لو عرفتموه (الجزء الثاني 💜) مكتملة

186💜

#لو عرفتموه لاحببتموه
يلا صلوا على النبى :)
#غزوة تبوك (ج7)
فقال ﷺ : اللهم أحفظ أبا قتادة كما بات يحفظ نبيك 

دلوقتى المسلمين فى طريق رجوعهم للمدينه ، فالنبى عليه الصلاة و السلام كان راكب على الناقة بتاعته. و كان مرهق جدا من الطريق ومشقته, فتبدأ عينيه الشريفتين تقفل وينام ويميل من على الناقة.. فمين الصحابى اللى كان آخد باله ؟ "أبا قتادة", فلما شاف النبى فى الوضع دة جرى عليه بسرعه فبيحكى أبا قتادة و يقول: "فأسرعت إليه, فوجدته سيسقط عن ناقته, فذهبت اليه فسندته بيدى دون أن أوقظه.. ومكثت معه طوال الليل, و بعد بضع أميال, وجدته يميل مرة أخرى, فكاد يسقط النبى عن ناقته فسندته الثانية دون أن أوقظه.
و حين جاء وقت الفجر مال النبى ميلة شديدة عن الناقه فكاد يسقط عنها, فسندته..فاستيقظ النبى.. فقلت: بأبى أنت وأمى يا رسول الله أنا أبو قتادة. فقال: منذ كم و أنت هنا يا أبا قتادة؟. فقلت: منذ أول الليل يا رسول الله.. فقال النبى: اللهم احفظ أبا قتادة كما بات يحفظ رسول الله" فبيقول الصحابة: "فكان أبو قتادة أكرم الصحابة عيشا, و أهنئهم و أسعدهم ببركة دعوة رسول الله" ... رضى الله عن أبا قتاده و أرضاه 

الحمدلله رجع النبى المدينة وفى مفاجأه حصلت . ايه هيه؟ "عبد الله بن سلول" بيموت .. ده كبير المنافقين .. فيأتى ابن " عبد الله بن سلول" و يقول للنبى: "يا رسول الله أبى يحتضر, فيروح النبى لبيت عبد الله.. ( معقوله يا رسول الله تروح!! ده سلول ده اللى أتهم زوجتك عائشة أم المؤمنين بالزنا!!.. اه النبى راح يا جماعة .. دى أخلاق النبى محمد عليه أفضل الصلوات والسلام) .. ويموت عبد الله .. فأبن عبد الله بن أبى بن سلول طلب من  رسول الله  أنه يعطيه ثوبه عشان يكفن أبوه فيه ويغسله ويصل عليه .. فيوافق النبى صلى الله عليه وسلم .. وينفذ النبي عليه الصلاة والسلام  اللى أنطلب منه رغم كل الأذى اللى أتسبب له فيه .. مش بس أذى للنبي .. لا .. ده لأمة محمد كلها .. فالنبى يغسِّل عبد الله بن أبي بيديه ويخلع ثوبه ويكفنه بيه .. وبعدين يقف ولسه هيبدأ يصلي عليه .. فييجي سيدنا عمر بن الخطاب وهو مش عاجبه  اللى بيحصل ويقول : "يا رسول الله أتصلي على هذا المنافق ؟ فالنبي ﷺ يقول :"دعني يا عمر" .. فيقول عمر : "يا رسول الله لقد قال في عائشة كذا وكذا.. " فيرد  النبى عليه ويقول : "يا عمر, ان ربى قد خيرنى فقال استغفر له أو لا تستغفر له ان تستغفر لهم سبعين مرة فلن يغفر الله لهم, فسأزيد على السبعين لعل الله أن يغفر له", وبالفعل صلى النبى على سلول, وبعد الصلاة نزلت الآية: : وَلا تُصَلِّ عَلَى أَحَدٍ مِنْهُمْ مَاتَ أَبَدًا وَلا تَقُمْ عَلَى قَبْرِهِ إِنَّهُمْ كَفَرُوا بِاللَّهِ وَرَسُولِهِ [سورة التوبه] بس شوفوا  أد أيه النبى لآخر لحظة مهموم بالناس حتى اللى آذوه فى عرضه.. صلى الله على محمد.

نحكى قصة جميلة جداً ..بعد ما رجع المسلمين من الغزوة بدأ النبى عليه الصلاة و السلام يجيله المنافقين و الصحابة اللى تخلفوا و مراحوش المعركة من غير أى عذر حقيقى! طيب ده صحابى ازاى يعمل كدة و إزاى يتأخر عن الجهاد؟!!.. الصحابة بشر مش ملائكة و طبيعى انهم يغلطوا و غلط كبير أوى كمان. احنا كمان لو غلطنا و تخلفنا عن رسول الله ومدافعناش عنه, ممكن نتوب ونرجع ورا النبى تانى..
اللى تخلف من الصحابه كانوا 3 فقط منهم صاحبى أسمه سيدنا "كعب بن مالك".. بيحكى كعب بن مالك و يقول: " كنت فى المدينة, وتخلفت عن رسول الله, و والله ما كان عندى من عذر فى تخلفى عنه.. فقد كانت عندى ناقتين و معى أموال كثيرة .. فما كنت أغنى ولا أحسن حالا ولا أكثر مالا من يوم تبوك. و كانت ظروف المعركة صعبه, فكنت أقول فى نفسى أنا غنى و ناقتى سريعة, ففكرت أن أنتظر يوما ثم ألحق بالجيش. و بعد مرور اليوم الأول, دخلت بيتى و شربت الماء البارد حيث الجو الرطب, فأقول فى نفسى أنتظر يوما ثانيا ثم ألحق بهم. فجاء اليوم الثانى, فقلت فى نفسى ناقتى سريعة سأستطيع أن ألحق بهم".
و فضل سيدنا كعب يسوف و يأجل الخروج الى الجيش حتى اليوم الرابع "يوم الحصاد", و فى اليوم ده , جه الشيطان و وسوس له انه مش هيلحق الجيش أبدا فثبط عزيمته و فعلا مطلعش لأنه كان مستحيل انه يلحقهم و فضل كعب فى المدينة..و مطلعش الغزوة..فبيقول سيدنا كعب: "فمكثت فى المدينة ثم خرجت من بيتى أنظر فى وجوه الناس, فما أرى الا منافقا مغموسا فى نفاقه, أو معذور قد عذره الله (يعنى مريض أو عجوز).. و بلغنى أن النبى قد سأل عنى فى تبوك, فرد عليه واحد من الصحابة بأنه منعه ماله والنظر فى عطفيه, فرد الصحابى سعد بن عبادة بأن كذبت والله فاننا لا علمنا عليه إلا كل الخير, فسكت النبى و معلقش ع الكلام..
فبيقول كعب: فمكثت فى المدينة أنتظر اللحظة التى يدخل فيها النبى حتى جاءت الأخبار أنه قد وصل عند المدخل, فدب الرعب فى قلبى." طيب حيواجه سيدنا كعب النبى عليه الصلاة و السلام إزاى!!

حنعرف المرة الجاية إن شاء الله❤
#السيرة_النبوية_بالعامية_لنورهان الشيخ