لو عرفتموه (الجزء الثاني 💜) مكتملة

203💜

لَوٌ عٌرفُـتٌـمًوٌهّـ لَأّحًبًبًتٌـمًوٌهّـ
يلا صلوا على النبى
#وفاة_النبى (ج7)
"فى دفن النبى قالت فاطمة للصحابة : أطابت أنفسكم أن تحثوا التراب على رسول الله ! "

- يموت النبي عليه الصلاة و السلام .. والصحابة يتعبوا جداً .. ويتلم الناس على سيدنا أبو بكر الصديق وياخدوا موقف غريب جداً .. الصحابة في الظروف دي كلهم بايعوا ابو بكر الصديق اختاروه خليفة عليهم .. الصحابة فى منتهي الوعي ، لو كانوا اتأخروا في اختيار الخليفة كان ممكن يحصل مشاكل .. كان ممكن تحصل فتنة، كان ممكن يحصل اختلاف .. لازم بسرعة نلم شملنا .. بسرعة ما نسمحش لحد يدخل بيننا ..

وتمت مبايعه أبو بكر الصديق على الخلافة بالإجماع وفي مكان اسمه سقيفة بني ساعدة علشان كدة اسمها بيعة سقيفة بني ساعدة ..

طيب ايه اللي هيحصل دلوقتي ؟ طيب النبى فين دلوقتى؟ النبى في البيت و حواليه اهل البيت والصحابة .. طبعا الكل تعبان جدا وبيعيطوا جنبه والمسلمين كلهم في المسجد بيعيِّطوا .. الصحابة اللى فى اوضه النبى عليه الصلاة محتارين مش عارفين يعملوا ايه يغسلوه ازاى ؟! يجردوه من ثيابه زى باقى الأموات وللا يغسلوه فى ثيابة .. وفى وسط الحيرة دى قالوا: فألقى الله علينا النوم فسمعنا كلنا صوتا من ناحية البيت يقول: غَسِلوا النبي في ثيابه .. لا تجردوه من ثيابه .. ففوقنا وكلنا سمعنا نفس الكلام .. فقلنا إذن يُغسل النبى في ثيابه ..
طيب مين اللي هيغَسِلك يا رسول الله ؟ بعض الصحابة وكان معظمهم من آل البيت : علي بن ابي طالب - العباس عن النبي - قثم بن العباس - الفضل بن العباس - اسامه بن زيد بن حارثة - شقران مولي النبى ( خادمه) وهيبدأ الغسل .. فيقف أسامه والفضل بن العباس يقلبون النبي .. و يقف العباس يَصْب الماء ..و يبدأً سيدنا علي يُغسل النبي .. آل البيت والصحابة بيقولوا : والله كنّا لا ندري ايتقلب معنا ..أيستجيب! .. أم تقلبه الملائكة .. وكأن جسمه عايش و بيتحرك أثناء الغُسل .

وييجي ميعاد الصلاة علي الميت.. الصلاه على النبي .. وقلنا فى الحلقات اللى فاتت ان النبى وصاهم يسيبوه ساعه لوحده بعد ما يغسلوه .. فأول من صلي عليه جبريل عليه السلام .. ثم ميكائيل .. ثم إسرافيل .. ثم ملك الموت .. ثم جنود من الملائكة .. ثم يدخل الصحابة وآل البيت و باقى المسلمين فوج فوج فى صفوف يصلون علي النبي ..

وييجي ميعاد الدفن ًفالصحابة مترددين مش قادرين ياخدوا الخطوة .. ازاي حيحطوا على النبى صلي الله عليه وسلم التراب .. فيبدأ الصحابة يثبتوا بعض و يبدأوا يدفنوا النبي في مكان وفاته يعنى فى حجرة عائشة ..في نفس المكان اللي مات فيه .. فيبدأوا يحفروا القبر و ينزلوا النبي فيه.. ولسة يدوب حيقفلوا القبر ، فيجي صحابي اسمه المغيرة بن شعبة وهو كان واقف وقت الدفن و الخاتم بتاعه وقع منه فيقول : أيها الناس انتظروا فقدت خاتمي فقدت خاتمى..فسيدنا علي واقف فقال: يا مغيرة اي خاتم ؟.. قال: ياعلي أقسمت عليك فقدت خاتمي ..
فسيدنا علي يأذن له انه ينزل القبر.. فنزل المغيرة فأنكب علي النبي و ظل يقبل النبي و يبكي ويقول أردت ان أكون اخر من يودعك من الدنيا يارسول الله ( يعني هو ألقي خاتمه في قبر الرسول قاصد ) و يحاولوا يشدوه ويخرج المغيرة و يتقفل القبر علي النبي ..

سيدنا أنس بيقول: بمجرد ما أغلقنا عليه القبر ، بقينا مذهولين كأننا منعرفش بعض ..فاكرين كلمة أنس لما قال : دخل النبي المدينة يوم الاثنين فأضاء منها كل شيء ومات يوم الاثنين فأظلم منها كل شيء .. النبي مات يوم الاتنين واتدفن يوم الأربعاء .. فضل يومين معاهم عشان يصلوا عليه وكان جسد النبى من أطيب ما يكون ..

و تيجي السيدة فاطمة بسرعة عند قبر النبى و تقف امام أنس و تقول للصحابه : أطابت انفسكم ان تحثوا التراب علي وجه رسول الله ؟ ازاى قدرتوا تدفنوه و تحطوا عليه التراب :'( فبيقول أنس : فأفزعتني بما قالت وظللت ابكي ومشيت ..

بكرة الحلقة الأخيرة إن  شاء الله أستنونا