The Half ENCHANTRESS

Chap 41: RIOTE

BIANCA'S POV

"A-ANONG nangyayari?" tanong sa akin ni Hector nang makita ang nakakatakot na mukha ni Le Anne.

Kakatanggal ko lang ng epekto ng lason sa kanya kaya ngayon niya lang napansin si Le Anne.

"Kayo ang dapat naming tanungin anong nangyari?" bumaling ako kay Alfred.

Pati siya ay nagulat sa posisyon ni Alfred at Wendy. "Pa-Paano?" senyas sa akin ni Hector.

"Aba'y malay ko." balik ko sa kanya.

Nakatingin lang ng masama si Le Anne kay Alfred at Wendy tila naghihintay na mamalayan ng dalawa ang nangyayari.

Nakahapo kasi si Alfred sa noo at parang walang malay.

"Ahm, bigla pong may nagpausok sa unit." salaysay ni Chi-Chi. Mukhang nasindak din siya sa mukha ni Le Anne. "T-Tapos bigla na lang pong naduduwal si Hector at si Prince Alfred naman ay biglang gininaw. Naisipan ni Lady Wendy na bigyan siya ng Body Heat kaya-"

"Wala akong pakialam!" biglang sigaw ni Le Anne. Pasugod na sana si Le Anne nang kunin ni Chi-Chi ang hawak niyang patalim.

Pero di pa rin siya nagpatinag at hinila ang buhok ni Wendy.

"Aray." angal ni Wendy.

Inawat na siya ni Hector pero nagawa pa niyang abutin ang noo ni Alfred at nasapak pa niya ito. "GUMISING KANG TOKMOL KA!"

"Ano ba!" sigaw ni Alfred at napadilat na rin siya sa wakas. Maging siya ay nagulat nang makitang nakahubad siya ng pantaas at labas din ang kaluluwa ni Wendy. "Anong nangyari dito?"

"Ikaw dapat ang tanungin ko niyan animal ka!" patuloy pa rin ang pagtatangka ni Le Anne na pagsugod sa kanya kahit inaawat na siya ni Hector.

"Wala akong kinalaman dito." katwiran ni Alfred. Walang habas na tinulak ni Alfred si Wendy.

"Anong walang kinalaman? Nakapatong sa iyo, hinayaan mo lang!" sigaw ulit ni Le Anne. "Ano? gustong gusto mo bang maramdaman ang dibdib niya?"

"Ano bang sinasabi mo?" napabuntong hininga na lang si Alfred.