ဝင်္ကပါထဲကအချစ် (MAZE)

အပိုင်း ၈၀

                   'အားလုံး ဒီည ပွဲရှိတယ်။ Alpha နဲ့ Epsilon တို့ရဲ့ ပြိုင်ပွဲ။
              တကယ်လို့ ဒီပွဲမှာ alpha က သူ့နောက်လိုက်ကို ထပ် ရှုံးနိမ့်နေဦးမယ်ဆိုရင် သူက alpha လုပ်ဖို့ နောက်အခွင့်ရေးတစ်ခု ထပ်ဆုံးရှုံးသွားတာပဲ။
             သူ ဒီလို သူ့နောက်လိုက် အားလုံးကို ဆက်ရှုံးနေရင် သူက alpha လုပ်ဖို့ အဆင့်မမှီတော့ဘူးလို့ သတ်မှတ်ခံရတော့မယ်။
             သူက အရင် beta,gamma နဲ့ delta တို့ကိုလည်း ရှုံးနိမ့်ပြီးဖြစ်နေလေတော့ ဒီပွဲမှာသူ ထပ်ရှုံးရင် သူ့ဘယ်သူမှ ထပ်အားပေးကြမှာ မဟုတ်တော့ဖူး။
             ဒါကြောင့် Queen ! မင်းက​ဖျောင်းဖျ ရလိမ့်မယ်။သူ့ အတွက် နိုင်နိုင်မဲ့ ကောင်ကို ရွေးစီးဖို့ပေါ့။ကြားရဲ့လား queen !!´
            'ဟင် ! ရှင် ? ဟုတ်။´
             သူမ အဖြေကြောင့် ဘေးမှ ကြောင်နက်မက သူမပင် အံ့ဩလှည့်ကြည့်တော့သည်။ကြောင်နက်မ သို့မဟုတ် ယခု 020 ၏ mate က သူမ အခုမှ queen ဆိုတာ သိသွားသည်။ပထမ သူမက သူမကို 031 ၏ mate ဟုပဲထင်နေတာ။
             'ညနေပွဲအတွက် စားသောက်ပြီးအခွံလွတ်တွေကို ကျွေးမွေးပြီးတာနဲ့ ဒီထဲပြန်လာ အားလုံးစုရမယ်။Queen နဲ့ နောက်လိုက်တွေရဲ့ mate တွေအားလုံးက အငယ့်အခန်းသွား ပြင်ဆင်ထားရမယ်။
             အကူတွေအားလုံးက ဧည့်သည်တွေ စားဖို့သောက်ဖို့အတွက် အလတ်နဲ့အတူ ပြင်ဆင်။
             အခွံလွတ်တွေရဲ့ mate တွေအားလုံးကတော့ ငါနဲ့အတူ ခန်းမကိုပြင်ဆင်ရမယ်။နောက် ပြင်ဆင်ဝတ်စားပြီး အငယ်နဲ့အတူ ဧည့်သည်တွေကို ကြိုဆိုဧည့်ခံ နေရာချပေးရမယ်။
             020 ရဲ့ mate!  020 ရဲ့ mate !! ဟဲ့ ငါခေါ်နေတာ မကြားဖူးလား။´
             ကြောင်နက်မက အကြီးက သူ့ခေါ်နေတာပင် မကြားဟန် ခေါင်းကြီးငုံ့ ငြိမ်နေလေတော့ ဘေးမှတစ်ယောက်ကပင် သူမ လက်နှင့်တို့ သတိပေးလိုက်ရသည်။
             'ဟင် ! ရှင် ဘာလဲ အကြီး ?´
             ကြောင်နက်မက တွေနေရာမှ မြန်မြန်ထူးလိုက်တော့ အကြီးက သက်ပြင်းချကြည့်
             'မင်း ဟိုတစ်ခါလို ပွဲမှာ အမှားလုပ်လို့တော့ မရဖူးနော်။မင်းကြောင့် ဧည့်သည် ဘယ်လောက် စိတ်အနှောင့်အယှက် ဖြစ်သွားရတယ် မင်းသိတယ်မဟုတ်လား ?´
             'ဟင် ရှင် ဟုတ်။´
             'အေး ဒီနေ့တော့ အဲ့လိုထပ် မဖြစ်စေနဲ့။ကိုယ့်ကိုယ်ကို ဘာလဲဆိုတာသိ။မကြာခင် alpha နဲ့ epsilon က သူတို့စီးမဲ့ အခွံလွတ်ကောင်တွေ ရွေးတော့မှာမို့ အဲ့သွားကြည့်ကြမယ်။
             ရွေးခံရတဲ့ အခွံလွတ်ကောင်တွေရဲ့ mate တွေနဲ့ အကူတွေကလည်း queen နဲ့အတူ အငယ့်အခန်းကို သွားရမယ်။
             Queen က ဒီ under world game ထဲ ပထမဆုံး အတွေ့အကြုံမို့ သူ့ကူဖို့ လူလိုတယ်။ သူ့ကို ပညာပြမယ် မကြိုးစားကြနဲ့နော်။ငါ အားလုံးသိတယ်။ မြင်လည်းမြင်တယ်။ တစ်ခုခု မှားရင် ပြဿနာဖြစ်ရင် ငါ့အကြောင်း သိမယ်။´
             ဟု ဆိုလိုက်လေတော့ အားလုံးလည်း ခေါင်းလေးတွေ ပုဝင်သွားကြလေတော့သည်။