Chapter 53.1

502 67 0
                                    

အခန်း ၅၃.၁ - လပြက္ခဒိန်၏ နှစ်သစ်ကူးကာလ

ကုကျန်း၏ ကြက်၊ ငါးများမှာ ရိက္ခာဖြန့်ဝေသော တာဝန်ခံအဖွဲ့အစည်းထံမှ ဝယ်ယူလာခဲ့ခြင်းဖြစ်ပေသည်။

နှစ်စဉ်နှစ်တိုင်း၏ နှစ်သစ်ကူးကာလချိန်ခါများတွင် ရွာအတွင်းရှိ ရေကန်အချို့မှာ ရေခန်းခြောက်သွားတတ်ပြီး ထိုကန်များအတွင်းမှ ငါးများကို ဖမ်းယူကြကာ အထူးသီးသန့်ပြင်ဆင်ထားသော ရွှံ့နွံရေအိုင်များတွင် မွေးမြူကြသည်။ အခြားသော ရေခန်းခြောက်သွားကြပြီဖြစ်သည့် ရေကန်များကမူ နောက်တစ်နှစ်တွင် ပြန်လည်အသုံးပြုကြမည်ဖြစ်၏။ ထို့နောက် ရေကန်အတွင်း ကျန်ရှိနေသည့် နှုန်းမြေနုသားများအား ဆယ်ယူကြကာ လယ်ယာစိုက်ခင်းများတွင် ထည့်စေလျက် ဤသို့အားဖြင့် နောက်နှစ်သီးနှံစိုက်ပျိုးသည့်အခါ မြေဩဇာများ တကူးတက ထည့်သွင်းရန် မလိုအပ်တော့ပေ။

ကုယောင်က စိတ်လှုပ်ရှားပျော်ရွှင်စွာဖြင့် ရှေ့တိုးသွားလိုက်ပြီး ပြည့်ပြည့်ဖြိုးဖြိုး ငါး ၂ ကောင်ကို လှမ်းယူလိုက်ပြီး အံ့ဩပျော်ရွှင်မှုများဖြင့် ချင်လင်လင်အား ပြသလေသည်။ "ယောင်းမ ဒီနှစ် ကျွန်မတို့မှာ ကြက်သားနဲ့ ငါးတွေရှိနေပြီ။"

ကုကျန်းက ပြောလေသည်။ "ဒီနှစ်တစ်နှစ်တည်းထက် ပိုပါတယ်။"

ချင်လင်လင်က သိလိုစွာ မေးမြန်းလိုက်သည်။ "ကြက်နဲ့ ငါးတွေကို ရှင် ဘယ်မှာ သွားဝယ်လာတာလဲ။"

"တာဝန်ခံခေါင်းဆောင်အဖွဲ့မှာ သွားဝယ်ခဲ့တာ။ နှစ်သစ်ကူးအတွက် အထူးသီးသန့်လေ။ ကူပွန်လက်မှတ်တွေ မလိုဘူး။ ငါ ဝယ်ခဲ့တဲ့ ကြက်နဲ့ငါးတွေက ဈေးလည်းချိုတယ်။"

ကုကျန်း၏စကားများမှာ ချင်လင်လင်က ဈေးကြီးလွန်းသည်ဟု ထင်မြင်မည်ကို စိုးရိမ်ပါသည့်အလား ဈေးချိုပါသည်ဟု တမင်ထည့်ပြောနေလေသည့်ဟန်။

ချင်လင်လင်က အမှန်တကယ် မယုံကြည့်ပါ။ "တကယ် ဈေးချိုတာ ဟုတ်လို့လား။"

"ဟုတ်တယ်။ တကယ် ဈေးချိုတာပါ။" ထိုအမျိုးသား၏မျက်နှာတွင် လိမ်ညာလှည့်ဖြားနေသည့်ဟန်မျိုး တစ်စက်ကလေးမှ မရှိသည့်အပြင် သူ့ညီမကိုပင် လှမ်းပြောလိုက်သေးသည်။ "ယောင်ယောင် ရေနွေးသွားတည်လိုက်။"

နိုဗယ်ထဲရောက်သွားတယ်Where stories live. Discover now