်ကြည့်လိုက်ပြီး အဝေးကိုတစ်ချက်ကြည့်ကာ အာရုံပြောင်းဖို့ ကြိုးစားလိုက်သည်။
"ဒါဆို သား ဖေဖေ့ကို မေးမှ ရမယ်...."
ထို့ကြောင့် ချန်းဟွမ် နှင့် ဖုန်းပြောပြီး မိနစ်အနည်းငယ်အကြာတွင် ကျန်းမင်ယွမ် မှာ သားဖြစ်သူဆီက ဖုန်းဝင်လာလေသည်။ယခု သူ နေ့လည်စာစားနေခြင်းဖြစ်၍ ရှင်းရှင်း ဖုန်းဆက်သည်ကိုလည်း အံ့အားသင့်သွားရသည်။သူက တစ်ခုခု အကြောင်းထူး၍ ဆက်သည်ဟုထင်ခဲ့သော်လည်း ဖုန်းကို ကိုင်လိုက်သည်နှင့် သားဖြစ်သူ၏ ရန်ထောင်သံကို ကြားလိုက်ရလေသည်။
"ဖေဖေ...သားကို မချစ်ဘူးလား..."
"ဘာလို့ အဲ့လိုပြောရတာလဲ...သားရဲ့..."
ကျန်းမင်ယွမ် အလွန်အံ့သြသွားရပြိး ကလေးကို သူ့အမေက မြှောက်ပေးလိုက်သည်ဟု ထင်လိုက်သည်။
"သားကို ဘယ်သူပြောတာလဲ...."
ရှင်းရှင်းက ခါးထောက်လိုက်ပြီး စိတ်ဆိုးမာန်ဆိုး ပြောလေသည်။
"ဘယ်သူမှ မပြောဘူး...သားသိနေတာ...မေမေ့ဆီ ဖေဖေက ပန်းတွေ ပို့ပေးပေမယ့် သားကို မချစ်တော့ ပန်းမပို့ပေးဘူး..."
ကျန်းမင်ယွမ် မှာ ချန်းဟွမ်ကိုသာမက သားဖြစ်သူကိုပါ လက်မြှောက်ရလေသည်။ ချန်းဟွမ်ကို အနည်းငယ် အပြစ်တင်လိုက်မိသဖြင့် သူစိတ်မကောင်းဖြစ်သွားရပြီး သက်ပြင်းတစ်ချက်ချကာ ပြောလိုက်လေသည်။
"ရှင်းရှင်းကလည်း ပန်းတွေကြိုက်တာလား..."
“ဟုတ်...”
ရှင်းရှင်း က ခပ်ပြတ်ပြတ် လေသံနှင့် ပြောလိုက်သည်။
“ဒါဆို ခဏ စောင့်နော် ချစ်တုံးလေး... နာရီဝက်လောက်ကြာရင် ဦးလေးတစ်ယောက် လာပို့လိမ့်မယ်...ရလား သား..."
“အိုကေ....”
သူကြားချင်သောအဖြေကို ရပြီးနောက် ကလေးလေးသည် စိတ်မဆိုးတော့သလို ခါးမထောက်တော့ဘဲ ဆိုဖာပေါ်တွင် ပြန်ထိုင်လိုက်သည်။ထို့နောက် သူက ခြေထောက်နှစ်ချောင်းကို ယမ်းနေရင်း အဖေဖြစ်သူကို ချစ်ကြောင်း ဝန်ခံလိုက်သည်။
YOU ARE READING
(၂)ဇာတ်လိုက်၏ဗီလိန်ဇနီးသည်
General Fictionwp က error ခဏဖြစ်ဖြစ်နေလာမသိပါဘူး အရင်ကဆိုအပိုင်း၂၀၀ထိတင်ရတယ်အခု ၁၅၀တစ်ခါတစ်ခါဆ်ု၁၄၀ကျော်လောက်တဲ့တင်မရတော့လို့နောက်တစ်ပုဒ်မှာပြောင်းတင်ရနော့တယ်အဲ့ကြောင့်စာဖတ်သူလေးတို့ကဖတ်မေရင်းမပိုင်းပျောက်သွားရင်accထဲ၀င်ရှာကြည့်ကြပါနော် ကျေးဇူးတင်ပါတယ်
