(၂)ဇာတ်လိုက်၏ဗီလိန်ဇနီးသည်

Chapter 234
Chapter 234February 13, 2023

အိပ်မက်မဲ့သောညဖြစ်ခဲ့လေသည်။

ချန်းဟွမ် နောက်တစ်နေ့နံနက်စောစောတွင် အိပ်ရာမှထကာ နှစ်သစ်ကူးညစာအတွက် ပြင်ဆင်နေတော့သည်။

သူမ မနေ့က ခေါက်ဆွဲပြုတ်ခဲ့ချိန်တွင် လတ်ဆတ်သော အသားများနှင့် ဟင်းသီးဟင်းရွက်များစွာကို တွေ့ခဲ့၏။

ထိုအခါ တစ်စုံတစ်ယောက်ထံမှ မှာယူထားခြင်းဖြစ်ကြောင်းကို ကျန်းမင်ယွမ်က ပြောပြခဲ့သည်။

ချန်းဟွမ်က များများစားစားဆက်မမေးတော့သော်လည်း ပစ္စည်းများကို တစ်ချက်ကြည့်လိုက်ရုံဖြင့် အရည်အသွေးကောင်း‌မွန်ကြောင်း တပ်အပ်သိနိုင်လေသည်။

ပြင်ဆင်မှုလုပ်ငန်းသည် အရှုပ်ထွေးဆုံးဖြစ်သည်။

ချန်းဟွမ် မုန့်နှစ်ကို စတင်ပြင်ဆင်လိုက်ပြီး အမဲသားကို ရေအေးထဲ စိမ်လိုက်သည်။ သူမအအေးခံထားသော သိုးသားအတုံးများကို ဆွဲထုတ်လိုက်ပြီး ဝက်ဗိုက်သားကိုလည်း ပါးပါးလှီးထားသေး၏။

အမဲသားပြုတ်ထားချိန်တွင် ဂျုံမုန့်နှစ်က အဆင်သင့်ဖြစ်လုဆဲဆဲပင်။

ချန်းဟွမ်က ပြင်ဆင်ထားသောမုန်လာချဉ်အချို့ကို  မြည်းကြည့်လေသည်။ချိုမြိန်ပြီး ကြွပ်ကြွပ်ရွရွရှိလှ၏။

သူမ ၎င်းတို့ထဲမှအချို့ကို ဇလုံအတွင်းထည့်ကာ ကြက်ဥပန်ကိတ်နှစ်လုံးကို ပြုလုပ်ခဲ့သည်။

သားအဖနှစ်ယောက် အောက်ထပ်သို့ဆင်းလာသောအခါတွင် ချန်းဟွမ်က ပန်ကိတ်များကို ထုတ်လိုက်၏။

မီးဖိုချောင်ထဲရောက်လာသည်နှင့်တစ်ပြိုင်နက် ရှင်းရှင်းက အနံ့ခံတော့သည်။ မီးဖိုချောင်တွင်းရှိ အသားများအားလုံး အစိမ်းဖြစ်နေသေးသည်ကို တွေ့ရှိသွားသောအခါ ကလေးလေးက အလွန်စိတ်ပျက်သွားသည်။

“ မေမေ...သား အသားလိုချင်တယ်”

ရှင်းရှင်းက နှုတ်ခမ်းထော်ပြီးပြောလေ၏။

ချန်းဟွမ်က ရှင်းရှင်း၏ခေါင်းကို ခပ်သာသာ ပုတ်လိုက်သည်။