<Unicode>
နတ်ဆိုးနဲ့ခရမ်းချဉ်သီး ၃ မိနစ်လောက်ကြာတော့ ပုန်းနေရာကနေထွက်ပြီး အသက် ၅% လောက်သာကျန်တော့တဲ့ လူ 10 ယောက်ကို တက်ညီလက်ညီတိုက်တော့သည်။
ကျန်တဲ့သူတွေမှာလည်း ရုတ်တရက်တိုက်ခိုက်ခံလိုက်ရတာကြောင့် ပြန်ခုခံချိန်တောင်မရဘဲ သေဆုံးသွားကြတော့သည်။
နတ်ဆိုးနဲ့ခရမ်းချဉ်သီးကလည်း လက်နက်အကုန်လုံးကိုကောက်ပြီး သိမ်းထားလိုက်သည်။ထို့နောက် မြေပုံကို တစ်ချက်ကြည့်လိုက်တော့ သူတို့ရဲ့ ခြေ ငါးလှမ်းအကွာမှာ ရပ်နေတဲ့ အနီရောင်အစက် 3 စက်တွေ့လိုက်သည်။
သဘောက အနီရောင်တပ်သား 3 ယောက်က သူတို့ကိုတိုက်ဖို့ ထိုနေရာမှာချောင်းနေသည့်ပုံ..အခုမှ Boss game ကိုစဆော့ဖူးသူတွေထင်တယ်..
ဇာတ်ကောင်က ပုန်းချင်ရင် မြက်ပင်ရှည်နဲ့ကျောက်တုံးတွေကြားမှာပုန်းနိုင်သည်။ဒါဆို မြေပုံမှာ သူတို့ရဲ့တည်နေရာမပေါ်တော့ဘူး...
"ကြည့်ရတာ သူတို့အဖွဲ့သားအတွက်မကျေပွဲလာနွှဲတဲ့ပုံဘဲ"
"ကိုယ်တို့တိုက်ကြမလား ကလေး"
"တိုက်ရမှာပေါ့ ဟမ်နေအုံး မင်းငါ့ကိုဘယ်လိုခေါ်လိုက်တယ်"
"နတ်ဆိုးကလေးလို့ခေါ်လိုက်တာလေ"
"အော် "
နတ်ဆိုး ဓါးကို ပျင်းတိပျင်းရိကိုင်ပြီး အရှေ့ကိုထွက်လာခဲ့သည်။အနောက်နားက လူမှာတော့
'ဟူး တော်သေးတယ်သူသေချာမကြားလိုက်လို့'
တစ်ယောက်ထဲတွေးပြီး လေပူတွေမှုတ်ထုတ်ကာ အနောက်ကိုအပြေးလိုက်တော့သည်။နတ်ဆိုး သူ့ရှေ့မှာရှိနေတဲ့အဖွဲ့သား ၃ ယောက်ကိုကြည့်လိုက်သည်။
တိုက်ခိုက်သူ၊တိုက်ခိုက်သူ၊ကူညီသူ သုံးယောက်ဖြစ်နေသည်။တိုက်ခိုက်သူတစ်ယောက်နဲ့ကူညီသူက လက်နက်မရှိတော့ဘဲ ကျန်တဲ့တိုက်ခိုက်သူတစ်ယောက်ကသာ လှံရှည်ကိုကိုင်ထားသည်။
နတ်ဆိုးအချိန်ဆွဲမနေတော့ဘဲ ထိုနေရာကို ပြေးသွားကာ ဓါးနဲ့လှမ်းခုတ်ကာတိုက်တော့သည်။
ဓါးနဲ့လှမ်းခုတ်ချိန် လျှပ်စစ် skill ကိုပါထုတ်သုံးလိုက်တာကြောင့် ဓါးနဲ့အခုတ်ခံရသူဟာ အသက် % အတော်လျော့သွားသည်။
