لو عرفتموه (الجزء الثاني 💜) مكتملة

56💜

يلا صلوا على النبى

أشتد الإيذاء من قريش و يكمل النبي ﷺ و يتعب جدا و هو ماشي يقول للناس "يا أيها الناس قولوا لا إله إلا الله تفلحوا " و في وسط التعب ده كله تنزل سورة جديدة من القرآن ..سورة أيه؟ سورة يوسف...لماذا سورة يوسف؟ شوفوا ربنا بيقول ايه فيها نَحْنُ نَقُصُّ عَلَيْكَ أَحْسَنَ الْقَصَصِ. ححكيلك يا محمد قصة يوسف و أزاي أترمي في البئر و إزاي قعد سنين تعبان في العبودية و أتأذى سنين.. لكن بعد كده حصل ليوسف ؟"مكنا له في الارض .. فﻻ تحزن يا محمد و اصبر.. فيبدأ النبي ﷺ يرتاح و ياخد عظه من أخوه يوسف عليه السلام..

و لما أخوات يوسف ذهبوا الى مصر و قال لهم "َ لَا تَثْرِيبَ عَلَيْكُمُ الْيَوْمَ يَغْفِرُ اللَّهُ لَكُمْ وَهُوَ أَرْحَمُ الرَّاحِمِين" وسامحهم... و تلف الأيام وفى يوم ما حيقدر النبى محمد عليه الصلاة و السلام على قريش و فى يوم دخوله مكه منتصر حيعفو عن كفار قريش..وحيقف قدامهم و يقولهم :ماذا تظنون أني فاعل بكم؟ فيقولوا :"أخ كريم و إبن أخ كريم" قيقول النبى ﷺ: "لا تثريب عليكم اليوم يغفر الله لكم و هو أرحم الراحمين" .. نفس الكلمه اللي قالها يوسف عليه السلام....

طيب نرجع لمضايقات قريش الشديده.. إيه رد فعل المسلمين و النبى ؟ النبى ﷺ حيفكر فى الهجره .. حيفكر فى إنه يترك مكه ..حيطوف النبى على القبائل ، 26 قبيلة . و فى موسم الحج ﻻن كل قبائل العرب بتحضر الى مكه .. ذهب النبي ﷺ لقبيلة كانت في أقصى جنوب مكه إسمها "كِنده" ورفضوه ..فذهب لأقصى شمال مكه لقبيلة إسمها "بني كلب" فرفضوه .. فذهب لأقصى الشرق لقبيلة إسمها "بني حنيفة" ورفضوه..

ورد عليه سيد القبيلة رد قبيح..فيذهب النبي ﷺ لأقصى الغرب فسيد القبيله يرفض وﻻ يكتفى بذلك رأى النبي عليه الصلاه و السلام راكب على فرسه .. فيذهب من ورا النبي و يحضر خنجر و يطعن فرس النبي ويسحب الخنجر فينجرح الفرس جامد..فالفرس يصرخ و يقفز والنبي عليه الصلاه و السلام ويقع من على الفرس.. وده اللى كان يريده سيد القبيله. فيقع النبي ﷺ على ضهره فيتألم من شده الالم ..

فيقف يضحك سيد القبيله هو و أتباعه والنبى واقع بيتألم صل الله عليه وسلم و من كتر التعب يقف النبي مره يقول للصحابه "والله أشعر كأنه أنقطع أبهري"(( يعني حاسس بسكاكين في قلبي من التعب و قلة الاكل و الشرب و قلة النوم و السفر و الإيذاء..)) فتنزل سورة ثانية من القرآن .. سورة أيه؟ سورة النحل .. لماذا سورة النحل تحديدا؟ كأن ربنا بيقول للنبى ﷺ أن النحل يا محمد بيفضل يطوف يطوف و يلف يلف ممكن يلف على 100 زهرة وفي الآخر يجيبلك ملعقة عسل فيها الشفاء كله، قال تعالى: "فِيهِ شِفَاءٌ لِّلنَّاس" ..فأنت يا محمد لف ولف لحد ما تنشر الإسلام اللي فيه كل الشفاء لتعب الدنيا و النجاه فى الآخرة و ان اخره التعب ده فرج ..

فالنبي ﷺ يفهم الرسالة و يبذل مجهود أكبر و يصبر اكتر.. و يستمر فعلا لا ينام ليل ولا نهار طول الصبح يمر على القبائل و بالليل يذهب لهم فى بيوتهم و يقولهم "هل تؤوني انا و أصحابي حتى أُبلغ دعوة ربي .. هل من أحد ينصرني أنا و أصحابى فإن قريشا منعتني أن أُبلغ دعوة ربي" ..فمنهم من يصفع الباب في وجه النبى الشريف و منهم من يسئ الأدب ..لدرجة أن القبائل العربية كانت بتحذر بعض و يقولولهم خلي بالكوا لو ح الى مكه هناك فتى أسمه محمد و لو رأيتموه حذارى يفتنكم بسحره و يقولولهم: فإنه ساحر يسحر الأعين و يفرق بين الرجل و أهله .. فبالتالي الناس كلها هتحضر لمكه فى موسم الحج خايفه من النبى صلى الله عليه و سلم ..

الى ان حضر رجل من كبار شعراء العرب دخل مكه و كان مقتنع بالاسلام فدخل و قال "إني متبع محمدا" فكبراء قريش جروا عليه "أبو جهل و أبو لهب .. إلخ" وقالوا له : إلى أين؟" قال: "أتبع محمدا" قالوا: "لا تفعل" فقال: "إليكم عني إني متبعٌ دينه" فقالوا له "لا تفعل إن محمداً يُحرِّم الزنا، فقال: لا حاجة لي بالزنا، فقالوا: إنه يحرم الخمر، فقال: أما هذه ففي نفسي منها شيء، فسأرجع إلى قبيلتى أتزود من الخمر ثم آتي وأسلم،..و فعلا رجع لقبيلته لكن ماااات بعد فتره ..و مات مشرك بالله ..(ياريت ﻻ احد يأجل الطاعه ابدااا لأن "لا تدري نفسٌ ماذا تكسب غدا و ما تدري نفسٌ بأى أرضٍ تموت " لو نفتكر سوا عفيف الكندي اللي كان واقف مع ابو طالب عم النبى و كان النبى بيصلى وكان يدوب هو وابو بكر و على و خديجه دخلوا الإسلام..

فرأى النبى بيصلى فدور وجه و مشى بعيد .واسلم يوم فتح مكه و بكى كثير و يقول يا ليتنى فعلت (ياريتنى اسلمت ساعه مارأيتك زمان يا رسول الله) ..الفرق بينه و بين مكانه ابو بكر كبير .. ابو بكر سبق بكتييرررر) ..يقول النبي صلى الله عليه و سلم : "لايزال العبد يتأخر حتى يؤخره الله" ..و يكمل النبى ﷺ و يدور و يقول من يؤينى انا و اصحابى لأبلغ دعوه ربى.. طيب و حيحصل إيه و يا ترى فى حل؟

نكمل الحلقة القادمة إن شاء الله