ကြွေခလှည့်ပါ…မဘုရား
မူရင်းစာရေးသူ – 티야베 (Tiyabe)
ဘာသာပြန်သူ – Marilee
****
အခန်း ၄၃ {အခက်အခဲ ၃}
ပြတင်းပေါက်အပြင်ဘက်ကို ကြည့်နေခဲ့တဲ့ မင်းသမီးက လှည့်ကြည့်လာခဲ့တယ်။ ပလက်တီနမ် ရွှေအိုရောင်ဆံပင်တွေက နေရောင်ထဲမှာ တောက်ပနေခဲ့တယ်။
“ရောက်လာပြီလား။”
အလင်းရောင်ကြောင့် မင်းသမီးရဲ့မျက်နှာကို ကောင်းကောင်းမမြင်ရပေမဲ့ မင်းသမီးက သူ့ကို စေ့စေ့ကြည့်နေမှန်း အတပ်ပြောနိုင်ပါတယ်။
“ရုတ်တရက်ကြီး ခေါ်လိုက်ရလို့ အားနာပါရဲ့။ ဒါပေမဲ့ နင့်ကို ပြောစရာလေးရှိလို့…စိတ်မရှိဘူးဆိုရင် နားထောင်ပေးမလား။”
“ဒါပေါ့၊ အရှင်မင်းသမီးက ကျွန်တော့်ရဲ့ အရှင်သခင်ပဲလေ။”
အာရန်က ခေါင်းကလေးငဲ့လိုက်တယ်။ သူ့အဖြေက ခနဲ့နေတာဟုတ်မဟုတ် တွက်ဆဖို့ကြိုးစားနေပုံပါပဲ။ အီနော့ခ် ရယ်လိုက်မိတယ်။ မင်းသမီး စိတ်ပြောင်းသွားပြီလားလို့တွေးရင်း သူဖြုန်းခဲ့တဲ့အချိန်က အလကားဖြစ်သွားခဲ့တာပဲ။
ဒါပေမဲ့ မင်းသမီးနဲ့မတွေ့ဖြစ်တာ တော်တော်ကြာသွားခဲ့ပြီဖြစ်ပြီး မင်းသမီးက ဒီနေ့ ကျေးဇူးတင်စရာကိစ္စကို လုပ်ခဲ့တာကြောင့် မင်းသမီးအပေါ် ကြင်ကြင်နာနာဆက်ဆံပေးဖို့ ဆုံးဖြတ်လိုက်တယ်။
“ဟိုတစ်နေ့က ကျွန်တော်မျိုး အင်မတန် ရိုင်းပျခဲ့မိပါတယ်။ ခွင့်လွှတ်ပါ။”
“ဟင်။ အို မဟုတ်တာ။ တောင်းပန်ပါတယ်။ ငါ အတွေးလွဲသွားခဲ့တာ။”
အာရန်က အီနော့ခ်ရှိရာဆီ စွေ့ခနဲရောက်လာခဲ့တယ်။ သူ့ရဲ့ ဆံပင်ရှည်တွေကနေ မွှေးရနံ့သင်းသင်းဖျော့ဖျော့လေး ရနေခဲ့တယ်။ သူက ကြမ်းပြင်ကို စိုက်ကြည့်နေရင်း တိုးတိုးလေးပြောခဲ့တယ်။
“ငါ အဲ့ဒီကိစ္စအတွက် စဉ်းစားနေတာ။”
“ဘာကို စဉ်းစားခဲ့တာပါလဲ။”
“နင့်ကို စိတ်မသက်မသာမဖြစ်စေဘဲ ဘယ်လိုများ ငါ့အနားမှာ ထားရမလဲဆိုပြီးတော့လေ။”
YOU ARE READING
ကြွေခလှည့်ပါ...မဘုရား [ဘာသာပြန်]
Romance[🚨Warning - R-19🚨] ဒါက physically, psychologically, emotionally ထောင့်ပေါင်းစုံက dark ဖြစ်တဲ့ ဝတ္ထုပါ။ ဒီဝတ္ထုမှာ male lead က ရက်စက်တဲ့ဇာတ်ကောင်ဖြစ်ပြီး female lead က abuse လုပ်ခံရတဲ့ victim ပါ။ တချို့တွေအတွက် sensitive ဖြစ်နိုင်လောက်တဲ့ ဇာတ်ဝင်ခန...
![ကြွေခလှည့်ပါ...မဘုရား [ဘာသာပြန်]](https://img.wattpad.com/cover/363934651-64-k57170.jpg)