لو عرفتموه (الجزء الثاني 💜) مكتملة

173💜

#لو عرفتموه لاحببتموه
يلا صلوا على النبى :)
تلخيص غزوة حنين ❤

عشان نقدر نستوعب الغزوات سوا.. فاحنا اتفقنا اننا حنزل بوست يبقى فيها تفاصيل كل غزوة فى نقاط مختصرة و كمان أسبابها .. و بعدين حننزل يوميا بتفاصيل الغزوة كلها على حلقات بإذن الله♡
#غزوة_حُنَين

1- التوقيت: حدثت سنه 8 هجريآ..
2- سميت بهذا الأسم :
لأن المعركه كانت فى منطقه اسمها حنين

3- طرفي القتال :
الطرف الاول..قبيلة هوازن و ثقيف الكافره 25 الف مقاتل..
الطرف التانى..المسلمين 12 ألف جندى

4- أسباب الغزوة :
أتجمعت قبيلة هوازن و ثقيف الكافره عشان يحاربوا النبى عليه الصلاه و السلام بعد انتصاره فى فتح مكة ..

أحداث الغزوة :
- اتجمعت قبيلة هوازن وقبيلة ثقيف بجيش قوى من 25 الف مقاتل .

- وصلت الاخبار للنبى صلى الله عليه و سلم
و كان لسه فى مكه.. و حيخرج معاه 12 الف مقاتل.. 10 آلاف مسلم من اللى فتحوا معاه مكه و معاهم 2000 مقاتل من مسلمين مكه الجدد..

- حيجهز النبى عليه الصلاة و السلام الجيش ماديا بعدد كبير و أسحله كتيرة و حيأجر سلاح من واحد اسمه صفوان بن أُميه ..

- بسبب التجهيزات المتميزة لجيش المسلمين.. حيحصل شئ مؤسف جدا و هو ان بعض المسلمين اتغروا بالأسلحة و العدد الكبير.. و حيحصل اعجاب بالنفس..و بسبب ده حيحصل تقصير فى حماس الجيش فى مواجهة العدو..

- دخل المسلمين ارض المعركة و كان العدو اخد مواقع القتال و عمل كمائن و عملوا خطه فى منتهى الخبث و هجموا على المسلمين..

- اشتد القتال و الذعر و النبى وقف فى نص المعركة ينادى بصوت عالى عشان يلم المسلمين من تانى و يقول " أنا محمد لا كذب ..أنا ابن عبد المطلب " و يتلم الجيش حوالين النبى و يتحمس من جديد و يجتهد فى القتال..

- اتقلبت الموازين و تظهر بشاير أنتصار المسلمين و ينزل الله الملائكه و تحارب مع المسلمين.. و تحصل احداث مهمه و مؤثره جدا فى نص المعركة

حنعرفها بالتفصيل المرات الجايه إن شاء الله❤
#السيرة_النبوية_بالعامية_لنورهان_الشيخ