لو عرفتموه (الجزء الثاني 💜) مكتملة

174💜

# لو عرفتموه لاحببتموه
يلا صلوا على النبى :)
#غزوة_حُنين (ج1)

خلاص فتح النبى مكة ..احنا دلوقتى سنة 8 هجريا، يعني بقالك يا رسول الله 21 سنة جهاد يا رسول الله.. و بعد فتح مكة فضل النبى فى مكة لمده 19 يوم بالظبط.. هيحصل أيه؟ هيحصل.. غزوة حُنين.. حتيجى قبيلة هوازن و قبيلة ثقيف ومعاها عدد الكبير من القبائل عشان يحاربوا المسلمين و يقتلوا النبى .. فالقبائل الكافره دى حتجمع 20 ألف مقاتل بقياده واحد اسمه مالك بن عوف وبدأ يستعد للخروج لمحاربه المسلمين ..

بس مالك بن عوف هيعمل خطة فى منتهى الخبث لكن ماكنش يعرف ان الخطة دى هتبقى فى مصلحة المسلمين ..
أيه الخطة؟ جمع جيشه من الرجال وأمرهم أنهم يخرجوا بنسائهم وأطفالهم  و أموالهم ممتلكاتهم حتى الأبل و الخيول .. طب ليه عمل كده ؟ اصل مالك متأكد من قوة جيش المسلمين .. و بخطته دى كأنه بيقول لجيشه لو هربتوا هتسيبوا أموالكم ونساءكم واطفالكم وخيولكم للمسلمين فالأحسن ما تهربوش..و اثبتوا.. بس سبحان الله كانت النتيجة فى صالح المسلمين.. لان المسلمين حينتصروا و كأن مالك جهز للمسلمين غنائم المعركة على طبق من دهب.. و بسهوله..

بدأت الاخبار توصل للنبى عليه الصلاة و السلام بتجهيزات هوازن وثقيف للقتال .. فبدأ النبى يجهز حيش المسلمين لمواجهه العدو ده.. هيخرج النبى ب12000 جندى منهم 10 الاف مقاتل اللى كانوا معاه فى فتح مكه و كمان 2000 من المسلمين الجدد اللى اسلموا جديد بعد فتح مكة.. طب ليه يا رسول الله هتاخد معاك من المسلمين الجدد ؟؟ لأنهم ممكن لو كان سابهم فى مكة .. كانوا يرجعوا تانى للكفر بإن حد يهز دينهم.. طيب حيخرج النبى بسرعة من مكة و حيحارب العدو بره مكة ؟ طب ليه؟ لان ممكن المسلمين الجدد اللى لسه اسلامهم ما تثبتش يتفقوا مع هوازن وثقيف و يحاوطوا النبى جوة مكة فالأمان الاكتر ان الحرب تبقى برة مكة ....شايفين :) الله عليك يا رسول الله .. 

طب أيه التجهيزات اللى النبى حيجهز بيها جيس المسلمين ..ويا ترى النصر هيكون سهل و للا صعب؟؟ 

حنعرف المره الجايه ان شاء الله ❤
#السيرة_النبوية_بالعامية_لنورهان_الشيخ