ဝင်္ကပါထဲကအချစ် (MAZE)

အပိုင်း ၆၅

  

               ' ကိုကြီးရှင်း !!´
           'ဟ ! ကလေး ? ဘယ်လိုရောက် ..´
           'ကိုကြီးနဲ့လိုက်လာတာလေ။အကိုရှင်းတို့ ညနေစာ စားပြီးပြီလား ?´
           'ဘယ် ဒီအချိန် စားရဦးမှာလဲ ..ဇေကြီး ??´
           'အေး ဒီမှာလေ ညီမလေးက ချက်ပြုတ်ပြီး မင်းဆီ ဟင်းပို့ချင်တယ် တဂျီဂျီ ပူဆာနေလို့ လိုက်ပို့ရတယ်။´
          'ဟီး..´
          'ရှင်းလေးကလည်းကွာ ဘာလုပ်ဖို့လဲ။နေလည်းကောင်းသေးတာ မဟုတ်ပဲနဲ့ အိမ်မှာနေတာ မဟုတ်ဖူး..´
          'ဘာတွေလဲ ? ဟ ငါတော့ ဒီမှာထမင်းစားသွားဦးမှ။´
          'ဟင်..ကိုကြီး Neo အတွက် မပါဘူး။´
          'ဟား ဒီကလေး ငါ့ဆို..ဟေး  Bro မတွေ့ရတာ ကြာပြီနော်။´
          'ဟာ အကို Neo ! ခုချိန်ထိ မပြန်သေးဘူးလား ? ညနေတောင် စောင်းနေပြီ။ ဆိုင်ဖွင့်ဖို့ရော..´
          'ခုပဲ ပြန်တော့မလို့။ဒါပေမဲ့ မင်းတို့ယူလာတဲ့ ဟင်းချိုင့်ကြီးတွေ့တော့ စားပြီးမှပဲပြန်တော့မယ်။´
          'ဟင် !! ကျွေးဖူးဆို..´
          'တွေ့လား လက်ပေါက်ကပ်မလေး။ငါ့ဆို လုံးလုံး မသဒ္ဒါဘူး။သူ့ ကိုကြီးရှင်းမှ ကိုကြီးရှင်း။
         မင်းကော မင်းညီမက သူငယ်ချင်းဖြစ်သူကိုပဲ အသဲပိုနေတာ ဘယ်လိုခံစားရ..´
           'ကျွန်တော်လား ? ကျွန်တော်ကတော့ ဘာမှမခံစားရပါဖူး။သူတို့ချင်း အဆင်ပြေနေကြရင် ချစ်နေကြရင် ပြီးတာပဲ။´
          'ဟပ် တွေ့လား မင်းယောက်ဖတော်က မင်းအပေါ်ဘယ်လောက် ကောင်းလိုက်သလဲ ဆိုတာ..
            ကဲ သွားပြီ။ Pachy သွားပြီ။´

           ..သွားသွား နားငြီးတယ်။ ဟွန်း
             သူမ ဟင်းချိုင့်တွေလှည်နေရင်းမှ စိတ်တွင်းမှပင်  ဆိုလိုက်ပါလေတော့သည်။

             သူမက ကြက်သားဟင်းတစ်အိုးကြီးချက် ယူလာခဲ့တော့ သူနှင့် သူ့သင်တန်းသားတွေ အားလုံးလည်း အတူစားနိုင်ကြကာ တစ်အိုးလုံးလည်း တစ်ခါထဲ ပြောင်သွားပါလေတော့သည်။
          သူက သူမတို့ မောင်နှမ ပြန်တော့မည်ဆိုတော့ လိုက်ပို့ရင်းပင် သူမကားပေါ် အတက်မခံသေးပဲ
          ' ရှင်းလေး ကိုယ့်ကလေးလေး လွမ်းလိုက်တာကွာ။မတွေ့ရတာ တစ်နေ့ခင်းပဲရှိသေးတယ်။ရှင်းလေးပြန်တောင် မလွှတ်ချင်တော့ဘူး..´
          'ဟင် ကိုကြီးရှင်းကလည်း အကိုကြီးစောင့်နေပြီ။´
           သူက သူမပင် နံရံမှာကပ် နမ်းရှိုက်ရန်ဟန်ပြင်တော့ ပြောလိုက်ရကာ သူက
          'ခဏပါကွာ ခဏလေး။ဇေကြီးက ကားပေါ်မှာစောင့်နေမှာပေါ့။ခဏလေးကွာ..´
           သူနှင့်တော့ ခက်နေတော့သည်။သူမလည်း သူ့အလွမ်းတွေနှင့် နမ်းရှိုက်တာခံနေရရင်း သူ့နောက်ကျောမိုးကောင်းကင်ပေါ် သာနေသော လမင်းကြီးကြည့် မှင်သက်နေမိသည်။
           ဝတ္ထုထဲ လမင်းကြီးက တစ်ကယ့်အပြင်ကမ္ဘာမှာလိုပင်။သူမ သူတို့နှင့် နေရတာပင် ရူးတော့မည်။
           ဝင်္ကပါထဲ သူကလည်း သူမချစ်လိုက်တာမှ တစ်စိုက်မတ်မတ်။ဝတ္ထုထဲက သူကလည်း သူမချစ်လိုက်တာမှအရူးအမူး။နှစ်ယောက်က တစ်ဦးတည်းဆိုလို့သာ။နောက်ဆို သူမက လှေနံနှစ်ဖက်နင်းထားသော မိန်းမဖြစ်နေပြီ။
             သူမကလည်း သူတို့နှစ်ဦးထဲ ဘယ်သူ့ပိုချစ်နေသည် ဝေခွဲမရ။