{COMPLETED} Can't save the world by pretending to be dead

ch 43

အခန်း ၄၃

လျန်ရှီက  ရှုလန် ကို ဒီမှာတွေ့ဖို့ မမျှော်လင့်ထားဘူး။

Cat fur sauce အဖြစ်အပျက်ပြီးကတည်းက ရှုလန် ကိုမတွေ့တာ နှစ်လလောက်ရှိပြီဖြစ်ပြီး နှစ်ယောက်စလုံးက ဖုန်းနဲ့ သာ ဆက်သွယ်ကြ လေ့ရှိသည်။

တကယ်တော့ရှုလန် ဟာ ​​လည်း လျန်ရှီ ကိုတွေ့ဖို့ မမျှော်လင့်ခဲ့ပါဘူး။ တစ်ဖက်လူကိုမြင်သောအခါတွင်ရှုလန် က လျန်ရှီက သဘာဝလွန် ဖြစ်ရပ်အတွက် ရောက်လာနိုင်သည်ဟု မသိစိတ်ကနေ ခန့်မှန်းခဲ့သည်။ သို့သော် လျန်ရှီဘေးတွင် ရပ်နေသော လူနှစ်ယောက်ကို သူမြင်လိုက်ရသည်။ အနက်ရောင်ဝတ်ထားသော အမျိုးသားတစ်ဦးက တင်းမာသောအသွင်အပြင်ရှိပြီး နောက်တစ်ယောက်မှာ တုံးအပုံရသော အလယ်တန်းကျောင်းသလေးဖြစ်သည်။

သရဲတစ္ဆေဖမ်းဖို့ အရွယ်ရောက်ပြီးတဲ့လူကို ခေါ်လာရတာက အဓိပ္ပာယ်ရှိပေမယ့် ကလေး တစ်ယောက်ကို သရဲတစ္ဆေဖမ်းဖို့ အပြင်ကို ခေါ်သွားတာက...

ရှုလန် က ပြုံးပြီး "မင်း ခရီးသွားရင် ငါ့နာမည်ကို သုံးလို့ရတယ်။ ငါ့ကုမ္ပဏီက ဟိန်သျန် ကမ္ဘာစတူဒီယို  မှာ ရင်းနှီးမြှုပ်နှံမှုတွေ ရှိတာမို့ တန်းစီနေစရာ မလိုဘူး။"

မထင်မှတ်ပဲ၊ တစ်ဖက်လူက သူ ခရီးသွားတာလို့ အထင်မှားသွား၏။ လျန်ရှီ က သူ့နှုတ်ခမ်းတွေကို လှုပ်လိုက်ပြီး ချေပချင်ပေမယ့် ငြင်းလိုက်ရင် သူက ခရီးသွားမဟုတ်တဲ့အတွက် ဟိန်သျန် ကို ဘာကြောင့်  လာရသည်အား ရှုလန် ကို ရှင်းပြရမည်ပင်။ ထို့ကြောင့် သူက  ခရီသွားတယ်ဟူသော ဆင်ခြေကိုပဲ ရွေးခဲ့သည်- "ကျေးဇူးတင်ပါတယ်"။

ရှုလန် - "မင်း ​ကျေးဇူးတင်​စရာ မလိုဘူး။ ဒါဆို ငါလုပ်​စရာရှိလို့ အရင်​သွားလိုက်​‌ တော့မယ်။"

ရှုလန်တကယ်အလုပ်ရှုပ်နေပုံရပြီး  နှုတ်ဆက်ပြီး လှည့်ထွက်ခဲ့၏။

လျန်ရှီ သူ့နောက်ကျောကို ကြည့်လိုက်ဂင်း ရုတ်တရက် သူ့စိတ်ထဲတွင် အလင်းတန်းတစ်ခု ပေါ်လာသည်။ မနေ့ညက သူ့အား ခေါ်လာတဲ့ ဖုန်းကို သတိရသွား၏။ ရှုလန် ပြောခဲ့တဲ့ တစ်ခုခုမှားနေတဲ့ မင်းသား က ရှောင်ဟူလိ ကြိုက်တဲ့ သူ ဖြစ်နိုင်ပါ့မလား။