يلا صلوا على النبى
هجرة نبينا ﷺ من مكه للمدينه(ج6) ❤
زينت بنت محمد حامل فى السابع وفى طريقها للهجره بعد ما والدها هاجر بوقت لانها كانت فى مكة مع زوجها. و حاول هبّار بن الاسود (قبل إسلامه) انه يمنعها فضرب الناقه اللى كانت ركباها.. و زينب وقعت و تنزف فتره طويله و تقعد كذا شهر تنزف تنزف ..و مات الجنين و حتعيش زينب فتره و حنحكى عن اللى حصل معاها هي و زوجها ابو العاص بن الربيع و حتعيش زينب بتعانى من الاذى اللى اتعرضت له بسبب هبار و حتموت..
فالنبي من حزنه راح قايل : من راي منكم هبّار بن الاسود فليحرقه بالنار لما فعله بزينب بنت محمد.. و لما النبى يهدى فيرجع تاني للصحابة و يقولهم : انى قلت لكم من راي هبّار بن الاسود فليحرقه بالنار و لا يعذب بالنار الا رب النار و لكن من رأي هبار بن الاسود فدمه هدر ..
(طبعا لازم قصاص)
و تلف الايام وهنشوف بعد كده لما النبى ينتتصر و يجي يوم فتح مكة و هبّار عايش جوه مكة و هبّار بن الاسود عارف ان لو الصحابة مسكوه حيقتلوه و كل صحابي نفسه هو اللي يمسك هبار عشان ينتقم لزينب بنت رسول الله ..فيتلثم هبّار بن الاسود عشان يخفى نفسه عن الناس و يمشى فى طرقات مكه بيدور في الوشوش لحد ما يوصل لمين؟
للنبي صلي الله عليه و سلم. فيقف قصاد النبي ميكونش في ناس حواليهم..
فالنبى يقول: من؟
فيشيل هبّار اللثام من علي وشه ..
فالنبي يقوله: انت هبّار!!
فيقول هبّار : يا محمد هلا عفوت عني؟
فالنبي يقول ايه للى قتل بنته البريئه و اذاها واذى حفيده ؟
يرد النبى و يقول عفونا عنك يا هبّار .. يغفر الله لك..
اسلم هبار بعد ذلك وبقى صحابى .
طيب يقول علي بن ابي طالب : ظل اصحاب رسول الله يخرجون مستخفين رجلا او رجلين في منتصف الليل يخافون من كل خوف و يخافون من كل نفر من انفار قريش الا رجلا واحدا..سيدنا على بيقول : ما علمت احداً إلا و خرج مستخفياً إلا عمر بن الخطاب .. طب ازاى؟ عمر راح بالليل و أخد الحربة و القوص بتاعه و راح علي الحرم و قال : يا معشر قريش يا معشر قريش ..فكله اتجمع ..فراح عمر قايل : من اراد ان تثكله امه و يُيتم ولده و ترمل زوجته ( اللي عاوز امه يبقي ابنها ميت و مراته تبقي ارملة و عياله يبقوا يتامى) فإنى مهاجرآ الى المدينه عند الفجر.. فليتبعني
و طلع عند الفجر و مفيش مخلوق قرب منه .. و طلع مع عمر 20 واحد للهجرة من فقراء المدينة. رضي الله تعالى عن عمر عن الفاروق (يفرق الله به بين الحق و الباطل يا بختك يا عمر عند ربنا.. يا بختك يا عمر عند رسول الله صلي الله عليه وسلم)
نكمل الحلقة القادمة إن شاء الله
أنت تقرأ
لو عرفتموه (الجزء الثاني 💜) مكتملة
Spiritualالجزء التاني لو عرفتموه لمتم شوقا لرؤياه😍 كل القلوب الى الحبيب تميل.....ومعي بهذا شاهد ودليل أما الدليل اذا ذكرت محمدا........صارت دموع العاشقين تسيل 💜💜
